الي نقلت على بيت للايجار تدخل تساعدني

الله يجعله منزل مبارك لكم ... اختي اول شي بالدور الأرضي اعملي عقد مع شركه تجي ترشه كل 3 الى 6 شهور على حسب المنطقه اللي انتي فيها ...
بالنسبه لشبابيك المطبخ اذا كانت وسخه نظفيها قبل الدهان وركزي على الفريمات وبعد ماتخلصي حطي عليها لزقه حتى ما تتوسخ من الدهان... لأن لو غسلتيها بعد الدهان وكان فيها وسخ ودهون رح تخرب لك الدهان ... اما بالنسبه لدواليب المطبخ ... اغسليها بكلوركس وديتول وشوية كمفورت ... وقبل ما تنقلي اغراضك للمطبخ تأكدي من السباكه اللي فيه ومروحة الشفاط حتى اذا احتجتي تصلحي كل شي قبل ما تنقلين اغراضك فيه
وانصحك تجيبين شركه تنظف لك البيت قبل تنظيفك انتي حتى تكوني مرتاحه وماتنظفين وسخ غيرك
تقبلي تحياتي

ما عندي فكرة

حبيبتي حاولي تجيبي احد ينظفه قبلك افضل ومنزل مبارك ان شاء الله

حبيبتي جيبي شركة تنظف البيت كامل اخوي لمانقل لبيت قديم كان وسخ بشكل ماتتصورين والحمدلله جت الشركه ونظفته صار يلق والله كانه جديد وصبغ البييت وطلع ماشاء الله تبارك الله

وانا لسه نازله بيت اجار جديد احنا اول ناس تسكنه وطلبنا من الشركه تجي تنظفه يعني تجلي الرخام والحمدلله يطلع حلو وظيف ليه تعبي نفسك !

الله يعينك رجعتيني 8سنوات ورى لمن استأجرت الله يستر على الناس
المطبخ دهون مسودة مو مصفرة 000الترويبة اللي بين السيراميك سودة في الارضيات والجدران
الهوايات قرف لابعد حد 000المرواح 000كلها تراب اسود 000الشبابيك مو قرف 00كمان بويات
وحضرة جنابي عروس 000والبيت طبعا لقريب زوجي عشان كذا تصبرت 000
اول شي // المطبخ خففت فلاش وحطيتو ببخاخ وبخيت الجدران ولمعتها 000لونت الترويبة بلون اسود والسيراميك صار ابيض ناصع جدا جدا 000الارضية كمان لونت الترويبة بعد الفلاش 000والشباك نظفتو كويس وكلوا دعك وبيدى 000وربي ساعدني 000ركبت مطبخ جديد وصار توب نظافة

الحمامات كمان بالفلاش او الجف بخ الجدران والارضيات والدعك الجيد
الشبابيك كمان نظافة 000تامة 000بعدين ركبت سيراميك لانو اقل تكلفة وانظف واجود
التأثيث حته حته وكل من دخل شقتي 000قال فلة صعنونة ماشاء الله 000حتى البويات والتعتيق زمان كلوا انا وزوجي ولاعامل والله يعينك