الي يصاب بالكورونا لازم يعاقب ويغرم

اليوم اقر خبر في العربية عن اصابة اربع اسر جيران بكورونا بسبب فطور جماعي


وانا اتمنى ان العلاج مايكون مجاني لها النوع من البشر


العلاج لازم يكون بفلوس لكل من اصبب بسبب الاستهتار وعمل تجمعات متعمده


وبعد العلاج يدفعون غرامة ماليه دبل قيمة العلاج مع منع ترقياتهم عشر سنين وحرمانهم من العلاوات واي مزايا اخرى


لانه مو قادر يحترم نفسه هالكم اسبوع لين يتحصر المرض
ولا عشان العلاج الحكومي ببلاش تفتح حلقك وتشيل اهلك ودرزن بزرانك وتقول عالجونا


يعني دكاترة وممرضين وعساكر محرومين من اهاليهم بس عشان يحاصرون الوباء
والدولة تدفع مليارات والناس ملتزمين
وتجي فصيلة دنيية بدون ضمير ولا انسانية ولا احترام للاخرين وتقرر ان ماله داعي نلتزم بالحضر


خل نفطر جماعي


خل نتزاور


خل نجمع العالم عندنا


سخافة وتفاهة اقليه تاثر على الاغلبية
هالنوع لازم له عقاب جامد
مالي ووظيفي واجتماعي
واعادة نظر في اهليتهم العقلية
ولا ينظر لهم بعين الرحمة ولا يعطون اولوية في العلاج هالنوعية مجرد مصدر هدر وضرر على غيرهم