السلام عليكم من جديد
وجزززاكم الله الــــــــــــــــــــف خيرررررررر

_____________________

الله يصبرك ياوخيتي ويثيبك ويعوضك جنات النعيم قولي امين
مايحتاج ماشاء الله عليك قلتيها انك تدخلين هنا وتشوفين هموم الناس وتهون مشكلتك !
فعلا فيه ناس يمرون بما هو أقسى حتى أنت تذكري أيامك زمان معه كنت تعانين صح
لكن أكيد تترحمين عليها الان وتقولين صدق ان ماعندي سالفة يومها أصلا ماتكون شئ
عن اللي تمرين به !
مثل حال العراق الان وهم يترحمون على ايام صدام !

أنت الان تمرين بحالة قاسية عليك الانتباه لنفسك وصدقيني ما احد نافعك أبدا ابدا ابدا
والله لويصير لك شئ مانافعك لا هو ولاغيره
الحل يا الطيبة تذكري ان الله تعالى اذا أحب قوما ابتلاهم اعتبري ما انت فيه بلوى واصبري
اصبري يامال النجاة في الدنيا والاخرة
بتقولين صبرت لكن الان احنا فيها ثابري وتحملي والجئي للحي القيوم العزيز المنان الحنان
ارفعي يدياتك وسط الليل وخلي دميعاتك تهطل واطرقي بابه ومايخيبك سبحانه
والله ييسر لك ويحميك
وطنشي حرمته واللي صار لك بيصير لها ويمكن اقسى اذا هي ظالمتك
ويازين الاجر ياوخيتي الى ادخر للاخرة وش نبي بالدنيا
احفظي عيالك وربيهم وارحميهم وهو فوقه ربه

تسلمين على كلامك ياقلبي
ماقصرتي والله
وجزاك الله الف خير

صدقتي وربي مريت بافضع من هذي الحاله بس مرت على خير ولله الحمد والشكر
وكل يوم عن يوم الانسان يهون عن الي فيه

الله يكون بعون صدقتي اهل العراق
مرات اقول انا عاني من قصف زوجي والعراق تعاني الله يساعدهم ياااارب ويثبتنا ويثبتهم
محد بينفعني صدقتي زي ماقالت امي ودايما تقول لي انتبهي لنفسك
انا اقول كذااا ربي يحبني ابتلاني
بس مرات ماعاد اقدر احس اني صايره زي المجنونه
ان شاء الله ربي يعيني اواصل قيام الليل يارب
طناااش ان شاء الله
يارب هي تبعد عني والله وعن اطفالي وبيتي
تسلمين والله ريحتيني بردك
على الله يسعدك يارب ازاهير اللقاء

____________________________


اللهم فّرج كربت إخيتي وأرزقها من حيث لاتحتسب وأنصرها على من عادها , إلهي إنك حرمت الظلم على نفسك وأخيتي تظلم وتهان وما لها من ركنً شديد يعصمها سواك وهاهي تلجئ إليك وتعتصم بك فعصمها وأنصرها إلهي أخيتي طرقت بابك حين أوصدت في وجهها الأبواب فلا تردها خائبه ,إلهي أخيتي إحتمت بحماك وما لحماك خافرً فحمها من كل من أراد بها شر واجعل تدبيرهم تدميرً لهم , إلهي أنك أنت السميع المجيب اللهم صلى على محمد وعلى آل محمد كما صليت على إبراهيم وعلى آل إبراهيم إنك حميد مجيد وبارك على على محمد وعلى آل محمد كما باركت على إبراهيم وعلى آل إبراهيم إنك حميد مجيد .

ملح الخليج
ياقلبي وربي تسلمين
عسى الله يفرج همك يالغاليه زي ماتفضلتي بالدعاااء
وربي لا يحرمني منك
ومشكوووره والله

____________________________


اسطوره تكفين ردي علي
وش قلتي عن الحل الي قلت لك عليه

ياقلبي ياانتي
تسلمين
ايه قريت ردك وحلو والله بس زي ماقلتي ينفع مع انسان فيه رحمه
ورديت عليك برساله خااصه راجعي الرسايل الخااصه
ومشكوره والله ماقصرتي

____________________________


حبيبتي



الله يعظم اجرك


امين


وبالنسبه لوضعك اللحين


انتي اللحين بضغط نفسي لازم تبذلين جهد حركي

عشان يتفتت الضغط


اولا


روحي للمشغل واصبغي شعرك وقصيه ( ترى وناسه تحسين انك وحده ثانيه )
اشتري ملابس جديده

وملابسك القديمه اللي تذكرك بذكريات حزينه خزنيها بمكان بعيد واتركيها على جنب

ومن اليوم

غيري كلامك

خلي كلامك غالي

مايطلع الا بالشديد القوي

واذا تكلمتي خلي كلامك عذب ولسانك مايطلع منه الا الكلام الطيب
والدعاء بالخير

واذا كلمك زوجك ردي على قد السؤال وباقل الكلمات وانتي مبتسمه


وخلي اسلوبك راقي

واذا غلط عليك قولي الله يهديك


وبالنسبه للمشاعر

زوجك ياعمري

طنشيه جمدي مشاعرك تجاهه

لاتكرهينه عشان ما تتعبين

ولا تحبينه عشان ماتتعذبين

وزوجته انسيها وكانها مو موجوده


وعيالك العبي معهم واستانسي وانسي الدنياوبس


زوجك اذا شاف الشي هذا

وشاف الجو الاسري الضاحك والابتسامه الساحره والخاطفه اللي منك وكلا مك اللي زي الدرر والقليل


رح يشتاق لك انتي ولبيتك


ورح يحسن اسلوبه معك ( والله لو انه حجر )



انتي الفتره ريحي عقلك واشغلي نفسك لاتفضين ابد





رح يكون لي رجعه معك

تسلمين والله ياتقوى الله
ماقصرتي
عساك يارب بالجنه

غيرت غيرت وغيرت لين انا مليت من نفسي
بجد وربي غيرت
ونصحوني العالم غيري غيري وغيرت والله
ولكن في شي شدني في كلامك حكايه ملابسك القديمه

هذي عجبتني وشكلي بسويها
فعلا تصدقي فتحت الدولاب ارتب بعض اغراض
لقيت شي جايبه لي وبعدين قال لي هي جابته
ماقدرت اتحمل جلست ابكي وابكي لوحدي بغيت اتجنن
فعلا فيه اشياء تذكر الواحد غصب عنه
بس قلت بصير قويه
بس كل مااشوف تجيني حاله ياساتر استر على عباده

فعلا تراني صرت ارد مبتسمه يااختي
بس اضغط اضغط وانفجر
يعني تحسينه مو من قلب اسويه
زي وحده مجبره على شي

بس بجرب والله
بجرب ماني خسرااانه شي

وبخلي جونا اسري
بس اذا خليته اسري يقول وراكم كذا مستخفين
وارد عليه برد حلو مايصدق يجلس يقول مهابيل

واذا ساكتين قال وش بكم شكلكم يجيب الهم
وراكم كذااا
اكيد طفشانين
اقول ابدا موطفشانين فتره استراخا :o

وجزاك الله خير اختي تقوى الله
وعسى الله لا يحرمني منك

________________________________


بكمل مع البقيه بردي ولكن راح لاني اجيب رابط موضوعي وادور عليه

جزاكم الله خير

أكبر الرد للمرة الثانية ما ادري شفيه انمسح:29:

الله يعينك يا بعد هلي لا أهل واقفين معاج ولا زوج يحس....:(

وحتى لو زوجك ابن صديق ابوك الروح بالروح هل هذا يعني انه يسكت على عذاب بنته بس عشان هالسبب:44:!!!!!!!!!

المفروض ما يسكت شو ما صار وهذا مو عذر مقنع.. الحين عرفت ليش متعنتر ريلج.....:30:
مدام أهلج ما نفعوج لازم فيه حد ياثر على زوجك.... يمكن ابوه حد من هله اخته دوري وكلميهم هاذي مب عيشة والله حرام:44:


ولا تنسين وين الايميل أنتظره على نار:32:

ياقلبي عليك يااختي اسطوره الصبر والله العظيم اني دمعت عيني لما قرات موضوك لا حول ولا قوه الا بالله حسبي الله ونعم الوكيل شوفي ان مع الاخت عتاب السنين ايش الي مصبرك علي هالشخص عيشي حياتك انصلي عنه وايش يعني لو عندك اولاد والله العظيم انا اعرف بناات كثيير عندهم عيال وماكانو مرتاحيين بحياتهم واطلقو وعايشين حياتهم سعيدين وفي اماان ويكفي انهم عايشيين في اماان وخلي زوجته الثانيه تنفعه والله لو تسمعين نصيحتي انفصلي عنه وشوفي انك راح اتعيشي حياتك سعيده وهنيه ونحنا ننتظرك طمنينا بالله عليكي ياقلبي لا تنقطعي عنا

والله يا اسطورة سمعت لك سمعة ....
يقولون ان الرجال مثل طابع البريد ... اتفلي عليه .. يلزق ههههههههههههههههههههه
والله صادقين فيه نوعية مثل القطواللي يحب خناقه
بس عاد مدري زوجك منهم والا لا
عاد ... الله يصبرك ... ومقدر اقول لا يضيق صدرك ...لأن حالك يجيب التكة ... بس وش رايتس ما تحسسين زوجتس انه كل شي بحياتس ... وانتس قويه به وبدونه وانتس قادرة تعيشين بدون تقديره وحبه وان هباله هذا ما ينفع معتس
يعني اهتمي بنفسك وعيالك وبيتك وعلاقاتك الاجتماعية .... وخليه على الرف .... مو معناها انك تقصرين في واجباتك نحوه ... مع ان هالاشكال مو كفو ... بس عشان العيال

والدعاء سلاح فتاك .... استخدميه والله انه ينفع حتى ولو بعد حين واوان هباله هذا ما ينفع معتس
الله يعينك ويصبرك ويفرج عنك ويكفيك الشر

:44: