كيف الحال اخواتي السنعات وكيف الطبخ والنفخ معكم برمضان اكيد كل يوم طبخه وتدوير بهالنت عن اخر الاكلات والاشكال الجديدة
حبيت اليوم اعطيكم طريقتي بعمل السبانخ وان شاء الله تحوز على اعجابكم
مقادير العجينة وانا استخدمها لكل المعجنات
كاس ونصف موية
ملعقة كبيرة خميرة فورية
ذرة ملح
نصف فنجال سكر
تخلط بالمضرب اليدوي قليلا ويضاف لها
5ملاعق كبيرة حليب بودرة
فنجال قهوة زيت
ملعقة كبيرة زبادي ان وجد
تخلط ميع المقادير مع بعض ويضاف لها تقريبا 4ونصف كاس دقيق انا اكب وبس ماقدر
لحد ماتكون العجينة متماسكة زي كذا واضربوها ضرب الى ان يطلع الهوى منها يعني الي فيها حره ومتهاوشة مع احد على طول للمطبخ تقوم تعجن ههههههه وخليها ترتاح عشر دقايق وعلى طول افرديها
نجي للحشوة وهي مربط الفرس على قولتهم
انا من قبل اجيب السبانخ طازجة وتغسيل وتقطيع وشغله طويلة والحين طحت بالمثلجة والله حلوة مره واريح وتعطي نفس الطعم او احلى بعد وعندكم سبانخ نوع السنبلة او مونتانا الثنتين روعه ونظيفة مافيها عودان
اقوم اغسلها بالمشخل واصفيها من الموية وانقعها في حبتين ليمونة واذا كنتوا ماتحبون الحموضة تكفي وحده وملعقة كبيرة ملح الليمون وخلوها تنقع لمدة ساعتين في الثلاجة
واثناء ذلك افرم بصلة كبيرة واحمسها حمس خفيف مع زيت زيتون وملعقتين كبار سماق احمر وذرة فلفل اسود بدون اضافة الملح وعلى طول اطفيها مجرد تشويح
اقوم اصفي السبانخ من الليمون مره لحد ماتكون خالية من الليمون واضيف لها البصل واقلبها وتكون بالشكل هذا بس ترى البصل صغار بس عشاني مقربة الكاميرا
نرجع للعجينة بعد مانفردها نخليها تكون رقيقة افضل عشان تكون مقرمشة نقطعها دوائر ونحشيها زي كذا
وبعدين ندخلها الفرن ونحمرها وتكون بالشكل النهائي كذا
ماعليش هذرت عليكم واجد اليوم بس كله لعيونكم الحلوة واتمنى انها تعجبكم وتحوز على ذوقكم الرفيع
والله الله بالردود الحلوة تراني انقص ظهري وانا اكتب لكم ماحد قالك تتميلحين
:44::44: