شوفي امكن الخشم عندهم عقده بالعايله فيبغى يحسنه ههه
المهم شرطه تافه كان انتظر لوقت النظره الشرعيه وذاك الوقت يشوف شروطه ...
طيب بسئلك هو قاله لكم ولا احد قاله لك ؟؟

استغفر الله العظيم الله يعينك ويوفقك يابعدي ويكتبلك اللي فيه الخير

بلاك ماسمعتي باللي اعجب واحد محدد مقاس المسافه بين الخشم والفم بالسنتي ويدور على وحده مطابقه لمعايير الايزو حقته الله لا يبلانا
المشكله ويزعلون من اللي يبالغون بالمهور او بالشروط والطلبات لبناتهم وحاطين أسباب عزوف الشباب عن الزواج كلها على هالبنات الضعيفات وآبائهن الضعيفين اخ ياتسبدي <<< وحده لايعه كبدها هاليومين من الرجال



اما بالنسبه لك مدري ويش أقولك
الله يوفقك وييسر أمرك

أيوه صح ذكرتيني بقصه كان نفسي اكتبها موضوع مستقل

بس المشكله ايش يوصلها لخطيبك هذا <<< لا تزعلين علشان قلت (هذا) ايوه تراك انت بنت عالم حواء قبل لا تكونين خطيبته هع <<< ضاربه فيوزها بهاليل

المهم القصه ذكرها الدكتور ميسره طاهر

ملخصها وحده بنت رفضت واحد علشانه مايلبس الشماغ مضبوط مايعرف يصلح المرزاب < اظن يقاله كذا

وبعدين خطبها واحد رزه ويعرف يصلح ( المرزاب ) ومدري وشو

ويوم من الايام قام من النوم وقلها بسرعه كوي الشماغ بروح العمل وكوت الشماغ بس ماضبطت كويت ( المرزاب) فزعل علشانه مره مهتم برزته وشكله قدام الناس وزعل وطرطع وهيا زعلت من هواشه لها وتطلقوا او بمعنى احرى خلعته لكن ماعندهم فلوس يجيبون حق الخلع فتخيلي مين دفع الفلوس الرجال ذاك اللي رفضته بالأول

الخلاصه تبطرت على واحد علشان ( مرزاب ) وتطلقت بسبب ( المرزاب )
الله يعافينا ولا يبتلينا
وفيه رجال ترى على شاكلة هالقصص بس يبغالهم قصه تكسر عيونهم شوي

يا كثر الشروط
لكن لو كان هالشخص من نصيبك ماراح يهتم لهذا الشرط

الحمدلله والشكر