الي مايصلي زوجها

السلام عليكم
كيف علاقة زوجك بربه هل هو يصلي وهل هو مجتهد بطاعه
عندي اختي الله يسعدها ، مطلقه تزوجت من واحد مطلق تقولي تفأجت انه مايصلي ثلاثة ايام مراح للمسجد ولايجيب طاري الصلاة ليش ماتصلي قال ان شاءالله ان شاءالله بصلي قالتله ماشفتك صليت من ثلاثة ايام قال ان شاءالله ان شاءالله
.
مر عشره ايام ماصلى قلت شوف انا والله ماكملت سنه مع زوجي الأول وتفرقنا عشان الصلاة حاولت فيه و نصحته قلت إذا ماصليت مراح اجلس عندك قالي ماهو انتي من يعلمني بربي وصار هذا موضوعنا كل يوم لحد مارحت بيت اهلي وطلبت طلاقي وطلبت الله يعوضني
.
والان رجعت لنفس مشكلتي الي واجهتها سابقا إذا ماصليت ماقدر اعيش معك قال زين وصلت صلاة المغرب قلت روح صل وطلع قال رايح المسجد قلت اغتسل واغتسل وراح صلا المغرب تقول وانا اطالع مع الطاقه اشوف راح ولا لا حتى تأكدت انه صلا قلت الحمد لله جات صلاة العشا وراح يصلي وبعد العشاء ماقدر يمسك دموعه قالي حسيت بشي ماحسيته طول عمري ودي اسجد لله على طول ماتملكت نفسي عندما قرا الإمام ( إِنَّ الَّذِينَ لَا يَرْجُونَ لِقَاءَنَا وَرَضُوا بِالْحَيَاةِ الدُّنْيَا وَاطْمَأَنُّوا بِهَا وَالَّذِينَ هُمْ عَنْ آيَاتِنَا غَافِلُونَ أُولَٰئِكَ مَأْوَاهُمُ النَّارُ بِمَا كَانُوا يَكْسِبُونَ ) يقول من عرفت العلم ماصليت كنت اصلي صغير على عين ابوي ومن تزوجت زواجي الاول والله مانصلي حتى رمضان ماكنا نصوم انا وياها وحياتنا كلها مشاكل و ماجابت لي طاري انا نصلي او شي عن الدين يوم واحد . واليوم بعد ماصليت الي في المسجد كلهم يطالعوني حتى وانا خارج ثنين صغار من جيرانا يقولون لبعضهم فلان صلى حزنت على نفسي وانا اسمعهم كم لي ماسجدت لله .... تقولي طلبته عمره ورحوعمره تقولي اختي تأثر داخل البيت الحرام تأثير كبير حتى الدخان تركه والآن من اربعة شهور من يسمع الاذان يترك الي في يده وعلى طول المسجد وبدايته كان يستحي يسألني بعض الاسئله عن الصلاة وكان بس يبحث في جواله
.
الي زوجها مايصلي تحاول فيه عسى الله ان يهديه وتسعى لإصلاحه عسى الله يسعدها معه ويكون لها اجر
والله والله يابنات اني اعرف من قرايبنا زوج وزجته مايصلون قريبين جدا جدا وفي الاجازات نكون سوا حتى اخواني يقولون زوجها مايصلي وهي في حياتي ماشفتها تصلي مدري كيف انصحها