الي مطلقه بلله تدخلون للحين يحب طليقته ويفكرفيها ويبي يرجعها بس ماتتزوج غيره

السلام عليكم ورحمة الله

سالتكم بلله ردودكم تكون من تجربه الي مطلقه او عايشه مع وحده مطلقه او تعرف اي وحده مطلقه
أخوي من أبوي كل ماتقبلنا في زياره او في جمعه يطري طليقته بكل خير وربي يشهد يذكر ريحتها ولبسها وكلامها وكيف تعامله
وكيف هي كانت رافعه راسه
لدرجة وربي انها شاري عطرها الي تتميز فيها ويقوال كل ماركبة السياره ابخ منه واتذكر كل شي معها ويوم يتكلم عنها يتكلم بحنيه وشوق
وهو طلقها 3 طلاقات
ومعها منه بنت
وهو طلقها ظلم بسبب ناس حسبي الله عليهم وربي انتقم للمسكينه منهم كلهم الي حرضوه يطلقها
لان ماشفنا منها الاكل خير وربي انها تنحط علئ راس كل واحد مننا يااالعايله
ومانذكرها الابكل خير لاننا ماشفنا منها الاكل خير

طبعا طلقها كان فجاءه ووقته جانا عصر رمضان وهو معصب وعيونه حمرا
قلنا ويش فيك مارد علينا ولاكلمه

بعدها بكم سااعه الا وطليقته تدق علئ بيتنا وهي تبكي وتقوال أخوكم طلقني حسبي الله علئ من ظلني وقالت خلوه يمهني بس يومين اشيل اغرضي من بيته واحنا تشنجنا كيف يام فلانه ويش صار وانفجرات تبكي ومعاد سمعنا صوتها
ورحنا عليه ليش وليش قال مالكم خص حياتي وانا حر
لاحد يتكلم معي والابطلع بره
قلنا فهمنا ويش صار ولش قال معاد ابيها خلاص
وبعد اسبوع جانا ولفق عليها كلام علشان يبرر موقفه وقال سبتني وتكلمت علي
وكان معي ضيوف
واحنا قلنا له انت كذااب مو صدقينك احلف بلله قال بكيفكم صدقتو ولا لا
قلنا طوال عمرك بيتك مفتوح لنا نجيهم فجاهء ترحب فينا وتشغل العود وتبخرنا والقهوه وتسوي حلئ سريع يشهد الله ان ماطلع منها العيبه وراعت وأجب وصلة رحم
كلنا كذبنهااا
وقال قفلو علئ الموضوع معاد تكلمنا فيه ابد
فجاءه جانا بعد كم شهر يقوال ملكة علئ وحده ابيكم تشوفونها يعني خلاص اموره من نظره شرعيه وكل شي
بس يبي يعرفنا عليها وعلشان يخليهم يشوفونا
علشان يقوال هذولي اهلي موفقين
وبعد شهرين تم زوجهم وحضرنا الزواج

طبعاً زوجة مانعرفها
ومانعرف كيف عرفهاوهم في منطقه ثاانيه
عرفنا السالفه بعدين انها كانت مؤمره والضحيه هذي المسكينه عسئ الله ينصرها عليهم
ابوي قبل مايتزوج امي كان متزوج وحده معها ولد وهي ارمله وتزوجها وجانا بس اخوي هذا
وماتت من نزيف
فربته جدته مع اخوه الكبير
طلع الي محرض اخوي اخوه وخاله طبعا بتقلون كيف عرفنا
كنا في جمعه عاايليه كل خميس نتجمع في استرااحه جاء أخوي ومعه اخوه وصار بينهم شده في موضوع واشتد النقااش لين صوتهم وصل لنا
وقال لو انت فيك خير ماطلقت حرمتك يا.....من تحدي بيني وبين خالي قال والله انه طلقها بدون سبب اني أنا وخالي تحدينها وقلنا منت رجال وجلسنا نسب فيها ونعيرها وقل لنا أنا رجال وبكره تشوفون العلم
والي الحين متزوجها خاله من أول هو مخطط عليها ويبيها له
اقسم بلله نزلت علينا مثل الفااجعه وعرفنا السبب الي كل ماكلمنها يقوال لنا اعذار تختلف عن اول مره وإن تحجرنا له يقوال اسكتو
طبعاً اول ماتزوج زوجته ماانعرف عنهم اي شي ابد
بعد كم شهر من زوجها سوينا لهم عزيمه وقلنا بنجيك يافلانه سكتت وماقلت شي واخوي كان جاالس
قال لها ها يجون ولا لا قالت لحظه بشوف لاأهلي وأفكر لاتجوني من غير ماتعلموني قبله بكم أسبوع لاني مافتح لاأحد اي زياره بدون علمي كان هذا اول رد لها عرفنها انه طرده
من البدايه
وجينها واستقبلتنا استقبال اي كلام وكانت امها فيه واختها الكبيره
امها وأختها ربي يسعدها قمه في الطيبه
طلبت امي من حرمه اخوي مويه وناادت شغالة أهلها وقالت جيبي لماما كوب مويه راحت الشغاله وجبت المويه في كوب زجاج الي يتقدم لضيوف قامت وهوشت الشغاله قالت لا ليش تجيبين هذا وراحت جابت كوب حديد تعرفونه الي يحطونه بسلسله في البردات زيهه اقسم بلله ماتوقعنها كذا
امها نزلت راسها وأختها قامت للمطبخ وماقلنا شي
وبعد ماتعشينا امها عندها الظغط طلبت مويه علشان تخذ حبوبها ورحت هي جابت لاأمها كوب زجااج
طبعا سكتنا وماقلنا شي

وحملت وماعرفنا عن حملها الافي الخامس وهذا شي يخصها حتئ لو ماتعلمنا
بكيفها المهم مرونا فجاءه وشفنا بطنها كبير وعرفنا وبركنا لها
وقلنا لها انتبهي ونوصيها زي كل حامل تحمل اوال مره وعادي الوضع ودخل اخوي وقل تعاالو الاسبوع هذا عندنا قلنا بكيفكم علئ فضوتكم قالت لا بعدين لان بروح لاأهلي
ويوم راح
قلت بصرحه انا مااابي أحد يدخل بيتي الا الي ابيه
وانا دايم أهلي عندي واروح لهم مااني أفضى لاأحد
وقلنا لها ترا هو الي تكلم مو احنا قالت اي بس قلت لكم
وطبعا لنا أكثر من سنووات وبيتها ماعد دخلنهااا
طبعاً هذا الي قلته لكم مختصر وبقووه


أخوي في كل جمعه يجينا او لمن نبي نروح نزور بنته وطليقته يطلبنا اننا نطلع طليقته له من غير ماتدري يقوال اشتقت لها ابي اشوفها وربي احس اني بنعمي
الين عصبت عليه وقلت له انت ترضها لنا عيب عليك
ويوم انت تبيها وتحبه ليش تطلقها بدون سبب قال هي السبب قلت لو هي السبب ماكنت كل يووم تطريها ومتشغف لها
قلت انت كذاب وربي فضحك ليش باقي تكذب قال خلاص صار الي صار قلت خلاص تحمل
وعش لزوجتك وعيالك وريحنا كل يوم علئ هذا الموال
قال انا غلطاان
وانا وربي مانسيت يوم تعلمنا اختي وهي تبكي كيف وتقوال انه ظلمها
وقبل شهر رحنا لها مسك أختي الصغيره وقال اتحدك تمسكين يد فلانه قالت له خير ويش تبي انت
قال امسكي يده وانتي تسوولفين قالت له لش قال بعلمك بعدين
ورحت عندها وقلت لها ويش قال وعلمتني
المهم المفروض الي يودينا أبوي ويروح لاأستراحه مادرينا الاوهو ينتظرنا في السياره قال اركبو
أنا الي بوديكم قلنا وين أبوي قال مستعجل وقلت انا الي بوديهم علشان اشوف بنتي
وأحنا نتنحش منه علشان لايحرجنا

المهم رحنا وقبل مانطلع أشوف أختي الهبله سوت الي يقوله وكانت مااسكه يدها طوال الوقت وهي تسولف معها ومااسكه يدها
الاوتجي بنته وتقوال بابا يقوال لكم يلا
وقبل مانركب السياره سالها ها سويتي الي قلته لك قاالت أيه علئ اننا مانعرف ويش قال لها
مسك والله يدين أختي وضمها لبعض زي الي كانها تدعي وحطها عند خشمه وشمهاااااا
وربي يابنات انه ضمها يدينها ويشم يدينهاااا
انا دمعت عيوني وقلت في نفسي الله يدمر الي دمرهم وخرب عليهم حيااتهم وحبهم
وفعلاً يابنات من تزوج وهو حياته جحيم وأخوه طلق وحده يموت بتراب رجلها
وخاله من مصيبه لمصيبه
وأخوه بعد ماطلق الي يحبها تزوج وحده تكرهه وكل مره يلقى سحر في بيته مانعرف من الي يسويها لهم وهو منبوذ كلن يطرده من بيته ومشاكل مع الناس وأهل زوجته وأخونها وينسجن

بعدها جانا أخوي واشتكئ لنا من حرمته قال انا عرف انها طردتكم وأنا مقدر عليها وأنا ويها مع أهلها مشااكل
وقال أم فلانه أبي ارجعها بااي طريقه قلت مو بكيفك مايحلها لك الارجال يتزوجها وتتطلق منه
قام ونفخ قال انتي مجنونه محد يتزوجه لو أموت والله لو أعرف ان احد بيتزوجها اني لعذبها وأخذ بنتي
اصلاً تقدم لها واااحد وقلت لها والله لو تتزوجين رجال وأنا حي أني لاأخذ البنت وأحرمك منها
قلت له حسبي الله عليك فوق منت ظلمتها تحرمها انها تتزوج تحرمها انها تعيش وانت عاايش
وعندك خير من العيال
لاتخاف الي تسويه بيرجع في بنااتك والله يااظليمتها ماتتعدك
وهي مسكينه ضحت بفرصته الوحيده من الزواج والي تقدم لها مو متزوج ابد ورفضته علشان بنتها

سبحان الله يابنات واقسم بلله كل الي ظلموها في عذااب ومشااكل ومصاايب وهي من خير لخير مااشااء الله تباارك الله الله يزيدها من فضلها ويرزقها
علئ نيتها الطيبه
الحل يابنات مع أخووي كيف تعبنا منه صرنا لمن نبي نروح نروح بدسه
وحنا ماانبي منه شي هو الي أختار حيااته يكملها
ولايشتت أسره ثاانيه
الحين هو جالس يعمر بيت ثااني يقوال لطليقته وأحنا خلاص تعبنا منه نخليه يتكلم ويقوال الي يبي معاد نقوال شي
لاننا مانبي نظلم أحد وهو أخوي ماله كلمه أبد كانت طليتقه ضعيفه وكان يستقوئ عليها
ويوم ربي زرقه بلي قويه تعب منها وصار هو ضعيف ومايقدر أبد فيها
أحنا قلنا هذي ظليمت الي ظلمها
نبي الحال أنا واخوتي وكيف نتصرف معه
وابي اقول لكل مطلقه مظلومه ترا ربي مااراح ينساك وبيخذ حقك من الي ظلمك
والله يرزق كل مظلومه الرزق الحلاال
وينصرها علئ من ظلمها