الي مسويه الليزك تدخل

مرحبا اختي انا مسوية العملية من 4 سنوات تقريبا
ج1/ عادي ما كنت امنع الماء عن عيني .
ج2/والنت يمكن اسبوعين عشان العين تاخذ راحتها اكثر واذا بغيتي تتفرجي على التلفزيون ولا تتصفحي النت فيفضل تلبسي نظاره شمسية طبية واقية .
ج3/انا من النوع اللي ما احط ماكياج الا بالمناسبات واتذكر الدكتور قال لي لا تحطين كحل لمدة 10 ايام وكنت استخدم قطرتين قطرة مضاد والثانية على ما اظن مطهره .
واتمنى اني افدتك.

بسم الله الرحمن الرحيم


اولا الف الحمد لله على السلامه يا الغاليه


انا سويتها تقريبا من سنه ونص

والحمد لله


اولا لا تحطين الكحل الا بعد فتره تقريبا شهر واذا تقدرين اكثر يكون افضل


مع اني انا من النوع الللي ما اقدر استغنى عن الكحل بس يالله الواحد كل شئ ولا عيونه

بالنسبه للماي اعتقد قعدت تقريبا اسبوع او اسبوعين اذا ما كنت ناسيه

اما النت فتقريبا بعد اسبوع بديت استخدمه لكن استخدمه شويه

واتذكر الدكتوره قالت لي عادي حتى لو تسخدمينه من بكره (( بعد العمليه بيوم ) بس بكل صراحه

ما أمنت اجازف بهالشئ والله كل شئ ولا عيوني

المهم والاهم اذا بعدتي على النت حاولي ما تمي تطالعي كل الوقت على الشاشه

يعني بعد كل 20 ثانيه او اقل

تلتفيتن يمين يسار المهم تريحي عينج واهم شئ تقطريها ونتي قاعده على النت

لا تنسي تستخدمي القطره ونتي على النت (( كررت لج هالجمله لان هالشئ وايد مهم يا الغاليه ))


وبالنسبه للسجود الدكتور قالي عادي

بس بعدني امي ويدتي قالوا لي لا تسجدين الا بعد اسبوع تقريبا

لام معروف عمليات العيون اذا حد سواها ما يسجد الا بعد فتره

واهم شئ النظاره الشمسيه حاولي تستخدميها على طول ونتي طالعه برا وفي مكان مشمس

وهذا اللي اتذكره

واذا تذكرت شئ بقولج يا الغاليه

والله يوفقج يارب

سماالعيون
مشكوره يالغاليه على الردانا قالي الدكتور لايدخل عينك الماء لمدة اسبوع
غــ عمري ــلا
ماقصرتي عزيزتي كفيتي ووفيتي والف شكر والله اتعبتك معاي سلمت اناملك يالغاليه

أنا مسويتها من حوالي 7 شهور وتقنية الليزك صارت تختلف أنا سويت نوعيه جديده ماأفتكر أسمها بس قال الدكتور تقدري تصلي على طول وتشوفي النت وتحطي كحل بعد أسبوع بس الصراحة ألي يتعب فيها القطرات جلست أستخدمها لمدة 6 شهور
ياالله يارب تسويها وتقومين بالسلامه

السلام عليكم

انا سويتها قبل 9 سنوات وما اتذكر اني قعدت فترة طويلة ممنوعة عن اي شي .. واللي احب اقوله ان العملية فعلا تفرق .. الحمد لله تخلصت من كابوس اسمه النظارات والعدسات اللاصقة

ما تشوفون شر كلكم