عند الباب في السله دي
وادخلي عشان نتكلم براحتنا مانبغى طق طق طق
وضحك مع نفسك:06:
والله مو فاضيه اكتب موضوع بس خلص طفح الكيل
لوسمحتو لاتقولولي ايش دخلك
قبل اسبوع كنت عازمه اهلي وماشاءالله عندي
اختين متزوجات واختين عازبات
واخويا عمرو 16 الله يحفظهم
الي سار انو كلهم طق طق طق طق وضحك وصراخ
مع نفسهم
تخيلو من اول مادخلو سلمو اتغدو جاملوني حبتين
وبعد شويا نسيونا انا وامي وابويا
وصرنا لحالنا محدا يكلمنا
نكلمهم مايردو مايسمعونا والله مايرفعو راسهم
ومتحمسين وسريعين ماشاءالله اتوقع يكتوب
الف كلمه في الثانيه ماشاءالله بسم الله عليهم
المشكله المتزوجات اقولهم بس ارحمو اطفالكم
دوروهم مايسير كده
كل ماقرب منهم طفل قالو هش هش بالله ايش
دا ذباب والا ايش
والطفل ياعيني يستسلم ويمسك زاويه حزين ووحيد
والله مو حاله قاعده اقول لاختي اكبر وحده
انتي العاقله الفاهمه بالله حطيه في الشنطه واهرجي
معانا والله وحشتينا يابت وحشتنا سواليفك
قالت ههههههههههههههههه الله يرجك دحين اشيلو
ولاكأني كلمتها سحبت عليا
ولما رجعت للتانيه قالت طيري انتي فاضيه للهرج
والسواليف يعني هيه الي ماتحب الهرج عجب عجب:06:
امال ايش قاعده تعمل في الجهاز الغبي دا
طيب اروح لاخويا اقولو اهرج مع الصغار غير جوهم
قال عندي سالفه مهمه شويا واشيلو
جلسو يصرفوني لحد مامشيو مع انهم جلسو عندي حوالي 5 ساعات
الا انهم مااتكلمو كل واحد كان ماسك زاويه ويهرج مع نفسو
الي سار اليوم والله يقهههههر اكتر
قولت يابنت بدال المولات روحي زوري صديقتك
واروح لصحبتي دي وتهلي وترحب بس متحرقصه ماادري ايش فيها
اقولها يابنت فيكي شي تقولي لالالا وهيه مبلمه
واضح مو معايا اخر حاجه اكتشفت انها مشغوله بالبلاك دا
تهرج عندي شويا
وتدخل جوا تطقطق بسرعه وترجع
شفتها لما دخلتلها المطبخ
طيب وبعدين يعني لازم اجيب الجهاز الغبي دا عشان انشغل
وانقطع عن الخليقه وربي ماصارت وحشوني
احس القعدات كلها صارت صممممممممممت وهدووووووووء
وناس تضحك مع حالها
انا خايفه اجيبو واهمل بيتي ونفسي واجلس احش
في دي واكل لحم دي والاهم اطنش امي
لانو انا الوحيده الي باقي اهرج معاها الكل انشغل مع السيد بيبي
انتي وهيه وهيه وانتي الي مقتنين الجهاز دا
ايش سالفتكم بالضبط ترى في ناس يحبوكم وحشتوهم
ممكن نحرق السله الي فوق بلي فيها:hahaha:
امزح امزح عليكم بالعافيه اعرف انو في ناس ماشاءالله عليهم
زي بنت عمي عندها واحد بس عااادي جنبها علطول
ماتطقطق 24 ساعه يعني يدوب ترد رد ردين وخلص
خلاص ارفعي راسك انتي وهيه خلص موضوعي:06:
بس فيه ناس ما شاء الله تعرف تستخدمه وناس
متعلقه فيه وبشده
موضوع حلو و اسلوبك احلى