الي له نفسس بالطبخ لاتبخل علي

قلبي نوره :

وانتي وش طريقتك اللي معتدمتها شوفي فيه كذا طريقه تظبط الكبسه وفيه كذا طريقه تفسد الكبسه وتخليها ماصخه وتتلزق وكذا شوفي بعطيك اهم نقطه لاتستعملين الا رز ابو كاس. او الشعلان لان هو السر في نجاح الرز بحيث طول الحبه وتفاككها وتصير حبات الرز نثريه ويمدحون رز باب الهند بس شرطه تكون مويه طبخه قليله يعني ترتفع عن الرز بمستوا اممم 2 سانتي واول مايبدا يقلب قصري عليه ولكن شرطه الوحيد الزيت كثري الزيت وانتي تكشنين الرز اممم يعني اذا كنتي تحطين كاس رز حطي ربع الفنجال زيت <<<فنجال شاهي واذا كنتي تحطين كاسين رز حطي نص الفنجال زيت وحطي فبالك تنقعينه بمويه حاره. نقعيه قبل ماتبدين باي شي هذا من ناحيه الرز ومن ناحيه الطعم اذا ماله نكهه. بسيطه استعملي مكعبات مرق الدجاج. وانصحك بالعلالي. ابعدي عن الماجي مر. والبهارات فيه زايده واذا كنتي من النوع المقاطعين لمكعبات مرقه الدجاج استعملي بهارات عاديه. واذا تبين نكهه استعملي بهارات البرياني ومن ناحيه الملوحه حطي في بالك نقطه مهمه. لكل كاسين رز ملعقه شاي مليانه ملح. واذا تحطين كاس حطي نص ملعقه واذا كنتي بتستخدمين الماجي خلاص لاتحطين ملح واذا تبين ريحه حلووه وقت الطبخ حطي قرن فلفل حار او فلفل بارد مقطع حلقات واممممم وش بعد ياربي ايه تذكرت وانتي تحمسين البصل والطمام حطي الدجاجه واحمسيها معهم لمده دقيقه كذا وبعدين صبي الماء ولا تنسين تحمسين البهارات الصحيحه مع البصل والزيت وهي. 4 حبات هيل و 4 حبات مسمار وعود قرفه وورقه غار وبس واي استفسار. انا حاضره

وانتي وش طريقتك اللي معتدمتها شوفي فيه كذا طريقه تظبط الكبسه وفيه كذا طريقه تفسد الكبسه...