honey_lipes :

انا ودي اسووويها بس خايفه :44:

انا ودي اسووويها بس خايفه :44:

الذئبة الزرقاء :

لا يمكنك مشاهدة هذا التعليق لانتهاكه شروط الاستخدام.

charmed1 :

هلا عزيزتي .. أنا أخي عملها بالجامعه الأمريكيه بلبنان عند دكتور كثير شاطر إسمه (جوني خوري) وأنا كنت بالغرفه الثانيه عم بشوف من وراء الزجاج .. المهم لازم طبعا قبل العمليه يعمل لك فحوصات ويشوف قديش معك ضعف نظر ونوعه .. وطبعا بيأخذ وقته بالفحص مش سلق .. وبعدين لازم يحط لك قطره بتكبر البؤبؤ .. عشان يشوف قديش بتضلي تشوفي بعد القطره .. وبعد القطره بيرجع بيعمل لك فحص ليشوف قديش صار الضعف .. وبعدين لازم يعمل صوره عشان يعرف سمك القرنيه (سميكه أو رقيقه) .. ويعمل حساباته إذا كانت القرنيه عندك بتسمح يشيل منها الضعف الموجود عندك أو لا .. لما أخي عمل العمليه قال له الدكتور (أول يوم) ما تفتح عيونك على الأخر .. ولازم تلبس نظارات شمسيه كويسه لمدة أسبوع تقريبا .. وما لازم تحكها .. ولازم لما ينام يغطي عينيه بعطائين بلاستيك هو أعطانا إياهن (زي النظاره) .. عشان ما يحك عينيه بالغلط وهو نايم .. وثاني يوم العمليه رحنا الصبح للمراجعه بعدين كل أسبوع .. وفضلنا نراجع لمدة شهر .. بس أنا كنت مفكره أنه عملية الليزك بتصحح النظر .. وبيصير نظرنا طبيعي .. يعني زي ما بيقولوا سته على سته .. بس الفكره غلط .. عملية الليزك هي إستبدال للنظاره .. يعني كأننا لابسين النظاره من داخل العين مش من برا .. يعني بعد العمليه ما بتشوفي سته على سته .. بتصيري تشوفي مثل ما كنت تشوفي بنظاره النظر تبعتك .. وبعد العمليه بيصير في نشاف بالعين من الليزر .. عشان هيك هو بيركب زي (طبات) بيسكر مجرى الدمع تبع العين .. ما بتحسي فيهن .. وما حدا بيشوفهن بس عشان الدموع الطبيعيه تفضل بالعين ترطبها .. طبعا هذا غير القطره .. طبعا هاي قصة الطبات (Plugs) مش كل الأطباء بيستعملوها .. بالنسبه إلي أنا بعد الفحوصات والصوره والقطره .. والتدقيق .. الدكتور نصحني أنه ما أعمل العمليه لأنه عندي ضعف كثير .. والصوره أظهرت أنه القرنيه عندي رقيقه ما بتستحمل يشيل منها كل هذا الضعف .. قال أنا عرفت كيف بدو يصير معك الضعف بالمستقبل وما بقدر أعمل لك العمليه .. وبعد سنتين أو ثلاثه ترجعي تضطري تلبسي نظارات .. يعني كان صادق معي وعنده ضمير .. وما إستغل الوضع .. واحد غيره كان عملها وقبض مصاري . .صح .. والدكتور الناجح أكيد بيخاف على سمعته وإسمه .. وعلى فكره هاي العمليه بتخليك تشوفي بدون نظاره بس عن بعيد .. بس قريب لازم نظاره .. عشان اللي معه ضعف عن قريب بس أو عن بعيد بس .. أو الإثنين .. هلق في ناس بنعرفهن عملوا عملية الليزك .. بس كان في إهمال وعدم متابعه .. وما كان في إهتمام من الدكتور بالمريض .. بس بصراحه هذا الدكتور جوني خوري شاطر .. وبينصحك بالأحسن .. ســــــــــــــــــــلامتك .. ولازم تراجعي الدكتور وما تهملي الموضوع أنت دافعه مصاري هو مش عامل لك العمليه ببلاش .. هاي عيونك والموضوع مش لعبه .. هو مجبور يتابعك .. هذا حقك .. وســـــــــــــلامتك مره ثانيه .. وإن شاءالله بتتحسني بسرعه .. وبتكون العمليه ناجحه معك .. تمنياتي بالصحه للجميع :)

هلا عزيزتي .. أنا أخي عملها بالجامعه الأمريكيه بلبنان عند دكتور كثير شاطر إسمه (جوني خوري)...