صح لدرجه ان وحده متوهمه او ممكن تكون مريضه فعلا لكنها مطهره نفسها من المعاصي يعني مافكرت انها عاصيه مسويه نفسها انها ماعندها ذنوب وتعالج فقط بالرقيه لا ممكن تكونين مصابه بس الرمض هذا مامنعك من الزواج مو هو السبب ممك تكون ذنوبك هي السبب

لاني يوم قلت لها ان الذنوب تمنع ارزق قالت لا احمدلله ماسوي ذنوب ومدري ايه طيب ليش انبياء حنا عشان مانذنب ابن آدم خطاء وخير الخطائون التوابين

ياليت كلنا نفتش عن ذنوبنا ونتستغفر لان حال الناس مره خربان الله يمهل ولا يهمل نسال الله الهدايه والصلاح

موضوعك مهم مهم لكل بنت

بس مانقول نا مافيه سحر او حسد منتشر الحسد واللسحر بشكل كبير بوقتنا هذا لان كل حياتنا معاصي ومعرضين لكذا
ولازم نلزم الرقيه بس نفكر بذنوبنا بعد ونطلب المغفره للذنوب مو نستغفر بس للشفاء انما الاعمال بالنيات خلي نيتك اخلاص لله وطللب المغفره والعفو من الله عشان ربي يسهل

واللي يقهر ان بعض البنات تقارن نفسها بغيرها ليش هذي عاصه والله عطاها وليش وليش لاتقااااااارنون ببعض الله له حكمه وحنا مو زي بعض ذنوبنا وايمانا يختلف

مثل اللي تقول صديقاتي تزوجوا وكانوا يكلمون وانا ملتزمه وماتزوجت طيب الله له حكمه ماندري وشي يعني اذا الله كتب لهم شي خلاص نسوي مثلهم عشان ربي ييكتب لنا مثل ماكتب لهم
لا حنا ماعلينا الا اننا نطيع الله ولانعصيه وخلاص نوكل الله

كلامك صحيح المفروض الوحدة ماتتعلق بسبب واحد او تفسير واحد

لكن الرقية خير وبركة وليس فقط للشفاء

حلو انها تجمع كل الاسباب من رقية واستغفار ودعاء وقيام وقران وصدقة وصيام ولسان يلهج بذكر الله

والأهم اليقين

انا اعرف وحدة تقربلي مطلقة والحين تقول انا معي عين وتروح شيوخ وتضيع فلوسها وهي بامس الجاحة لها على هالدجالين
لو سألناها لية معك عين وكيف عرفتي ؟؟
ماتشعر باي مرض بس تقول محد يتقدملي
؟؟؟؟؟؟؟؟؟؟؟؟؟
انتي تدرين كم عمرك
عمرها فوق الاربعين ومعها 3 اولاد الكبير منهم يدرس بالجامعة ومستغربة لية محد يتقدملها ومعتبرة هالشئ انه معها عين تصرف الرجال عنها
تخيلو بالله هذي محد يراجعها بكلامها
الحين البنت اللي بالــ 25 سنه وجالسة ومحد تقدم لها وش تقول اذا انتي اللي فوق الاربعين وتعتبرين نفسك مسحورة
مين بيدور وحدة ولدها لحيته مالية وجهه
بالعقل بالمنطق تلقين اللي يصير معك طبيعي جدا
انتي ربي انعم عليك بالزوج وانتي بالعشرين من عمرك وماكان ناقصك شئ بس ماحافضتي على بيتك وصرتي تفتعلين المشاكل مع زوجك ووصلت فيك انك ترمين ثيابة من البلكونة قدام الله وخلقة تحمل وتحمل بالنهاية طلقك
وبعد الطلاق خلاك مع عيالك بالشقة وماشكيتي من شئ بس حاولتي ترجعينه لكن للاسف هو وجد بديلة لك
بمرور الزمن حسيتي انك ضيعتي نفسك بس سكتي لانك كنتي تبين تاكلين وبس ومصدر الرزق معدوم بعد طلاقك يدوب مع مصروف عيالك اللي يجيهم من ابوهم ولما الملك عبدالله يحفظة صار ينزل للمطلقات فلوس وبطاقة شهرية جرت الفلوس بيدك ماعرفتي كيف تستغلينها قمتي تشتكين من العين وتدورين دجالات يوهمونك بانك معك عين وياخذون فلوسك
لما ماكان معك فلوس ماقلتي معي عين مع انك كنتي اصغر بالعمر بس الحين تغير الوضع
بصراحة بطت كبدي وهي تتوهم بالعين وهي مافيها الا العافية واحيانا تسألني عن مراكز التجميل واعطيها ارقامها
وحدة تبي تتجمل بالله اللي معها عين تفكر بهالاشياء
اتوقع انها تصرف مامعها من فلوس على قد الحال
يعني الفلوس اللي معها الحين يدوب توصلها دجلات ينصبون عليها فتروح لهم
لو معها فلوس اكثر كانت استبدلت الدجالات بمراكز التجميل وراحت لهم بس للاسف هالمراكز تبي فلوس كثيرة
اخ بس وش اقول الغريبة انه هالحرمة متعلمة ومخلصة جامعة اجل وش تركت للجاهلات

يعطيك العافيه ......

الحمدلله ولا مره فكرت ان فيني شي من هالكلام

هذا نصيبي ومكتوب لي ..