الي مسجلة بنتها في مدارس أهلية تدخل الله يعافيها

مرحبا يأخواتي
أنا ساكنه جديده في حي المونسبة
والحي مافيه مدارس حكوميه
علشان كذا سجلت بنتي في حي غرناطة بعيد شوي
وماتتخيلون المدرسة كيف مزحومه
والفصل كذالك
من غير البعد حتى سواق ماحصلنا فاضي
وبنتي مره متضايقه وبس تبكي ماتبغى المدرسة مو مرتاحه وتقول المدرسة والفصل حااار
ونظامها مو زين لايعطون خطة ولا شي مدري وش على بنتي وكرسيها أخر الفصل وماتشوف سبورة
من غير كذا تختبرهم أملاء فجاءه بدون ماتعلمنا
بنتي صغيره في ثاني أبتدائي لازم تعلمنا المعلمة علشان نذاكر لهم حرام كذا
صراحة ماني متعوده على كذا مافيه نظام
علشان كذا فكرة أنقلها في أهلية بس أخاف أندم
لأني مدري كيف نظام الأهليات وهل المعلمات متشدادات مثل الحكومي أو لأ صراحة ودي بمعلمات حبوبات
وياليت احد مسجل بنته في المونسية بأهلية يعلمني 
والله بتاخذ أجري الي تعلمني لأني مهمومه منها
وأي وحده تدرس بنتها في أهليه تعلمني هل مرتاحه ول لأ
وصح الي أعرف المدارس الأهليه عندهم حاسب وأنجلييزي
وانا مثل مانتم عارفين بنتي في حكومي ولحين سنة ثانيه
وماعندهم أنجليزي اكيد راح تجيهم ماتعرف شي
هل فيه رسوب بالأنجليزي أو لأ لو حطيتها بأهليه
فرجوا علي الله يفرج همكم