:icon28: :icon28:
السلام عليكم خواتي
شحالكم و شخباركم ؟ .. عساكم كللللللللككمممممممم بخير ان شاء الله
اووووووووفففففف
ما بغيت اخلص .. الحمدلله رب العالمين .. خلصت .. خلصت .. و الله مش قادرة اصدق .. اخيرا خلصت و تخرجت من الجامعة
:icon28: :icon28:
معظمكم يعرف اني ادرس و ها آخر كورس لي بالجامعه -في امريكا- .. الشهور الاخيره كانت من اصعب فترات حياتي .. بالاضافه للدراسة .. مسؤولية بيت و زوج و عيال صغار
ما بقول قدرت اوفق .. لان في أوقات كنت اهتم بشي على حساب الثاني .. و كنت طوووووووووووول الوقت احس بالذنب خصوصا تجاه عيالي -حبايبي و الله عانوا بسببي- بس خلاص الحين متفرغتلهم
آخر يوم لي في الجامعة و بعد ما خلصت من كل شي هناك ، رحت ركض على مدرسة عيالي و طلعتهم مبجر و أحضنهم و أبوسهم جني من زمااااااااااااااان ما شفتهم .. لا و زعلانين ليش مطلتعنهم من وقت
الحمدلله بحث التخرج كان أكثر من ممتاز -على حسب راي استاذتي و الناس الي ناقشوني فيه- .. المجموعه الي ناقشتني فيه مش من الجامعه نفسها ، مجموعة رجال أعمال -بما انه مجال بزنس- .. و مستغربين كيف وحده مثلي -عربيه و يمكن مسلمة- مسوتنه و قادره اناقشه و يعلقون "ما كنا نتصور الجامعة تخرج طلبة جي مستواها" ، يا حسرة عليهم ما يدرون ان اكبر قدر من تعليمي كان في البلاد -الله يخلي البلاد و يبارك في خيرها "قولوا آمين"-
و أزيدكم من الشعر بيت .. بعد ما طلعت علاماتي ، انعرضت علي منحة دراسية علشان أكمل دراسات عليا .. بس لا يحوشك .. خلاااااااااص .. لا ابغي اسمع شي عن كلمة دراسة و لا اشوف لا كتاب و لا ورقه و لا حتى قلم
الحمدلله هذا كله من فضل رب العالمين .. الحمدلله و الشكر
عاد من زود وناستي قلت لازم اشارككم الفرحة .. عاد الحين بتفيق لكم و للمنتدى .. و ان شاء الله احطلكم -ما بقول كل يوم- كل ما اقدر وصفة حلويات عدله
:icon28: :icon28:
الود ودي اسوي حفلة عوووووووووووووده و اعزمكم كلكم ، و الدعوه مفتوحه للجميع .. بس للأسف انا بعيييييييييده بعيده .. على العموم هاي حلاوة التخرج -ان شاء الله تعجبكم- تفضلوا .. تفضلوا
