وأنا من خبرتي أقول الشغالة مو على الحظ
إنتي ممكن اتغيرين واتسنعين في الخدامة بس أهم شي
الإنطباع الأول اللي تاخذه منك الخدامة هو اللي راح يحدد

وبعدين أنا أستغرب منكم يا بنات يعني الخادمة أول ما تدخل
البيت عندكم اتعلمونها على الغسيل والتنظيف
صدقوني هذا مب مهم المهم إنج من تحط ريلها في البيت
اتعلمينها على الممنوعات في هذا البيت مثلا :
1- ممنوع تتكلمين مع السائق أبداً
2- كل اللي تبغينه أو أي طلبات أو كلام معاي أنا مش مع زوجي
(يعني ممنوع الكلام مع زوجي)
3- تلبسين بس اليونيفورم اللي أنا أعطيك إياه
وباقي ملابسك تلبسينهم لما ترجعين لبلدك
بالنسبة للمسلمة لازم تغطي شعرها
و المسيحية ما تخلي شعرها مفتوح أبداً المفروض اتلمه
4- قلة أدب وطولة لسان ممنوع.

طبعاً واللستة عندي طويلة بس باختصار هذا اللي حبيت أذكره لكم
والحمدلله ما أقصر في حقوق الخادمة وأهديها الهدايا بين فترة والثانية
ودايم إذا وحدة فيهم تعبانة أهتم فيها واشتري لها الدواء وأحرص
إنهم في الشتا يلبسون الملابس اللي اتدفيهم وفي الصيف يلبسون
الملابس اللي تناسب الجو الحار
علشان مهما كان هاذي إنسانة بس ما أبين إهتمامي الزايد فيها كثير
علشان ما تمصخها

وصدقوني إمسكو العصا من النص وكل شي يكون أوكي

الله يعين الحريم محتاجينهم ومحتاسين معهم
بس بدونهم ماتمشي الاوضاع تمام في البيت
اصبروا عليهم وش تسوون اذا ماعندكم خدامات
صحتوا تبوووون واذا جت لكم خدامة صحتوا ماتبونها
ولاني عارفة لكم حل!!!!!

انا خدامتي كانت ينضرب فيها المثل ما فيه كلمه اوصفها فيها كااااااااااااااااامله والكامل الله.

بس للاسف سافرت من 4 شهور وتعبت اتصل فيها ارجعي لرجعي وهي تتعذر تقول ما تبي تشتغل موليه

امس بس انصدمت صددددددمه قووووووويه وصلني خبر عنها انها اشتغلت فى قطر بمعاش اكثر وهي

تقول لي ما ابي اشتغل خلاص :(

اتصدقون من زود ما انا متمسكه فيها وابيها للحين ما عندي شغاله بمووووووووووت من التعب والله

شغل البيت وتربيه لعيال ومدارسهم ومذاكرتهم كلللله على راسي والله ان حتى النوم محرومه منه لا

انام الليل ولا النهار تكفيني ساعتين بس ومن اقعد طيران على الشغل غسيل كوي مواعين طبخ تنظيف

الله يعين بس :(

اسفه نسيييييييييييييت اكتب اشلون تعاملت معاها اول ما وصلت ..

اول شي وديتها لشغاله اختى وخليتها تترجم كللللللللللللللللللل شي اقوله لها وكل شي هي تقوله

علشان نكون واضحييين من البدايه ما تقعد تقول لي مدام ما ادري او ما افهم عرفتين.

شرحت لها كل شي.

ووصيتها اهم شي الصلاااااااااااااااااااااااااااااااه ركزي عليها تراهم ما يصلون اذا محد يلاحقهم.

طلعت من بيت اختي ووديتها السوق شريت لها كل شي ملابس داخليه وخارجيه يونيفورم تلبسه وقت الخروج بس

حجابات نعال الله يكرمكم مشط شباصات كريم للجسم ادوات صحيه حتى الفوط الصحيه شريتها لها مع ان

فيه ناس يخلون الادوات الصحيه من معاش الخدامه حرام ما يتم لها شي والله. وشريت لها اشياء وايده وايده.

لمن وصلت البيت وريتها البيت كااااااامل ومكان نومها وين بيكون وطلبت تفتيش شنطتها جدامها

كان عندها بودره للوجه اخذتها من عندها ورجعتها لها لمن سافرت ما كان عندها اي شي يدعو للريبه..

مسكينه كانت فقييييييره وايد.

علمتها كل يوم تقعد من النوم الساعه 5 ونص ايام المدارس والساعه 7 ايام الاجازه مع انها كانت

تقعد دايما من وقت شاااااااااااااااااطره ما شاء الله عليها.

علمتها اشلون تبتدي فى شغل البيت بالترتيب يعني اولا تبتدي بتنظيف الحمامات كرمكم الله وطبعا

يومياااااااااا لان البيت فيه اطفال.

بعدين تكنس المطبخ والصاله ومدخل البيت يوميا.

تمسح وتنظف الطاولات والمكتبه والمطبخ يوميا.

غرف الاطفال بعد ما يصحوا تكنسهم وتنظفهم يوميا.

غرفتي ممنووووووووع منعا باتا تدخلها الا بحظوري وتنظفها تنظيف اسبوعي فقط بالاضافه للحمام الله

يعزكم.

بعدين اذا فيه غسيل او كواي تخلصه واذا ما فيه شغل اعطيها اي شي تسويه او اخليها تنظف لي شي

من ضمن التنظيف الاسبوعي مثل النوافذ المراوح السقف الخخخخخ اي شي عارفه.

علمتها اشلون تسوي باليس ( تلميع ) للجواتي الله يكرمكم والله شغلها نظيييييييييييييييف حتى زوجي

يستانس عليها ومنها ومن نفسها قامت تسوي جواتي لعيال تبع المدرسه من غير ما اقول لها صج صج

شاطره.

علمتها تغسل الزرع الصناعي والتحف والمزهريات بالشهر مره.

علمتها تغسل الموكيت بعد فى الشهر.

شنووووووووو بعد!!!!!

ايه.. تخيط لهدوم اذا فيها تمزق ولا شق هالشي من نفسها تسويه ما علمتها عليه تعرف من قبل.

الطبخ ما اخليها تطبخ ابدا فقطططط تجهز لي الخضره وتقطعها وتسوي السلطه وانا دايما اكون

موجوده معاها يعني لاااااااازم اتاكد من نظافه شغلها عرفتي.

علمتها تسوي الشاي والقهوه واشياء بسيطه للعيال مثل البيض المقلي او المسلوق بطاطس مقلي

ناجت او سجق.

بس الطبخ بشكل عام من صوووووووووووووووووبي وبس.

والله ان كلامي عنها كدرني راحت وضيعتنا والله :( اتصدقون ما كان لها صوووووت ابدا ودايما

على لسانها كلمه ان شاء الله مدام ودايما تستاذن اذا تبي تسوي شي لدرجه اني امل منها تصوروا

مره طرشت لي بنتي الصغيره تستاذن تاكل تفاحه :( يعني كانت قمه فى كل شي.. نظيفه.. مطيعه..

محافظه على صلواتها الخمس تترك اي شي بيدها تروح تصلي وترجع تكمل الشغل.. مؤدبه وخلوقه

كتووووومه لو شنو يصير ما تروح تعلم احد.. هادئه.. امينه اي شي تجوفه تجيبه لي ركض.. طيبه

وحنونه مع لعيال تحبهم ويحبونها. ويوم اللي بتسافر ذبحت روحها اصياح ونياح ليش؟؟ لانها

مستحييييييييل تلاقي بيت اهله يعاملونها مثل ما عاملناها والله اعتبرتها اخت من خواتي بس فى حدود

طبعا. اتصدقون حصلت هدايا اشكثرررررررررر يوم اللي سافرت الكل جاب لها هديه امي خواتي اخت زوجي ابو زوجي مرت اخو زوجي الكللللللللللللللللللل ما تقولون انها خدامه كانها راعيه بيت لانها ما قصرت مع احد باي شي حبوها الناس الصغار قبل لكبار :(

آآآآآآآآه بس ليتها ترجع لكن وين ترجع وهي خلاص اشتغلت بمكان وبلد ثاني.

ما اقول الا الله يوفقها تستاهل كل خييييييييييييير وان شاء الله الناس اللي خذوها يكونون مثلنا وافضل

منا بعد.

ان شاء الله بجيب خدامه ثانيه لمن ارجع من الحج اذا الله كتب وعلى الله تطلع مثل اللي قبلها.

سوري على الطاله قلت لكم قصه حياتي :(

فعلاا انا اشوف التعاامل مع الشغاله هو التعامل الانساني اللي حثنا عليه الاسلام
الحمدلله شغالتي شااااااااااااااطره ماشاء الله اول ما جات علمتها على كل شي وقسمت لهاا الشغل ومشت على الخطه اللي انا عملتهااا لها وعشن كذا حتى الشغل صار قليل عليهاا من ناحية الطبخ انا ضد طبخ الشغااله اوي تجهز لي من تقطيع البصل والحلم والخضاار واهم شي القفاازات انا شريت لهاا كرتون كامل والحمدلله مااشيه عدل
من ناحيه الكلاام ابدا ما اسولف معااها الا عند الضروره اذا بغت تكلك اهلهااا
واهم شي المعاامله الحسنه لانها انساانه لهاا مشااعر
انا مره شفت حرمه والله ضربت شغالتهاا يمكن لو كانت حيوان ارحمتهااا
لا حول ولا قوة الا بالله