السسسسسلام عليكم
مررررررحبا صبايا ../
أخباركم مع البنوك الي كل شوي طاردتنا بس بأسلوب خخخخخخخخخخخخخخ
طال عمركم على طاعته قولو آمين
انا اليوم رحت جوله معي ابوي في بنوك الرياض الحبيبه
قسم بالله اللأخلاق واصله حددددهاااااا
نبي نفتح حساب ونفتك وهم طالعين لنا بقوانين مدري شلون وتعجيزات مدري وش تبي
اوكي فهمنا انكم مضغوطين لكن شغله انكم تقولون تعالي بعد شهر شهرين سلامات .؟؟
المهم بحكي لكم وش صار معي اليوم من طقطق لين ربي افرجها علي ولله الحمد ولقيت البنك الي يستقبلني وفتحت عندهم حساب
اول بنك رحت له وقريب مننـــا الراجحي
وصلت حدهم على 9 ونص تقريبا والحريم مساكين براااا
مادخلوهم
ننتظر ننتظر وناس رايحه وناس جايه وفي شمس الرياض بعد
المهم وبعد انتظرت قرابه الربع ساعـــه يعني ماطولت
يجيك حارس الأمن ويقول
ياحريم اللي ماجات أمس أخذت موعد تتيسر
انا أستغربت من هالكلمه
والحريم الي قبلي مساكين ينتظرون // سألت وحده من البنات الواقفات قلت وش يقصد
قالت لي انها جات امس البنك وخذت لها موعد عشان تفتح حساب
وكل يوم يستقبلون 30 شخص فقطططط
قال والمواعيد محجوزه الى يوم الأربعاء
يعني تعالي الأربعا وخذي موعد للسبت القادم .؟؟
سلاماااااات وسلامااااااااات :mad:
دقيت على ابوي وقلت مابيدخلوني مشينا للبنك الثاني
قال يالله
جنب الراجحي كان فيه بنك ساب
مامداني وصلت له شوي اللا وفتح الباب
وفيه حريم من قبلي مساكين ينتظرون
دخلنا داخل واستقبلتنا وحده عند الباب
قالت الي جايه عشان خدمة العملا تتفضل اما الي جايه عشان فتح حساب تجي تاخذ موعد وتروح
قلنا موعد لمتى
قالو ماندري
يمكن بعد اسبوعين يمكن بعد شهر الله واعلم
احنا مضغوطين وكل يوم مانفتح اكثر من 20 حساب .!!!
وبعدين يعني متفقين انتوووو يالبنوك علينــــا .؟؟؟؟:mad:
المهم وانا ادق على ابوي ومشينـــا قلت له ودني لأي بنك قريب
قال بنك البلاد قريب مننـا
قلت يالله
دخلته اللا وزححمه الحريم
سألت الموظفه قلت ابي افتح حساب
قالت والله اكتفينا اليوم بس تعالي بكره وجربي وحاولي تجين بدري لان الي هنا الان كلهم يبون يفتحون حساب واحتمال مانخلصهم كلهم والبقيه يجون بكره .!
:mad: ياربي
طلعت منهم قال ابوي شوي وارجع لك لا تطلعين
اثاريه ياعمري عليه سأل البنك العربي والرياض كلهم قالو وقفنا فتح الحسابات
قلت له أسأل السعودي الهولندي
قال هنا مافي فرع للنساء
بس وصفني فرعهم بعليشه نروح ونجرب
قلت يالله عسا هالمره ربي يوفقنا ونخلص من هالحساب
شوي ابوي قال تدرين .؟
قلت وشهو .؟؟
قال بسحب لك فلوس
وراح البنك وهو يسحب لي 5000 ههههههههههههههههه
قال ادخلي عندهم وقولي ابي افتح حساب
واذا قالو لك اكتفينا
قولي عندي فلوس وضروري اودعهم بحسابي اليوم
قلت حلو حلو :39: اووك صار
والله وانا ادخل فرعهم يابنات
وه وه يازينهم ويازين تعاملهم
من اول مادخلت وياهلا ومرحبا تفضلي وش بغيتي
قلت ابي افتح حساب
قالت الموظفه والله تاخرتي اليوم شوفي الساعه الحين صارت 10 ونص
ليتك مبكره شوي لان اكتفينا من فتح الحسابات بس تعالي بكره من بدري ومايصير خاطرك اللا طيب
قلت لها (عندي فلوس ابي اودعها في حسابي ) ههههههههههههههههه
احاكيها وانا اللم شنطتي بقووووووة ههههههههههههههههه:27:
قالت حياك تفضلي
:)
وفتحت الحساب وكل شي تماااام ولله الحمد وخلصت في قرابة نص ساعه
ذلونـــا هالبنوك والله لازم تتعبين عشان تلقين اللي يرضيك
لان ماحد فيهم بيرضيك وماحد هامه شي مع انهم هم الكسبانين
نوال البنفسج @noal_albnfsg
عضوة فعالة
يلزم عليك تسجيل الدخول أولًا لكتابة تعليق.
أم توتو333
•
ههههههه بنوك ماتنفع فيهم الا العين الحمرا خخخخخ
ماشالله على باباكي والله ذكي ؟؟انا اليوم صارلي نفس الحكايه ويقولون الاجهزه عطلانه؟؟
وشكلهن بيتفرغن للقهوه
الله يصبرنا بس
وشكلهن بيتفرغن للقهوه
الله يصبرنا بس
أم صبــا
•
الله يعين..طيب واللي ماتقدر تجيب الخمسة الاف وش تسوي ..والله حاله...
بالتوفيق ياصحبة الموضوع..والله يرزقك وكل من بنات حواء قولي آمين
بالتوفيق ياصحبة الموضوع..والله يرزقك وكل من بنات حواء قولي آمين
الصفحة الأخيرة