الي ما يدانيك يخرب معانيك ( اسمعوا القصه وبتعرفون)

السلام عليكم

حبيباتي اول شي كيف الحال ان شاء الله الكل مرتاح وبخير

بدون إطاله القصه هي ان بنت طيبه اعرفها وصديقه مقربه هي اصلا بنت عمي تزوجت من واحد مب من الأهل المهم البنت ماشاء الله عليها جمااااااال وطيبه ( من يشهد للعروسه )
المهم زوجها يحبها وهي تحبه بس الخوات وحريم الاخوان على فكرة ولا واحد من اخوانهم خذ من اهله . البنت في البدايه كانت تقول انهم طيبين بس بدون اسباب يحاولون يقهرونها يعني مره يقولون انهم يعرفون ناس من اهلها ( لوووث ) يقصدون خمه او هيلق . المهم البنت ظلت ساكته خبرت ريلها وهي تصيح لان الكلام يجرح هو ثاااااااار وعصب ونازع خواته تعرفون شو رددوا قالوا لاااااااا نحن ما قلنا ومستعدين نواجهها تخيلوا الوقاحه لأي درجه .

ومرة قالوا حق اخوهم انت ما طلعنا هو قال انتوا ما تبون قالوا لا زوجتك ما تبانا وطالعنا بإحتقار يعني اي شئ بينهم يردونه على هالمسكينه . وكم حصلت مشاكل بينها وبين زوجها منهم .

تعرفون مرة شو قالت اخته لان اخوها قال لا تتكلمين بالتلفون واايد هي قالت حتى خوات زوجتك مب متزوجات وعندهم موبايلات . ترفع الضط اخته والله في كل شئ بدخل زوجته والزوج المسكين ما يرضى عليها يعصب ويزعل ويصارخ عليهم بس ما في فايده .

والمواقف كثيرة ولا مرة قالوا عن شئ سوته حلو ولا عنها كله يسكتون او يقولون مب حلو . حتى تخيلوا يحبون زوجة اخوهم الثاني اكثر مع انها تسكتهم و الله تصارخ عليهم ومرات اذا طلبوا منها شئ مثلا بيبسي او شئ تدفعهم يعني كانهم يشترون من البقاله .

غير هذا الشئ بنت عمي مسكينه تعطيهم ولا تاخذ والله شاهد علي و مرات تدفع عنهم ولا يردون فلوسها وفوق كل هذا هي المب زينه ليش يعني عشان زوجها يحبها مااااااااتوا غيرة والله مرة اخوهم كلمهم في موضوع منعهم من شئ شو سوت امهم تخيلوا بنت عمي كانت يايه وسمعتها تتكلم عنها جدام حرمه غريبه وتقول دايما تطلع وتهد عيالها ولا تنشد عنهم اذا ردت نص الليل تقول وين عيالي؟ تخيلوا والمسكينه كل شهر تعطيها والله ما تعطي امها كثر ما تعطي ام زوجها :( :44:

هي حاولت طنش بس ما قدرت يطلعون الف مشكله وكل مشاكلهم ما فيها مواجهه ومشاده كلاميه بس طريقتهم في النغزات والكلام عنها انها مب زينه يجرحها

والزوج المسكين ما يعرف شو يسوي وهو عارف زوجته وطيبة قلبها وعارف امه وخواته وهي دايما تقول الله موجود وبيحاسبهم وحتى مرة من القهر جدام زوجها وهي تصيح قالت ان شاء الله ياخذونهم ريايل عندهم ام وخوات اخس منهم

والله يا خواتي ان هذي المواقف شويه لو اكتب ما بخلص وسامحزني على كلامي المبعثر