الي يبي يضحك على موقفي يدخل هههههههههه

هذا الله يسلمكم موقف صار لي كل ماتذكرته اضحك من غبائي اخت زوجي الله يعافيها ويشفيها سوت عملية غده ورحت انا وامي الله يحفظها يقالنا نقوم بالواجب خذنا معنا الشاي والقهوه وصلحت امي الله يجزاها خير في حافظه صغيره محلى بعض الناس يسمونه عصيده المهم وتصلح امي ذيك العصيده الي يحبها قلبك تاكلين اصابعك وراها وحطت عليها السمنه والحبه السوده المدقوقه امي الله يجزاها خير من الحرص توصت في السمنه والحبه السوداء المهم ونروح لها ونقعد عندها وقالت امي هذي الحافظه تعشي عليها ورحنا عقب ماودعناهم وقمنا بالواجب بعد سنه من السالفه جاء طاري المحلى او العصيده عند خالتي وهذا الكلام من يومين صاير قالت والله ياعصيدة امك تهبل ماشاء الله شي واتشقق عاد انا ويصير فيسي هذا كبره من الفرحه ومامداء وجهي يتشقق الا تجيني الضربه القاضيه قالت بس الله يجزاها امك بالخير كثرت الحبه السوداء شلنا ثلاث ارباع المحلئ عشان تروح ذا الحبه السوداء تعرفين عاد مسويه عمليه غده ماتقدر تبلع انا هنا دوريني معد تلقيني لقطت وجهي ياغبائنا بس الحين مسويه عمليه غده ونحشر حافظتها فلفل اسود احينا الواحد تروح عن باله ويفهي بس زين ان خالتي تماسكت ولا قالت لنا الا عقب سنه كل ماتذكر ذا الموقف اضحك مدري القط وجهي بس يله خيرها بغيرها درس لي اتعلم في الايام الجايه يمكن بكره لاقدر الله ازور مريضة سكر واخذ لها سلة حلاو ولا ازور راعية قلب واخذ معي مفطح
هذا الي عندي حبيت بس تضحكون وتفرفشون وتستفيدون الي عندها شي قريب من كذا ولقطت فيه وجها تطرحه وسلامتكم