طيب بنات ابغى اسالكم عن وقت امتحان الانتساب اللي تبع الملحقيه السعوديه متى يمتحنوهم ؟في اي شهر بناتي ليسا توهم جدد في الانتساب ولا اعرف طريقة ووقت الامتحان ياليت اللي عندها خلفيه عن الانتساب تخبرني حتى لو تبع ملحقيه في بلد ثاني

احنا باستراليا يبدأ 1/7 ميلادي
ويرسلون لنا على الايميل مواعيد الامتحان والمكان اللي راح يتم فيه والجدول

وراء النهر مشكورة يالغلا ما تقصري الحمد لله ردوا علينا الملحقيه بشهر 6 امتحاناتهم بس ليسا ما عطونا الوقت بالضبط

السلام عليكم
بنات الله يجزاكم خير بالنسبه لسنه اولى هل فيه مناهج فقه وتوحيد للفصل الاول الدراسي؟
لاني ماحصلتها مع مجموعة كتبهم وغير كذا مالقيتها بالموقع الالكتروني
الله يجزاكم بكل خير

والله انا جبت كتب عربيه مو منهج لا نظام مستويااات ،، جبت المستوى الاول ولقيته قوي على ولدي لانه يعلم تركيب الحروف ببعض ومثلا اضيف حرف الميم على الكلمه الفلانيه ،، وولدي لسا ما يعرف الا كم حرف ،،

بصراحه لما قرات طرق الخوات حسيت انه طريقتي ابد موب شي ،، انا اعلمهم الحروف واحاول اكون لهم كلمات بسيطه من نفس الحروف ،، وبصراحه ما عندي ولا منهج ودخلتهم مدرسه عربيه خلال هالسنه وبصراحه دفع فلوس عالفاضي لاني انا للي اكرف بالبيت ،، فقررت من اسبوعين الغي المدرسه واشتريت كتب قراءه وتعبير وكتاب تمارين للقراءه ،، وكتاب لغه اسلاميه ،، فيها اساسيات ومختصره يعني ماهي كبيره ،، وبديت معهم اجلس العصريه دراااسه ،، عندي بنت ٣ ابتداءي بس فاتها صف ثاني وثالث بالغربه ،، هي تاسست الحمدلله بس اول هالسنه كانت ناسيه بعض الحروف وقراءتها بطيئه ،، والحين مع تركيزي عليها امس ما شالله لقيتها واااو فرق بقراءتها ما شالله وفعلا حسيت بفرح ككبير ،،

ولدي خلال الاسبوع الماضي حاولت اراجع له الالف والباء والتاء والثاء والحمدلله واخيرا امس لقيتها رسخت بباله لانه يعرفهم شكلا بس يخربط بينهم ،،

وبصراحه بكمل بطريقه الاخت اللي حطت رد باول صفحه عن الحروف اللي لها يد وحده وببدا معه فيهم اليوم ،، لانه يعرف كم حرف من ضمنهم ..

انا حابه علي الاقل ادرسه الحروف واعلمه يقرا ويكتب وان شالله يطلع قرار توظيف زوجي بقطر ونروح ويدرسو عيالنا بالمدارس عربي احسنلهم ،،

خصوصا بنتي السنه الجايه المفروض تبدا تاخذ قواعد هذي غير المواد اللي كنا ندرسها من تاريخ وجغرافيا وتوحيد وفقه وتفسير ،، كلها رايحه علينا ،، الله يعيننا والله ما نبي نظلم عيالنا بهالغربه ،،

انا اهملت الانجليزي لانه عيالي بلااابل ما شالله ويقرووو انجليزي حتي الفصعون ابو ٥ سنوات يقرا اغلب الحروف ويعرفها ،، فقلت خلاص بركز علي العربي والله بعين ،،

نسيت اقولكم انه المدرسه كانت تعلم عيالي عربي لغير الناطقين بالعربيه لذلك لقبتها مرره مو مفيده ..