الي متزوجات بعيد عن اهلهم بمنطقه ثانيه

السلام عليكم



بدون مقدمات ابيكم تردون كخوات زوج وامهات ازواج وزوجات

انا متزوجه في منطقه غير اهلي بعيده اهلي بالرياض

واهل زوجي بمدينه بعيده ومعفنه ومو معروفه

لما انخطبت سبحان الله النصيب ماخلاني افكر بالبعد ولا فراق اهلي

ولا اني بسكن في مدينه اقل شي اسواق مافيها واهلها منغلقين على بعض مره

ابد ابد مايرحبون بالغريب وكوني من قبيله ثانيه ومن مدينه ثانيه كأني جايه من المريخ

محد يحبني وحصلت مضايقات كثير

الزبده انا احن للرياض:44: واحبها ومحد بيفهم حبي لها الا اهل الرياض والله الشاهد

اني ابكي على فراقها كل ليله اكثر من فراق اهلي

مو سالفه اسواق وطلعات بس مدينتي احبها كل شارع فيه لي فيه قصه

المهم زوجي من كثر ماصار يتردد على الرياض حبها مثلي وعجبه الوضع والانفتاح هناك

لان عانينا من التخلف والعيون الحاره بمدينتهم حاطين عينهم على كل شي لو يسير علينا احد كل الناس تدري

وان شرينا شي كل الناس تحسدنا وتتكلم فيه لو طباخ تخيلوا

والله العظيم ماابالغ مره عانينا معهم

المهم زوجي مقتنع بفكره الانتقال للرياض وانا بطير من الفرحه

خصوصا مستقبل عيالنا هناك افضل فيه معاهد تدريب فروسيه وسباحه

ومدارس مميزه والاسواق ارخص والاهم في فرصه اني اتوظف

برأيكم هل انا غلطانه

خصوصا ان ام زوجي سمعتني كلام يسم البدن ودعت علي ان الله يبعد عيالي زي مابعدت ولدها :(

وتقول اني ابي اقرب زوجي من اهلي وابعده عنهم انا ماابعدته عن اهله بالعكس اوصيه فيهم والبعد عمره ماكان قطاعه

كخوات زوج او امهات زوج بالمستقبل علموني انا غلطانه ؟؟

وكزوجات لو انتوا مكاني سويتوا نفس الشي ؟؟؟؟

والله العالم بالنيات وماقصدت الا راحتنا ومستقبلنا

والي عندها كلام يغث توفره:09: توني سامعه مقطوعه من خالتي