السلام عليكم
بنات الي متزوجة بعيد عن اهلها تفيدني كيف تعايشت مع الوضع انا متزوجة من 5 سنين بعيدة عن اهلي بمنطقة وانا بمنطقة مالي فيها قرايب ولا اهل حاولت اتماشى من الوضع واعيش حياتي بس للاسف تداخلت مع اهل زوجي بس الوضع رسمي وممل كلن ع جوالة وتحاولين تسحبين الكلام تسحب عشان يسولفون وماصرت اروح لهم انقهر وابكي دايم وخاصتاً بالويكند اكررررررره الويكند الناس تجتمع مع قرايبهم واهلهم وانا بين جدران بيتي ومالله عطاني جيران الي جنبي انطوائيين مليت من الوضع احاول اشغل نفسي بس للاسف امل بسرعه لان طول وقتي فاضية زوجي من النوع الي 24 ساعه بالاستراحة ومقدس الكوره حاولت فية يتغير ويطلعني بالويكند نغير جو يقولي تم بس للاسف مجرد كلام من يدري فية مباراه او جمعه استراحته كنسل طلعتي وراح يتونس وانا بين جدران دعواتكن لي ان الله يرزقني بالضنا الي يشغلني وزوجي ينقل عن المنطقة الي احنا فيها 💔😭 فكيف تعايشتو مع الوضع والله يسعد كل من ترد علي موضوعي
روحي فداك يارسولنا @rohy_fdak_yarsolna
عضوة نشيطة
يلزم عليك تسجيل الدخول أولًا لكتابة تعليق.
هديل الرشيدي
•
ي روحي انتي الله يجبر بخاطرك ويسعدك انا بعيد عن اهلي واهل زوجي بحكم عمل الزوج وتونا بادين حياتنا وماعرف احد وماحد يونسني لداوم زوجي تميت بروحي حتى ماجبت اولاد الله يرزقني لي سنتين ابد وانا اختك خلي لك وقت تقرين كتب قران موهبه تسوينها عالجوال عالتلفاز تمارين تنظيف ترتيب طبخ اي شي يشغلك وبتتعودين وعادي الطلعات اغلب ازواجنا مقدسين حياه العزوبيه الله يعين بس ويسخرهم
ي روحي انتي الله يجبر بخاطرك ويسعدك انا بعيد عن اهلي واهل زوجي بحكم عمل الزوج وتونا بادين حياتنا وماعرف احد وماحد يونسني لداوم زوجي تميت بروحي حتى ماجبت اولاد الله يرزقني لي سنتين ابد وانا اختك خلي لك وقت تقرين كتب قران موهبه تسوينها عالجوال عالتلفاز تمارين تنظيف ترتيب طبخ اي شي يشغلك وبتتعودين وعادي الطلعات اغلب ازواجنا مقدسين حياه العزوبيه الله يعين بس ويسخرهمي روحي انتي الله يجبر بخاطرك ويسعدك انا بعيد عن اهلي واهل زوجي بحكم عمل الزوج وتونا بادين حياتنا...
طول وقتي فاضية التهي بشغلة اخلصها امل وخاصتاً احس الدقيقة ساعه مليت من الجوال والاجهزة فتعبت وانا احاول فية يحس فيني ويخفف طلعات ويطلعني زي الناس بس ماشوف اي تجاوب مره بالشهر نطلع مع بعض بس 99٪ اتقهوى المغرب لحالي واحياناً يطلع من8 مايجي الا 1 ونص بالليل ويجلس 10د وكلها ع جوالة ويقوم للغرفة ع جوالة لين ينام اجية اسولف معاه يسلك لي مو معاي بالجوال يتابع فدعواتك الله يرزقني بالحمل والاطفال الي يشغلون وقتي
يااااعمري نفس حالتي والله كل اسبوع اروح لاهل زوجي ويعني الواحد وده يغير دايما نفس الوجيه ملل الله يعين بس
انا متزوجه ولسى ماعندي اطفال بعيد عن اهلي واهله بس اخوه وزوجته وعيالهم ف نفس منطقتنا والمنطقه اللي انا فيها نائيه مافيها اي شي يبسط لا مول ولاشي ومع ذلك اعشق الاستكنان ويازين البيت لما انظفه وابخره واسوي اي شي احبه واتكي لحالي يا اقرا يا اتابع يوتيوب يا تلفزيون استكن مع نفسي واحط الشموع واخذ شور بملح الهملايا شعور الهدوء والاستكنان اجمل شعور وخصوصا اذا ماعندي مشكله لا مع زوجي ولا اهله ولا اي احد القلوب اذا هي صافيه نعمه حتى زوجي اذا طلع باليوم واليومين والثلاث مايرجع اهم شي انه راضي عليه مع السلامه استمتعي ترى نعمه احنا فيها اللهم لك الحمد وتقدرين تشغلين نفسك باشياء تطورك فيه دورات عن بعد
الصفحة الأخيرة