الي مريت عليهم حالة حمى شوكيه تدخل وتطمني

بسم الله الرحمن الرحيم
السﻻم عليكم ورحمة الله وبركاته
اخباركم
بنات ابغى احد يقولي ويطمني قد مرت عليه حالت اختي او ﻻ
اختي عمرها 20 الشهر هذا كمل لها سنه متزوجه
من شهر 7 وهي تشكي من اﻵم مره فراسها مره غثيان ومره تستفرغ ومره ضعف فالنظر ومره صداع فضيع ونوم كثيرواحيانا حراره وحساسيه فوجهها ومن شهر 7 لحد الحين من مستشفى لمستشفى كل ناس تقولها شي مره قالو حمل بس مافي شي فالتحاليل وبعدين قالو جرثومه وبعدين قالو الم راسها وعيونها ﻻن عندها كيس دهني فعينها من داخل وعندها بعد نظر هذا فمستشفى خاص
ومن بعد العيد تدهورت حالتها زادت عن قبل ماتقدر تطول تمشي وﻻ تطول جالسه تدوخ وتتعب فجسمها لحد يوم الثﻻثاء مره تعبت وجاها بلغم مو طبيعي ماسك حلقها وماتقدر تكح وﻻ شي يالله يطلع الله يكرمكم مثل رغوة الصابون اي شي تاخذه ترجعه وخصوصا عسل وموية زمزم مقري عليها
وكانو من قبل يراجعون اهلي واهل زوجها لشيخ وكانت تستخدم العﻻج وتتحسن
بس يوم الثﻻثاء راحو فالليل وقرا الشيخ وتعبت مره وبعدها جعت البيت ومعد تاخذ العﻻج يوصل حلقها ويرجع العسل والمويه وتقول احس بصداع قوي فراسي
وظهر الثﻻثاء تشنجت وامي تقول اكيد انها من عﻻجات الرقيه تأثرت قصدها مس بسم الله علينا
وصباح الاربعاء قالت راسي بينفجر ابغى المستشفى وحولو 3 من اخواني يشيلونها وما انشلت تتفكك منهم ودقو على الاسعاف وجا شالها ولما وصلت المستشفى خﻻص تعبت مره وطلعت حرارتها 39 ونص بس ﻻنها داخليه ماندري استغربنا تقول ﻻترفعون المكيف احس بالحر
وكان تنفسها صعب وحطوها على تنفس صناعي
وكانو يسحبون البلغم بس تشنجت وشدت على اسنانها وعطوها ابره مخدره لمدة 5 ساعات وسحبو البلغم وﻻ علمو اهلي انها مخدره واهلي خﻻص بغو ينجنون يحسبونها دخلت غيبوبه
وعلموهم بعد الظهر وقالو ﻻزم ناخذ تحليل من الحبل الشوكي ﻻن 80 ب100 تكون حمى شوكيه واحنا ماكنا مأيدين ﻻن يقلون فبعض الحالات يسبب شلل وابوي وقع وبعدين رفض وبعد العصر الدكتور اقنع ابوي ووقع وذا الوقت توها تصحى من البنج وترجع تنام وعطوها مخدر ثاني واخذو تحليل من ظهرها ودخلوها العنايه المركزه تقريبا 5 لعصر
وباقي على تنفس صناعي وهم بدو العﻻج وامس رحنا زرناها لما ننادي تناظر فينا وتدمع عيونها لما شافتنا كلنا
وزوجها فالدوره العسكريه الي 40 يوم مايكلم وﻻ يطلع ابد حزنت عليه مايدري عنها .
احسها ودها تشوفه احس ببترتاح اكثر اذا شافته
حزنت عليها نظراتها تحزن احسها ودها تقول وش يألمني ودها تقول ﻻتروحون وتتركوني بس ماتقدر تحرك غير عيونها رجوله ويدينها تحس فيها ﻻن لما نلمسها تحرك عيونها بس ماتقدر تحركها احس مافيها حيل ابد وتحاول تحرك لسانها تبي تتكلم بس الاجهزه عليها
والدكتور يقول اثرت الحمى على جنبها اليمين ﻻن هي لها فتره تشكي من جنبها اليمين
ويقول سببت تخثر فدم الدوره الدمويه فالمخ
وبرضو يابنات مره تتأثر من الرقيه فالبيت وعند الشيخ تتعب كثير
وفيه حريم حسبي الله عليهم نطقو عليها اكثر من مره على جسمها وعلى بياضها وعلى صفاء بشرتها
وخصوصا جسمها نفس الحرمه نطقت عليهﻻ فزواج اخوي وفزواجها
تقول ماقد شفت بجسم هالبنت لبنت ظهورهم منحنيه وهي ظهرها قايم
وفزواجها نقول ماقد شفت عروس ظبط عليها فستانها مثل هالبنت
عاد قالو بياخذون من اثرها وباقي
ووحده نطقت فعزا عمي المشكله مره تقرب لنا تقول من البنت الي ﻻبسه ثوب مخطط نقوله اختي تقول ﻻ هذي بيضا ووجها صافي نقولها اختي تقول ﻻ هذي ماعرفتها مهي هي
المشكله احنا على النيه نجاوب سألت اول يوم عزا وسألت ثاني يوم مره ثانيه
بنات الي قد مرت عليهاالحمى الشوكيه جات احد تعرفه او جاتها تطمني واطمن امي تقطع قلبي عليها