احسها كويسه
يعني ماضايقتني بشئ
وبالعكس دكتورتي تقول انها تمام
لأنها طولت ماطاحت الخيوط رحت فكيتها عندها
انا جسمي كذا مايبرأ الجرح بسرعه عندي

وعمر ولدي سنه ونص

صباح الخير
أنا ولدت في المستشفي الخرّرّطي(عفواً اقصد العسكري)
وكانت ولادة الله لايعيدها ولا يوريها عدو ولا صديق
قصة ولادتي هي
نزلت معي الموية الساعة 4 عصر يوم الجمعة الموافق22رمضان1425 رحت للمستشفى على طول اول مادخلت للطوارئ كان كل شي تمام فحصوني بلطف وما صار شيء شين منهم قالوا خلاص تنويم في غرف الأنتظار وتنومت وكنت جايتهم صايمة اول ماكشفوا علي لقوا الجنين مايتحرك وقالوا انتي صايمة قلت ايه قالوا جيبوا لها اكل واول ما أكلت تحرك الجنين وكل شيء صار تمام هذا الكلام الساعة 5 العصر بعدها ودوني فوق في غرف ماقبل الولادة وانسدحت اريح شوي وسجّلوا بياناتي وكل شيء بعدها شبّوا علينا امشوا امشوا انا واللي معي مثلي المهم انا مامشيت قلت مانيب فاضية اتعّب نفسي بوفر جهدي للولادة وجلست ادور واسيّر على الحريم آخذ منهم معلومات واستفسر عن اي شيء يخص لولادة بعدها جلست ماسكة كتاب ادعية تسهيل الولادة واقرا فيه لين جابوا العشاء وطبعا ماحسبوني وانا ميته من الجوع لأن وجبة العصر كلت منها لقمتين بس من الخوف من الولادة ويوم ارتحت ودريت ان توني على الولادة حسيت بالجوع المهم قلت لهم ابي اكل قالو ماعندنا تخيّلوا مستشفى ماعندهم اكل المهم راحت مسؤلة التغذية الله يجزاها خير ودبّرت لي ساندويتشين يابسات بس الشكوى لله الجوع كافر قالت لي بتصومين والا نحسبك بالفطور؟؟ قلت لا مانيب صايمة وجابولي فطور ناشف الله يديم النعمة ما اكلت منه من شينة المهم جو الدكاترة الساعة 9 صباحا وحطت لي الدكتورة تحميلة تحمي الطلق وتفتح الرحم وبدء معي الطلق الساعة 11 الصباح وانفتح الرحم7سم الساعة 12 وودوني لغرفة الولادة وكانت الممرضات نفوسهم شيييييييييييييييييييييينة بكل معنى الكلمة اللي تفشّلك واللي تنزرك واللي تهاوشك يعني مافيه لارحمة ولا اسلوب ابد وتعرفون الوحدة من كثر التزحّر والدفع وحرارة الطلق ممكن تتبرّز وكانت الممرضة تهاوش ليش تتبرّزين وتتذمّر مع ان المفروض تعطيني ابرة او تحميلة تخليني اتبرّز قبل الولادة بس ماعطوني شي وتحِّش هي واللي معها فيني( شوفي جسمها شوفي رجولها شوفي فخوذها وهات ياحش) المهم ولدت على خير في هذا الجو الموبوء الساعة 2 ونص الظهر الحمد لله ماطوّلت بس ماجاء أحد يخيّطني الا بعد ساعتين ونصصصصصصصصصصصصصصصصصص تخيّلوابعد ما برد اللحم وارتحت وراح التعب جوني دكتورتين لأني كنت مررررة متمزعة من جوّا مع ان بنتي صغيرة بس السبب اني كنت ادفع قبل يفتح الرحم 10 كاملة والسبب جهلي وقلّة خبرة القابلة اللي المفروض تقول لي لالالالالا تدفعين لين ينفتح الرحم كامل بس حسبي الله عليها المهم بعد هالمزوع كلها ماجاني احد الا بعد ساعتين والسبب مثل ماقالوا الزحمة المهم شفت الموت وقت الخياطة والله انه الموت الحمررررررررررعندي ان الولادة اهون بعشر مرااااااااااااااااااات من ذيك الخياطة ومستعدة اولد 20 مرة في اليوم ولا انخاط عندهم مرة وحدة المهم اني خلصت وودوني للغرف اللي فوق غرف بعد الولادة والاني الله لايوريك بموت من التعب تعب الولادة والخياطة ولاني كنت مواصلة مابعد نمت وحطوني على ذاك السرير اللي حسيت معه اني في مستشفى بأفغانستان مو بالسعودية سرير حديد ماله ظهر تسندين ظهرك عليه على الاقل وقت الاكل ووقت الرضاعة يعني انتي مرررررة تتألمين من تحت من الخياطة ومع ذلك اذا جلتسي ماتلقين شي يساعدك على الجلوس او يسند ظهرك ويصير كل الضغط تحت ويموت من الالم ويوم سألتهم ليش؟؟ قالوا انتي والدة طبيعي وكل اللي يولدون طبيعي كذا اسرّتهم والأسرّة النوع الثاني للي والدة بعملية تخيّلوا العذر السخيييييف المهم ان المستشفى نفسه ماعنده حضانة اطفال وانتي المسؤلة عن البيبي من تطلعين من غرفة الولادة يعني وقت راحة مااااااااااااااااافيه واللي والدة بعملية يساعدونها شوي علشان ماينفتح جرحها واذا مافيك حليب مايعطونك صناعي يقعد البزر يصيييييح ويهاوشونك سكتيه وش اسوي انا مافيني حليب اخلق له؟؟؟ المهم انا طلعت من غرفة الولادة الساعة 7 المغرب وانحشت من المستشفى من بكرا الصبح قلت بيت اهلي وامي اريح لي منهم وحرررررررررررررررررررمت عقبها اولد في العسكري عاد انتشرت قصتي عند مجتمعي خوالي وعمّاني وااكتشفت ان غيري عانوا نفس معاناتي والسبب كما يقال الزحمة وان حظي شين صادف يوم ولادتي زحمة ولايد بس انا اقول مو ذنبي وما عندي استعداد اخاطر واغامر بنفسي مررة ثانية وش يضمن لي ان المرة الثانية ماتكون زحمة بعد............
وسلالالالالالالالالالامتكم ارجوا اني اكون افدتكم