بسم الله الرحمن الرحيم
السلام عليكن اخواتي في الله
ارجو منكن اخواتي على كل واحدة منكن ولدت قيصري ان تحكي قصتها من اول حتى قامت بالسلامة لاني انا حامل وقال لي الدكتور لازم قيصري لتجنب موت الجنين في بطني لاني توفوا لي اثنين والحمد لله على كل حال
وياريت تخبرنا كل واحدة من اخواتي كيف جرت العملية القيصرية
ادعووووووووووووووووولي ان يثبت حملي واقوم بالسلامة والجنين كذالك يارب العالمين
يلزم عليك تسجيل الدخول أولًا لكتابة تعليق.
اختي الله يقومك بالسلامة ان شاء الله انت والبيبي
انا ولدت قيصري قبل 19 يوم والحمد لله انا امارس حياتي الان بصورة طبيعية اقري الاوراد خاصة الولادة قبل لاتدخلين والله ييسهل عليك يارب
انا ولدت قيصري قبل 19 يوم والحمد لله انا امارس حياتي الان بصورة طبيعية اقري الاوراد خاصة الولادة قبل لاتدخلين والله ييسهل عليك يارب
الصفحة الأخيرة
وتقومين بالسلامه
والحمدالله قرروا لك العمليه بدري
أنا بولادتي الاولى تعذبت بالمستشفى خمسه أيام وطلق صناعي وأنفتح الرحم سبعه سم وبالاخير عمليه
يعني يوم قمت من العمليه كنت تعبانه مرررررررررررررررره
والحمدالله
وقبل عمليتي الاخيره (لي ثلاث شهور والده)ماشالله
جمعت معلومات من الانترنت عن العمليه والحمدالله
اول شي تكوني مجهزه أغراض لك وللبيبي لبعد الولاده هذا أذا كنتي راح تقعدين عند أهلك
وجهزي شنطه صغيره لك وللبيبي للمستشفى لانك راح تقعدين بالمستشفى أقل شئ أربع أيام
قبل ماتروحين صلي الاستخاره وقولي يارب كان فيه خيره المستشفى الفلاني أني أولد فيه يسر لي الذهاب اليه والولاده فيه
وأدعي ربك والصدقه حلوه خلي زوجك يتصدق بوقت العمليه بنيه الشفاء لك وللبيبي(سبحان الله مفعول الصدقه عجيب)
لازم يصومونك من الاكل
أول شي راح يركبون لك القسطره حقت البول,ثم يرسلونك لغرفه العمليات
أنا أخذت بنج كامل (أستخرت وطلبت من الدكتوره قالت ماعندنا الاكامل)
وأنا بغرف الافاقه من البنج تحسين بالم فضيع مكان العمليه وكانك مقسومه نصفين على طول قلت أبي مسكن طبعا أبره المسكن كل ثمان ساعات أطلبيها أول ماتحسين بالالم لاتصبرين, وراح عطونك أبره علشان مايتجلط الدم عندك أساليهم عن كل أبره
لاتستحين وأطلبي راي الدكتوره,
وراح يعطونك أبرة مضاد حيوي كل ثمان ساعات
عقب ماتصحصحين من البنج رح ينقولونك من سرير العمليه لسرير متنقل حاولي عند الحركه أنك تاخذين نفس عميق ثم تحبسينه بصدرك(سبحان الله كأنه مخدر خفيف)
وراح تكون القسطره يوم كامل فيك ,
أنا أول ماقمت من البنج طلبت من زوجي يجيب لي حلتيته كنت حاطته بعلبه صغيره تحت وسادتي
على طول أشمها
وبالنسبه للاكل راح يمنعوك إلى ماتخرجي غازات من بطنك
أحرصي على الينسون حلو على طول يطلع الغازات,وفيه تحاميل للغازات أطلبيها من الممرضات حلوه مره تساعد على خروج الغازات
وانتي منسدحه حاولي تحركين رجليك علشان يمشي الدم كانك ترسمين دوائر برجليك على السرير,وانا قدرتي ترفعين الرجل بخفيف أحسن بس بشوي شوي
كذلك أول ماتقومينى من السرير هي أشد شي بس أنا قبل القومه سوت لي الممرضه تدليك للرجلين
وبعدين خوذي نفس زي ماقلت لك وحاولي توقفين منتصبه مهب منحنيه
والبيبي حاولي ترضعينه ,لان الحليب أذا بى بالصدر يسبب أرتفاع بدرجه حراره جسم الام
بس أكيد راح تكون صعبه تشيلين الطفل ,خلي الممرضه تشيله وحطي وساده بحضنك ووقا البيبي علشان مايتعب جرحك
وأهم شي كثري المشي علشان الدم يمشي ولازم أحد يكون واقف بجانبك وانتي تمشين لانه ممكن تكون دوخه معك
وكل مامشيتي بدري وكثير راح تخفين بسرعه(انشالله)
ووعند الخروج راح يعطونك كبسولات مضاد حيوي علشان الجرح
بس أحرص على نفسك لاتشيلين شئ ثقيل ولاتقعدين بالارض ولاترقين الدرج
ولازم تطهرين جرحك يوميا مرتين باستخدام المسحه الطبيه واسالي الدكتوره عن كيفيه المسح عليه
واذا شفتي أي تغير بالجرح او خروج دم أو صديد لاسمح الله على طول راجعي الدكتوره أحسن سيري حريصه
هذا اللي عندي الان واتمنى اني ماأكون خوفتك
بس أحسن الواحد يكون يعرف كل شي علشان يطلب من الاطباء لان بعض الاطباء مايهتم
وانشاله تقومين بالسلامه