الي مرت بتجربت طلاق وتزوجت مره ثانيه تدش

انا قدر الله علي قبل  سنتين اني اتزوج واحد من جماعتنا واجلس عنده تقريبا خمس اشهر ويطلقني انا للحين مادري ايش سبب الطلاق لأن اصلن مافيه سبب قوي يستدعي انه يطلق الا اللهم خلافات بسيطة وكانت تنحل بنفس اليوم ولا اقول انه مارتاح لي لاني كنت احس انه يحبني من تصرفاته وحتى هو دايم يقولي انه يبيني المهم هو طلقني كذا فجاءه بدون اي مقدمات ولا حتى لمحلي انه بيطلق كنت طالبته اروح يم اهلي وداني وكنا طبيعيين عادي نضحك ونسولف وكنا متفقين اقعد عندهم يوم وارجع اخذت ثلاث ايام ماجاء وادق عليه مايرد بعدين دق على خالي بحكم انه هو ولي امري وقاله انه  ورقتي بالمحكمه يروح ياخذها خالي سكت ماقاله ولاشي بس قال لعله خير طبعا خالي علم امي وهي ياحياتي انصدمت وقالتلي بينكم شي انتم متهاوشين ليه ماعلمتيني قلت انامثلك مصدومه ومو مصدقه لان ماكان بينا شي نهائي وخصوصا قبل الطلاق ما اخبي عليكم انا كنت زي المجنونه مو مصدقه شلون يطلقني كذا بدون سبب وانا لسى عروس انا كان هو شخصه ماكان يهمني عادي بحكم اصلن مامداني اتعلق به بس انا كنت مصدومه من الطلاق ومن كسره ومن كلام الناس ومن صدمت اهلي وخوف من الفشل بحياتي وحتى كل الي يعرفونا كانو يقولون غريبه شلون طلقها مع اني مامدح نفسي بس سبحان الله بعدين عاد سمعت لما الناس تكلمو بالموضوع انه يقول لاهله اني مااشتغل ولا اطبخ وبس نايمه مع اني طبخت ثاني يوم زواج بس امره لله بعد طلاقي بست شهور خطبني واحد يقربني من بعيد الحمد لله وكان سبحان الله يبيني من قبل اتزوج الاول وكان حاط عند اهله خبر وهو كان مسافر بس اهله ماتكلموا مدري ليه وتفاجاء يوم رجع اني تزوجت وتطلقت واصر وتزوجني وهو حبيب ماعليه وطيب  بس انا طول الوقت على اعصابي اخاف من الطلاق احس انه بأي وقت يطلقني صرت اخاف من المشاكل ماحبه يزعل دايم اعتذره حتى لوكان هو الغلطان النوم مانام الا اذا نام ولازم اقوم قبله حتى يلقى كل شي جاهز اخاف يقوم يلقاني نايمه يقول انتي بس نايمه ملابسه اول ماينزلها طيران اغسلها حتى احيانا باخر الليل هو مستغرب ويقول ماهو لازم كل شوي تغسلين خصصيلك يوم للغسل انا لي الحين معه ثمان شهور بس اقدر اقولكم اني ماني سعيده كل وقتي على اعصابي اخاف افشل مره ثانيه اخاف اطلق مره ثانيه ادري ان تجربتي الاوله اثرت علي بس انا ودي اعيش طبيعيه ودي اتخلص من هالشعور عشان ارتاح وعشان حتى زوجي يرتاح لانه  احسه لاحظ علي دايم يقولي انتي دايم متشنجه خليك ريلاكس مادري الي مرت بنفس ظروفي وقدرت تجاوز طلاقها الاول وعاشت حياة طبيعية مع زوجها الثاني تنصحني مليت ابعيش طبيعيه مابي اعيش تحت ضغط لاني احس اني خلاص مو قادره اتحمل