reemas99
•
موضوع قيم وبصراحة اني قريت رد وحدة من البنات وقالت موضيعك مفيدة فحبيت اتابعها ولك الف الف شكر حبيبتي
والله إني كاتبة حلول قد شعر راسي هنا في عالم حواء وبحاول أجيب الأفكار
من هنامن المواضيع بس يبي لي وقت لأن عدد مشاركاتي كبير جداً
لكن أتذكر منها
أولا أنصح أي زوجة بيتها شقة أن لاتحضرخادمة أبداً وتحاول أنها تعوض نفسها بأجهزة زي
غسالة الملابس الأتوماتيك هذي مريحة جداً وكذلك غسالة المواعين أيضاً ممتازة ومريحة
كذلك الطبخات اللي تحتاج وقت وتعب وممكن تحفظ في الفريزر إذا أنتي عندك أوقات فراغ بعض الأيام حاولي تسوينها وتعبين الفريزر منها هنا توفرين وقتك إذا جاك ضيوف
إذا جت المقاضي على طول نظفيها ورتبيها البقدونس والورقيات أغسليها ونشفيها
تلاقي الطريقة في موضوع لي في قسم حواء
الباميا قمعيها وفرزنيها والفاصولياء قطعيها عدة أشكال وعبها في أكياس وأجمعيهم في علبة كبيرة عشان ما تتعبين وأنتي تدورينها كذلك الملوخية أورقها وأعبيها في أكياس في الفريزر
كذلك الجزر إذا كان كميات كبير ة والقرع والفلفل الأخضر البار والأحمر والأصفر قطعيه حسب حاجتك للمرق للبيتزا وغيره والزهرة كذلك
والطماطم أيضاً خاصة إذا كان موسمها أجيبها بكميات كبيرة وأسويها بعدة طرق
شي معصج ومطبوخ وشي مقطع بس تقطيع ولا أخلي باثلاجة إلا حق السلطة بس
وكذلك البصل والثوم قطعي كميات كبيرةو وحطيها بالفريزرالثوم أنا أحطه عدل وإذا إحتجته حطيته في ماء دافي وعلى طول يتقشر
وممكن براتب الخادمة أو أقل منه بعد تشترين طبخات حق الفريزر من الحريم السعوديات اللي يبيعون هنا أو ألأجنبيات
تعويد الأبناء على المساعدة في المنزل وعدم الأتكالية يعني نبتدي نعود الطفل من عمر أربع سنوات يرتب ألعابه يرتب سريره حتى لو ماصر على مزاجك أهم شي يتعود
وإذا دخل المدرسة يجي على طول يحط الشنطة في مكانها والجزمة وأنتم بكرامة في مكانها الخاص يبدل ملابسه ويحط الوسخ في السلة
إذا عند والدتك خادمة حاولي تاخذيها كا فترة تساعدك على تعزيل البيت وعطيها المقسوم تراهن يفرحن وأنتي جسي نبضها بعضهن ما تبي
في خادمات تجي الساعة بعشرين أقل
أنا كنت أجمع لها الكوي حق أسبوع وتجي أربع ساعات بستين ريال تكوي وتروح
لي عودة إن شاء الله عشان أكمل
من هنامن المواضيع بس يبي لي وقت لأن عدد مشاركاتي كبير جداً
لكن أتذكر منها
أولا أنصح أي زوجة بيتها شقة أن لاتحضرخادمة أبداً وتحاول أنها تعوض نفسها بأجهزة زي
غسالة الملابس الأتوماتيك هذي مريحة جداً وكذلك غسالة المواعين أيضاً ممتازة ومريحة
كذلك الطبخات اللي تحتاج وقت وتعب وممكن تحفظ في الفريزر إذا أنتي عندك أوقات فراغ بعض الأيام حاولي تسوينها وتعبين الفريزر منها هنا توفرين وقتك إذا جاك ضيوف
إذا جت المقاضي على طول نظفيها ورتبيها البقدونس والورقيات أغسليها ونشفيها
تلاقي الطريقة في موضوع لي في قسم حواء
الباميا قمعيها وفرزنيها والفاصولياء قطعيها عدة أشكال وعبها في أكياس وأجمعيهم في علبة كبيرة عشان ما تتعبين وأنتي تدورينها كذلك الملوخية أورقها وأعبيها في أكياس في الفريزر
كذلك الجزر إذا كان كميات كبير ة والقرع والفلفل الأخضر البار والأحمر والأصفر قطعيه حسب حاجتك للمرق للبيتزا وغيره والزهرة كذلك
والطماطم أيضاً خاصة إذا كان موسمها أجيبها بكميات كبيرة وأسويها بعدة طرق
شي معصج ومطبوخ وشي مقطع بس تقطيع ولا أخلي باثلاجة إلا حق السلطة بس
وكذلك البصل والثوم قطعي كميات كبيرةو وحطيها بالفريزرالثوم أنا أحطه عدل وإذا إحتجته حطيته في ماء دافي وعلى طول يتقشر
وممكن براتب الخادمة أو أقل منه بعد تشترين طبخات حق الفريزر من الحريم السعوديات اللي يبيعون هنا أو ألأجنبيات
تعويد الأبناء على المساعدة في المنزل وعدم الأتكالية يعني نبتدي نعود الطفل من عمر أربع سنوات يرتب ألعابه يرتب سريره حتى لو ماصر على مزاجك أهم شي يتعود
وإذا دخل المدرسة يجي على طول يحط الشنطة في مكانها والجزمة وأنتم بكرامة في مكانها الخاص يبدل ملابسه ويحط الوسخ في السلة
إذا عند والدتك خادمة حاولي تاخذيها كا فترة تساعدك على تعزيل البيت وعطيها المقسوم تراهن يفرحن وأنتي جسي نبضها بعضهن ما تبي
في خادمات تجي الساعة بعشرين أقل
أنا كنت أجمع لها الكوي حق أسبوع وتجي أربع ساعات بستين ريال تكوي وتروح
لي عودة إن شاء الله عشان أكمل
أنا تكلمت عن غسالة الملابس الأوتوماتيك ويمكن البعض ماعرف اللي أقصدها
اللي أقصدها هي اللي أنتي بس حطي الملابس وحددي الماء والصابون حسب كمية الملابس
وهذي اللي تفتح من فوق وليس من الأمام
ويجي معها مجفف حار يطلع لك الملابس ساخنة وناشفة إذا أنتي على طول علقتيها وطبقتي اللي يحتاج تطبيق ماراح تحتاجين تكوين غير ثياب الزوج فقط واالأبناء الكبار
طبعاً مو كل شي ينحط فيها عشان كذا لازم ننتبه للعلامات الموجودة على الملابس لكن بالعموم الملابس الداخلية الرجالية والأطفال والبيجامات والشراشف والبشكير (الفوط)والشامواه والصوف الصناعي في الغالب والقطنيات ذات الوبر كلها ممتازة فيها والعبايات والإسترتشات والجينز
والملابس الرجالية والأشياء التي يصعب عليك كويها أو ماتحبينها ممكن تودينها للكواي
وترتاحين
وبكذا تخففين عنك عناء الكوي
هنا بأركز على تفريز الأطعمة لاخصوص لأنه لو بتلاحظون أن الطبخ يستهلك وقت ويلزمك الجلوس بالمطبخ ما تطلعين سواء كمية كبيرة أوقليلة لذلك أفضل عمل كميات كبيرة وتفريزها
حتى أوفر الوقت والمواعين بعد ههههههههههه حتى لو عندي خادمة الطبخ يحتاج وقت وصحصحة
وقلنا فرزنة أغلب الأغذية مثل الخضار وبعض الطبخات أيضاً يوفر لك الوقت والتعب
كذلك شراء بعض الأطعمة المجمدة من النساء اللي يطبخون بالبيت ويوصلون لك إذا كان عندك مناسبة ومايجي نص راتب الخادمة ((إحسبي تكاليف الإستقدام وأكلها وشربها ولبسها والأشياء اللي تخربها عليكم وتبذيرها في المواد المستهلكة في البيت من منظفات وغيره وعلاجها وإقامتها))
وشوفي الناتج والله إنه مبلغ خيالي
مكن تستأجرين خادمة في وقت فراغك وتعزلين البيت أنتي وياها سوى مرة كل ست شهور كفاية
ولو أنتي من اللي يحافظون على وضع الأشياء في مكانها بعد كل إستعمال وينظفون على طول
صدقيني يمكن ماتحتاجينها إلا بالسنة مرة
وممكن تستأجرينها من أي مكان أو من أي صديقة أو خادمة الأهل مدة وتعبين الفريزر
من الطبخات اللي تصلح للتجميد
مثل0000000000000
السمبوسة بجميع أشكالها أصابع أو مثلثات وجميع الحشوات (جبن لحوم مشكلة خضار تفاح وقرفة ولوز وسكر )
الكيك بأنواعه حتى السويسرول مايتغير
ورق العنب سواء مطبوخ أوقبل الطبخ ((أنا أحطه قبل ما أطبخه)) والآن فيه ورق عنب معلب جاهز
وهو نفسه اللي يبيعونه عليكم أغلب المطاعم بضعف سعره العلبة فيها 2كيلو بالكثير عشرين ريال
وممكن أقل لبعض الشركات هذا أيضاً يوفر لك وقت
كذلك محشي الملفوف ممكن تجمدينه بالفريزر
المعمول بأنواعه وكتاب أم عبدالعزيز فيه نوع ممتاز يقلى بالزيت هذا أنا أعبي منه الفريزر ومايتغير
المعجنان بجميع أنواعها فطاير وبيتزا وبجميع الأحجام أهم شي تتعمل صح وتتركينها تبرد تماماً
قبل الفرزنة /الكبة بأنواعها ((فيه كبة في السوق مجمدة إسمها شامي في جيان روعة وجميع
الأنواع والأحجام)
الفطائر التي تقلي بالزيت أيضاً ممتازة بس ماتقليها إلا بعد ما تحتاجينها
الفواكه مثل الأناناس الجوافة مانجو برتقال شمام فراولة كل
هذي أقطعهم وأعبيهم بأكياس بالفريزر
وكل شي سويه على طول في وقت فراغك
الزنجبيل الطازج أبشريه وعبيه في كيس وأفرديه فيه وبعدين لفيه رول أو إتركيه دون فرد وألصقي طرفه بلاصق أو إستعملي الأكياس اللي لها كبس يغلقها تجدينها في الأسواق
عشان يكون سهل عليك تاخذين منها
أو قسميه في قوالب الثلج وإذا تجمد طلعيه حطيه في علبة وخذي منه كل ما إحتجتي بسهولة
البهارات إطحنيها بكمية تكفيك مدة ست شهور وحطيها بالفريزر
تحميص القهوة حمصيها عند المحمصة يحمصها ويطحنها لك الكيلو بريالين يا بلاش
ولا حوستها بالبيت
وكذلك البهارات يطحنها لك وممكن تشترين جاهز إذا ماعندك إستعداد تجمعين بهارات على كيفك
نجي للفرن أيضاً ياخذ وقت فأحرصي من البداية أنك ماتوسخينه وشوفي كيف ممكن يجلس معاك إسبوع كامل ماتحتاجين إلا إنك تمسحينه بالفوطة مسح عادي
يعني لا تحطين أكل كثير في قدر صغير وعلى العين الكبيرة
و تتركين إبريق القهوة والحليب والشاهي يفور ولو حصل على طول إمسحيه
القلي إستخدمي القلاية الكهربائية مريحة وتوفر الوقت والجهد ولا طرطشة ولا حروق
والزيت بعد توفره لك لكن يستحسن أنك ماتقلين فيها لحوم مباشرة زي البروستد والسمك
هذولي دايم على عين كهربائية خارجية غير الفرن ((تلقينها عند أبو عشرة))
عشان تحافظين على فرنك والزيت تكبينه بعد الإستعمال
نجي للثلاجة أمسحيها كل شهر مسح كامل شامل وكل يوم تلاقين شي خربان
طلعيه على طول وأي شي ينكب جواتها على طول أمسحيه لا تتركينه لبعدين
أعتقد خلصنا من أصعب شي بالبيت وهو المطبخ والغسيل والكوي
ولي عودة بإذن الله لإكمال بقية أجزاء البيت إذا أعجبتكم طريقتي
الصفحة الأخيرة
وبارك الله فيكم على المرور الطيب والتشجيع