الي معذبني مو اني ما تزوجت لا ..... شي ثاني...//// الله يعين/////

شكاوي تاخر الزواج في هذا المنتدى ما تعد ولا تحصى واكثر بنات المنتدى كتبوا بها الموضوع وانا واحده من الي تاخروا بالزواج وبدون ما ادخل بالتفاصيل الي توجع القلب والخطبات الي تصير وتفركش مو الموضوع الي ابغى اكلمكم عنه

مشكلتي

ايه مشكلتي غير تاخر الزواج اني وقفت بطريق اخوي واختي هذا الشي يخلين ابموت من القهر

يمكن تقولون وش دخلهم انا اقولكم
اخوي اصغر مني بسنه وظيفته حلوه ويقدر يتزوج اليوم مو باكر بس ما يبغى يتزوج قبلي ........ احس قلبي يتقطع عليه حرام كل الي كبرنا تزوجوا وعندهم مولود او مولودين مع العلم ان عيلتنا ما يتزوجون العيال الا كبار........

دائما الاحظ الي يردون على مواضيع التاخر بالزواج خاصه الي ما جربوا الوضوع يقولون انتم ازن من بعض المتزوجات واقول الحمد لله حنا بستين نعمه بس المشكله بالناس الي حولنا ليش ما يفكونا من كلامهم ( خاصه راح عمرك) وكذلك زي وضعي اذا حسيتي انك وقفتي بطريق احد من احبابك انه يستمتع حياته

والله هذا الشي معذبني مجرد ما اقنع نفسي ان هذا نصيبي واقنع نفسي اني خلاص فات الزواج اتذكر اخواني ,,,,,آآآآآآآآآآآآآآه

اتمنى احد يرد علي وهو فاهم كلامي زين همنا مو فقط تاخر الزواج

الله يعين ........

مثل شعبي ( كل يوم يا حمد باكر )ههههههههه معليش هستيريا وتراي هذا وانا متفائله اليوم يوم دريت عن زواج قتشي الله يسعده........

احس كلامي ملخبط بس اتمنى تفهموني .............:angry2: