السلام عليكم ورحمة الله وبركاته
مساء الخيرات ع الجمييييييع
كيفكم يا احلى عالم :)
بدخل بالموضوع ع طوول
انا انسانه نااااادر استخدم العطور
ما اكرهها بس استخدامي لها مو كثير
احب العود ودهن العود
دايم هذي ريحتي واحب اجرب انواع كثيره منها
بيوم من الايام رحت بيت خالي
وشفت عندهم زميلتهم وماشاء الله ريحتها
تجنن الله لايضرها دهن عود يفتح النفس
راحت من هنا قلت لبنات خالي دبرولي
ريحتها << حلوه دبرولي :25:
المهم قالوا سبق سألنها واعطتنا رقم
واحد يجيب لهم دهن عود خالص وراقي
بس مو لأي أحد يعني ناس خاصين وحصري
قلت هاتوا الرقم ..
اخذت الرقم وكلمه زوجي طلع بنجلاديشي :hmh:
وتواعد مع زوجي عشان يجي ونشوف العود
لان عنده انواع كثيره وو
المهم اول ماجلس الاخ البنجلاديشي
كان راعي هياط حبتين الله يصلحه
انا رحت للعم الفلاني
وعندي من العم الفلاني
والعم الفلاني ماياخذ الا بالقيمه الفلانيه
<< يحسبنا خفيفين بهالكلمتين :)
قاله زوجي شممني الماشي
ف حط بيده شئ خفيف
ورفض يعطيه عينه !!
قاله زوجي بعطيك قيمتها قاله لا ابداً
جاني زوجي وريحته والله ما كأنها بيده
كأنها بملابسه كلها
تهووووووووس
ماشاء الله تبارك الله
قلت يالله الجنه وريح الجنه
قال تدرين كم ربع التوله ؟
قلت كم ؟
قال 1500 ريال
انا انصرعت !!
قلت طيب والعود ؟
قال ربع كيلو 15 الف
<< :lookaroun
قلت اقول خله بس
واروح ضايق صدري ونفسي بالعود
ويجي ذاك اليوم مع خالتي وانا افر باسواق طيبه
واشوف شيبه له بسطه
عود اشكال وانواع
قلت له عندك دهن عود ؟
ابي دهن عود زين
قال فيه ويطلع لي انواع ماعجبتني
حسيتها مخلووطه مو خالصه ..
قالي عرفت وش تبون وطلع من جيبه توله قال هذا للخاصين وماجيب منه كثير
غير انه مايحفظ الا بمكان بارد
حتى التوله يابنات مافيها كثير يمكن
شئ بسييييط حقت شم بسس
والله يالغاليات قلبي ارتاح لذاك الشيبه
قال شوفيه وجربي وتركدي لاتستعجلين
وحطه لي بمنديل ورحت
واجلس يومين والله وبالله اني غاسله
نقابي وان الريحه فيه
نفسها الي شميتها مع زوجي كانهم منبع واحد وبااااارده وهاديه ماشاء الله
قلت لازم ارجع آخذ منه والحمدلله رجعت
واخذت منه
قالي ربع التوله ب 750 ريال
واعتمدته ع طووول بإذن الله
الله يبارك له برزقه والله مو دعايه ولا شئ
ولا اعرفه هالرجال حتى اسمه ماعرفه
بس طحت عليه فجأه ..
حبيت افيدكم وافيد الي يحبون دهن العود
والي بتآخذ من الغالي لاتستهلكه كثير
تخليه للمناسبات والطلعات المهمه ..
ود الوداد @od_alodad
كبيرة محررات
يلزم عليك تسجيل الدخول أولًا لكتابة تعليق.
التاجرة أم عبودي
•
مشكورة
الصفحة الأخيرة