الموضوع بصراحه روووعه وانا عن نفسي معيده وطالبة دراسات عليا بنفس الوقت
والحمدلله زوجي دخله ماشاءالله تبارك الله مرتفع جدا ومو محتاج مني شي بس هو احرص مني على الوظيفه والاستمرار فيها رغم انو ماياخذ منها ولا ريال الا اذا انا وبرغبتي دفعت في سفر او ماشابه
وابو احرص من زوجي رغم انه ولله الحمد وضعه المادي ممتاز
لكن لا انا ولا اهلي نضمن ظروف الزمان انا الحين بوضع حلو وماديا مرتاحه وزوجي مايقصر علي بشي البس واسافر واروح واجي زي ماابي لكن من يضمن لي بكرا ايش يحصل انتي ماتضمني انو بيدوملك زوجك طول العمر ولا حتى ابوك وماتضمني انو الحياة الحلوه بتستمر على طول الله لايقوله ان شاء الله بس لازم نفكر في بكرا قبل لانفكر في اليوم,,
غير كذا اذا انا جالسه بالبيت نايمه اكله شاربه ماراح يكون لي كيان الماده مو كل شي في اشياء اهم
الموظفه تحس انو هي عضو فعال في المجتمع لا تقولولي ربة البيت تساهم بتربية الاولاد كمان الموظفه تربي الاولاد والغالبيه العظمى من ابناء الموظفات يكونو افضل من ابناء الجالسات بالبيت لانو الموظفه حاسه بانو في نقص وراح تحاول تعوضه ولو على حساب راحتها

انا اشوف الوظيفه مهمه للمراه ككيان مهمه لها من الناحيه الماديه مهمه لها كمربية اجيال

صحيح تمر علينا ساعات ننقرف ونقول ياليتنا جالسين بالبيت بس وقت الجد جد عمري مافكرت اترك الوظيفه

أعتقد أن البيت هو مملكة المرأة التي يجب أن لا تسمح لأحد بأخراجها منها..
أنا من أنصار الجلوس في البيت..
فقط اذا أضطرت الظروف المرأة للخروج للعمل تخرج.زولست مع عمل المرأة لتضييع الوقت وغيره من الأعذار لأن الزوجة والأم لا يوجد لديها وقت ضائع تبحث عن عمل لتملئه..

انا مع المراة العاملة مع اني ربة بيت وجربت العمل قبل الزواج كنت احس بمتع في
شغلي بس بعد الزواج كانت ظروفي بسبب الغربة وزوجي من المعارضين لعمل
المراة المتزوجة لان بيتها وزوجها واولادها اولى فيها وهي نقطة مقنعة

مرحبا
lكلام اختى lawsi هو الصحيح وكلها وجهات نظر من خلال التجربة
اما انا فاعجب لمن تقول الوظيفه امان من الزمان ولقد سمعت كلمه ولن انساها ابدا وهى ان تحسن الظن بالله ايها الانسان واحسن ظنك بالرازق بانه لن ينساك
فالتى تقول انها امان من الزمان وهل نحن نأمن الزمان فلربما حصل لنا حادث او ماشابه وربما كتب الله علينا الشلل ولربما العمى وفى لحظات فهل الان تكون الوظيفه قد امنتنا من غدر الزمان
فحسن الظن بالله هو الذى يأمننا من غدر الزمان

راح ارد على موضوع بالرغم من اني غير متزوجة وصعب المقارنة...

انا صراحه كنت موظفة لمدة سنة وحدة بس لكن شفت انواع الطفش والذل مدري انا شخصيتي صعبه او ايش... لكن اكتشفت بعد هالسنة اني ماحب احد يامر علي خاصة من غير اهلي جيبي وحطي وليش تأخرتي ... وش ذا ابي اعيش بحريتي
وقدمت استقالتي وطلت من الوظيفة بعد سنة بالظبط

الحين بكمل سنة ثانية بدون وظيفة تقريبا الحمدلله ماحسيت بالطفش صحيح المصروف اللي يجيني من اهلي مو كثر الراتب لأن راتبي كان عالي لكن طز ماهمتني الفلوس كثر الراحه بالبيت وان محد يقولي ليش سويتي كذا ولا سوي كذا... والحمدلله ماحسيت بالطفش على اني ماحب المجتمعات والعزايم .. لكن اول ما اطفش اشبك على النت...

لكن بالنسبة لوضعك انتي ادرى الناس فيه يعني مدى حاجتك للوظيفة هل انتي قادرة توفقين بينها وبين بيتك او لا.؟؟!!!!
هل اذا جلستي بالبيت راح تقصر معاك الفلوس!!!؟؟؟؟ او لا
وش انتي محتاجة للوظيفة فيه؟
كل هالاسئلة جاوبي عليها اول بعدين حددي هل تستمرين او تتركينها....

واذا بعدك محتارة اقترح عليك خذي اجازة طويلة بدون راتب مثلا ست شهور وشوفي نفسك فيها بعدها قرري تستمرين او لا....

ولاتنسين الاستخاااااااااااارة صلي استخارة وماخاب من استخار...

واذا عزمتي على شي توكلي على رب العالمين وخليكي واثقة الخطوة يعني لا تترددين او تغيرين رايك عشان لا تتعبين نفسيتك بالتفكير حددي موقفك...


والله يكتب لك الخيرة ان شاءالله....

اختك سنفورة الحلوة.....