أنكسار

أنكسار @anksar_10

عضوة فعالة

الي موضفه بالاحوال تدخل ضروري (مشكله اجتماعيه)

الأسرة والمجتمع

مساء الخير .......

انا ضحيه طلاق الوالد والوالده ..والوالد الله يهداه من انفصل عن امي نسانا وولا عاد سأل

انا كل فتره ازوره واحاول اتواصل معاه ...

والمشكله انه انا بمدينه وهو بمدينه اخرى ...واحتاج اوراق رسميه ..وللاسف يرفضل يرسل لي بطاقه

العائله الا بطلعه الروح ..هذا ان ارسلها وماسواها الا مره بحياته يوم دخلت الجامعه ..

طلبت منه يطلع لي بطاقه احوال فرفض ...

والحين ادرس ماستر وبعد ماتعبت ومقابلات واختبارات وبطابق الاوراق بطاقه العائله الاصل او بطاقه شخصيه

وكلمت ابوي وماعطاني وجه قال مو بلازم ماستر ..

سؤالي لموضفات الاحوال :

* هل استطيع استخراج بطاقه شخصيه بصوره بطاقه العائله ..؟





وخاصه ان عندي ظروف اجتماعيه صعبه ..؟

والله العظيم من تساعدني اكفل عنها يتيم وربي يسألني عن ذلك ..
16
2K

يلزم عليك تسجيل الدخول أولًا لكتابة تعليق.

تسجيل دخول

شمس العصريه
شمس العصريه
حبيبتي دقي على الاحوال المدنيه في منطقتك
او ادخلي الموقع الالكتروني في رابط اسئله
جيتكم ضامية
جيتكم ضامية
تقدرين

تجيبين معرفات ثنتين يعرفون فيك
ويفضل تكون وحده منهم تقربلك , يعني نفس اسم العائلة
انا سويتها وضبطت الحمد لله وطلعت وابوي مايدري اصلاً
طبعا انا طلعتها زمان على وقت التشدد
الحين الوضع اسهل
اذا افدتك ادعيلي الله يفرج همي
مدري وش ابي
مدري وش ابي
انا مو موظفه بس اللي اعرفه ومتأكده منه
امك تقدر تطلع برنت لبطاقه العائله مصدق من الاحوال
ويعامل معامله بطاقه الاصل (مو مثل النسخه)
تروح ومعها صك الطلاق وبطاقه احوالها او بطاقه العائله حقت جدك اللي هي مضافه فيها
وهالشي لكل مطلقه طليقها مايعطيها بطاقه العائله او شهادات ميلاد ابنائها
وكثير دخلو اطفالهم المدارس بهالطريقه واي جهه ماتعترف بالبرنت المصدق على طول تتحاسب اذا شكيتي عليهم
ومن البرنت طلعي بطاقه احوال
ايفونيه333
ايفونيه333
انا مثلك وطلعت بطاقه احوال بصوره من كرت العايله ... اهم شي جيبي معك معرف اثنين يعني اخوانك او امك
مس كيك
مس كيك
تقدرين تطلعين ياقلبي بدوون موافقة ابوك .. انا اذكر سويتها بالجواز .. والله يكون في عونك ويسهلها عليكم ..

وخذي امك معك عشان تطلع برنت وتاخذ معها صك الطلاق .. واذا شافوا البرنت ان شاء الله بيطلعون لك بطاقة ..

والله يوفقك ان شاء الله