الي مرت بنفس حالتي تفيدني يااخوات

صباح الخير على الجميع🌹بما انها اول مشاركه حبيت من الجميع يشاركني مشكلتي المهم قبل الزواج في بيت اهلي جات جاره لنا وسكنت جنبا وكانت مثال للجاره الطيبه ترسل اكل وتسهر وابد كنها منا وفينا بدينا نلاحظ عليها اعتقادات يمكن ماتعجبنا خاصاً انا في مره كانت عندنا جمعه طبعا الحاره كلهم جيران من الصغر وقبل مااجي انا المهم تعبت وجاتني زي الدوخه بعد ماطلعوا الحريم جت جارتنا وقالت تعالي ابخرك اشوف من عطاك عين واسمها بس في بيتي كنا مستغربين من ذي الحركه رفضت رفض قاطع بسبب انها اعمال دجل وشعوذه بعدين صارت تتمادى هالحرمه واذا جت تحاول بالغلط تبوس في اماكن الغلط قلت يمكن غلطانه ولاشي بعدين تمادت اكثر وعرفت انها متعمده هالشي رغم يابنات انها حرمه كبيره مو صغيره بعدين بدت تتطور وصرنا نعرف انها والعياذ بالله تطلع مع شباب هذا اعتراف بنتها لي جات تبكي ان امها كل يوم مع واحد وانها تقفل عليها الباب زوجت البنت عشان تفتك من زنهااكتشفت بالصدفه انها تكلم اخوي وترسل له وهو صدها عشان كذا عصبت وقامت تصارخ جاء زوجها لااخوي قال خلينا نروح البحر برمي حاجه لحرمتي فيه اخوي شاف الي بيده حاجه مقفره مره وزوجها الله واعلم شكله مسحور المهم اخوي يقول نزلت من السياره متضايق وقاله ماراح اوديك انزل وراح زوجها وانا مره كنت طالعه مع بنت عمي وسمعناها تكلم واحد على اساس شافها بحفله بشقه وهي كانت مو منتبهه له لانها كانت سكرانه وبتطلع له هي كانت تكلم وطالعه لنا لبيتنا انا فتحت الباب وطردتها وقمت ابكي قلت انقلعي عن بيتنا وعن اخوي وقامت هي تبكي عند امي وانها بريئه المشكله بنت عمي سامعه معي كل شي وامام المسجد جمع اهل الحاره قال يانقول لهم اطلعوا او نجيب الهيئه لهم يعني شافوا السيارات وهي رايحه راده بالمختصر يابنات بعد ماتزوجت انا صرت ماحب اروح لااهلي اذا جيتهم اتعب يصير معي زي الدوخه او الدوامه وعلى طول تعبانه حتى زوجي واخوي لاحظ علي قالي انتي زيي اذا جيت بيت اهلي اتعب الحين الشغله تطورت صرت ودي اهلي مايجون لي ولاانا اروح لهم ولاانا اشتاق لهم موت ومن اجيهم اتعب وش تفسرون حالتي يابنات لان اول زياره لااهلي وانا عروس جاني شي اني افتح الباب قمت من الصاله للباب وفتحته لقيت ولدها ماادري وش يسوي ومسكته وهج من يدي كنت حاسه انه بيسوي شي الله المستعان