خوفتونا يابنات
لا حول و لا قوة إلا بالله
الاخت ايزيس الله يهدى زوجك و يرجعه لدينه و عقله و لكِ اختى

أختي / إيزيس

الله يفرجها عليك ، ويهدي زوجك ويفتح على قلبه ، ويسخره لكِ ولأولاده يا رب ..

ونصيحتك طيبة ومن انسانه مجربه .. لكن يا الغالية لاحظت إنك ما عملتِ فيها

يعني إنتِ ألزمتِ نفسك شهرياً بسداد قسط سيارة زوجك بالرغم مما تعانيه

منه !!!!!!!!!!

فلمَ لم تمتنعي عن سداد قسط سيارته ويكفيك سدادكِ لقسط سيارتكِ وبقية الستلزمات

التي تقومين بها ...


دعواتي لكِ بأن يسهل الرحمن أموركِ ..

الغالية عروب بالنسبة لقسط سيارة زوجي المشكلة إنها السيارة بإسمي والشيكان بإسمي بعد ولو ماسديت القسط الشهري بودوا الشيك للشرطة ولوسألتي ليش انا وافقت على انه سيارة زوجي تكون بإسمي لأنه زوجي المحترم أقنعني أنه دفترة الشيكات ضايع وانه البنك الي بينزل فيه راتبي بياخذ فائدة اقل على شراء السيارات وهكذا بكلمتين حلوين منه روحت زي الهبلة وقعت الشيكات وسجلت السيارة بإسمي علشان كذه مابقدر اتوقف عن تسديد قسط سيارة زوجي لنه بذلك بضر نفسي مع اني طلبت منه مرارا وتكرارا انه يلتزم بسداد قسط سيارته ولكم دون فايدة ولذلك حابة انصح الكل علشان ما تتورط الواحدة وفي الاخر رصيدها صفر وهو عايش شبابه زي ما يقولون .

يا عمري أنتِ ..

ذكرتيني بالمثل المصري : يا مآمن للرقال مآمن للميه في الغربال ..

آثاريكِ متليعه يا قلبي ..

قولي آآآآآآمين الله يفتحها عليك من واسع فضله ، ويعوضك خير ، ويردلكِ زوجك رداً جميلاً

ويرزقكِ السعادة في الدارين ..

انا مب معرسه بس من خلال اللي أسمعه
من صديقاتي وغيرهن تعقدت وقمت صدق
أخاف ان يستوي بي نفس الشي:

صدق هالأيام الرياييل صدق طماعين
كأنهم يمنون على الوحده انهم أنقذوها
من العنوسه وعلى ايدينهم صارت زوجه
وأم........

ونصيحتي لج اخت ايزيس بما انها ما يدفع
شي من أقساط السياره ويرفض انها
يعطيج، لا تحولين السياره بإسمه عقب ما
تخلص الأقساط إلا لو دفع لج كل شي..

ولو تمت السيارة بإسمج مب مشكله تراها
حمايه لج وتقدرين تبيعينها في أي وقت..

والله أنا وحده من أهلي خذت سلفيه حق
سيارة ريلها المحترم فوق ال 150 ألف
وكيف المكافأة حقها؟؟؟؟؟
تزوج وحده وافده وسكنها في بيت فخم
وقريبتي تمت ساكنه في بيت أهله..

خواتي مب أي ريال يستاهل ان الوحده
تضحي وتساعده.....وأحيانا الريال ينكشف
من موقف تافه....
يعني لو بغا منها فلوس ‘ ممكن يلعب عليها
دور العاشق الولهان واذا رفضت ينجلب
ويهجرها في الفراش (تعذيب نفسي عشان
تستسلم) واللي يسوي هالشي ما يستاهل
ان الوحده تضحي.....
وطبعا لهم اساليب وايده في الضغط منها
التهديد بالزوجه الثانيه او ألطلاق


لكن ما أقول إلا الله يعين كل وحده تعاني