عمتي تربط عيال بناتها في شيلتها تقصها على شكل 7 مثل البندانا وتربطهم عادي

نفس المعاناه وي اعرف كيف

شوفي حبيبتي تدرين ان جدتي الله يرحمها كانو يحطون مشط عاالجبهه بعدين يربطون يعني كانو يهتمون باالراس مره شكله مهم عندهم ولا ضر عيالهم
شوفي انا الحمد لله مااحتجت للربط بس اتعب في روسهم من ورى بس انا راح اقولك وشلون الطريقه جيبي قماش يكون مو مطاط يعني يشبه قماش ثوب الرجال وخلي عرضه 3 اصابع وخلي القماش مدبل وخلي الربطه على جنب عشان ماتأذينه ولا تشدين مره على خفيف وهو اصلا راح يتعود عليها ومو شرط تكون 24 ساعه عليه وان شاء الله راح يتغير شكل راسه
اللي تستفيد من كلامي تدعي لي ان يكون مافي رحمي ولدا صالحا ويبلغني شوفته وانا وهو باتم صحه وعافيه يارب وكل مسلم
واي سؤال انا حاضره

جيبي كرتون من الخفيفه مو القاسيه مره زي كرتون البسكوت او المعمول
يكون شكلها مستطيل بعرض جبينه ولفي عليها قماش واربطيها عليه ساعتين او ثلاث يوميا
واذا كان نايم بالنهار حطيها له


الله يحفظه لك ويخليه ودامه ولد ارحم شوي من البنت

شوفي حبيبتي انا وخواتي معتمدين طريقه لراس المولود تسويها امي الله يحفظها ويشفيها وروس اولادنا اذاكبروا مرره روعه منهفته حتى اذا بغيتي تقصينهم تطلع القصه جنان من وراء وقدام

جيبي حفاظه وحطي فيها قطعت كرتون وبعدين جيبي شرشف لطفلك او مهاد خفيف وطرقيه على شكل مستطيل يعني

مقاس العرض يكون شبر والطول على حسب طول الشرشف وبعدين لفي الجوانب شكل اسطواني من الجهتين وخيطيهن عشان تثبت وتركي فراغ لراس المولود وبعدين جيبي الحفاظ اللي حطيتي بها الكرتون وحطيها بمكان راس المولود

اما بنسبه للجبهه جيبي غدفه حقت الحريم الكبار وقصيها مربع وبعدين اثنيها مثل الغتره على شكل 7 ولبسيها ولدك مثل غترت الشغالات وذيولها لفيهن من عند الحنك وبعدين اربطيها على وراء
ثم بعدين جيبي عصابه وعصبيها من فوق الشيله بس لاتربطينها من وراء عشان العقده ماتضيقه اربطيها على جنب نفس ربطك للأشارب عشان اذا زينتي الراس منوراء تطلع الجبه من قدام يطلع شكل كانها مفلوقه

اتمنى انك فهمتيني ادري طولت هذره بس لازم تربطين عندنا اللي ماتربط ماكنها اهتمت ابنتها خصوصا

تستخدمينها لمدة 6شهور وخصوصا على النوم