الى كل وحده ما تقدر على زعل رجلها...... 
بسم الله الرحمان الرحيم
حبيت انقل لكم موضوع هام لكل وحده ما تقدر على زعل حبيب قلبها رجلها ابو عيالها
انا مو استشاريه نفسيه ولا دكتوره بس اكتب من تجربه وكل وحده تمر بحياتها لحظات فرح ولحظات حزن..وهذا امر عادي هذي سنة الحياه وجذي الحياه ماشيه...
بــــــــس... لــــــــــــــــحـــــظه !!!!!
كم وحده مننا استغلت هـ لحظات استغلال جيد ..؟؟؟؟؟؟
اكيد القليل والصحيح مافي وحده استغلتها صح ... تــــــدرون لــيش؟؟؟؟
لن احنا الحريم تدفعنا مشاعرنا وهي اللي تمشينا وراها كانت مشاعرنا صح ولا خطا كانت في مكانها ولالا ما نفكر بشي هذا نفكر نسوي اللي يامرنا فيه قلبنا ولا عقلنا ما نفكر فيه لا بعد ما يطيح الفاس براس
حبيت اقل كم كلمه وابيكم تفكرون فيها صح وانا مابي من وراها الا الاجر من الله سبحانه......
لا بد من المشاكل بين الزوجين ومافي حياه مافيها مشاكل لازم نحط الشي هذا براسنا وما نزعل اذا تهاوشنا مع رياجيلنا لن ما صارت الهوشه الا لن كان في سوء تفاهم وراح ينحل وبعد جذي نتجنب الشي هذا وتوضح شغله جديد قدامج وتعرفين شي كان يضايق رجلج وبعدها راح ما تسوينه عشان تتجنبين المشاكل وهو راح يستانس لنج ما تسوين اللي يضايقه وتحاولين تتجنبين المشاكل....
اول شي تسوينه اذا حسيتي في مشكله بتصير
1 حاولي انج ماتحتكين وياه بلكلام او تطولين صوتج..
2لا تجادلينه حتى لو كان غلطان
(لن هو معصب واذا قلتي انت غلطان تزيدين الطين بله ويعصب عليج لن الرجال بطبعه ما يحب احد يقوله انك غلطان)
3حاولي انج تهدين الوضع بكلام حلو مثل (خلاص يا حياتي لا تعصب, مايصير خاطرك لا طيب ,إلخ ...مايحتاج اعلمكم تعرفون اللي ماينعرف )
4 اذا هدى لا تكلمينه على طول خليه يرتاح جيبيله ماي عصير اي شي يهدي اعصابه.
5بعد مايهدي بــ ساعتين او ثلاث تعالي عاتبيه اذا كان هو غلطان واعتذري اذا كنتي انتي غلطانه.....مثلا":::
اذا كان غلطان قوليله ليش يا حياتي تغلط علي ترضى علي انا زوجتك ام عيالك...إلخ إلخ.. وصدقيني اذا عاتبتيه بهطريقه راح يحس انه غلطان حتى لو ما يعتذر بس صدقيني راح يحس انه غلط عليج وان غلطان بينه وبين نفسه وهذا يكفي...
اما اذا انتي كنتي غلطانه هذي المصيبه الكبرى
كل الحريم ما يعتذرون من رياجيلهم على بونه عزت نفس عزت النفس ما تجي بين المرء ورجلها اوكي خلي عندج عزت نفس بس لا تكونين غلطانه وما تعتذرين هذي اكبر مصيبه
لا تقولين ما اقدر حاولي لو مره وحده وراح تشوفين تقدير زوجج لعتذارج منه وراح ينسى انه علان حاولي كل ما تغلطين انج تعتذرين صدقيني راح تحسين براحه نفسيه ولا تعتقدين ان الاعتذار إهانه لج بلعكس هذا شي يزيد من قدرج بعين نفسج وماهو شي غلط ولا عيب العيب ان الواحد يغلط وما يعترف بخطاه....