الي يواعد ويخلف ويحطك في موقف حرج

مساء الخير. اكره شي اذا واعدك احد بعدين يخلف زي مثلا بيجونك ظيوف اليوم الفلاني وبيتك حوسه فا اتصلتي على شغاله تجي بساعات وحجزتيها واكدتي عليها وحرصتيها تجي في اليوم الفلاني وهي قالت ابشري ابجي واذا جاء اليوم الموعود تتصلين عليها مره مرتين ثلاث ما ترد وتخليك في موقف عصيب طيب كان من الاول قالت ما اقدر اجي وبس واذا كان جوالها حصله شي طيب تتصل من جوال ثاني حنا محنا في صحراء الربع الخالي او مثلا اليوم الفلاني عندك زواج وكلمتي الكوفيره وقلتي لها تجي اليوم الفلاني تسويلك تسريحه واذا جاء اليوم الفلاني تتصلين عليها ما ترد. ايضا لا ننسى المواقف في الزواجات المسئولين عن تنظيم شي ما اذا واعتيهم ودقو لك ركبه في اليوم الحرج او مثلا تتواعدين مع وحده تجتمعون في مكان عام ونسقتو الطلعه وكل شي وحددتو اليوم ويوم جاء اليوم الموعود تتصلين عليها ما ترد وترسلين في الواتس ولا ترد او مثلا عندك موعد مهم واتصلتي على سواق وحرصتيه يجي يوديك الساعه الفلانيه ويوم جت الساعه الفلانيه تتصلين عليه ورسائل ولا يرد انا عارفه بتقولون يمكن صار ظرف والتمس لاخيك سبعين عذر ايوه فعلا بس انا الي يبط كبدي عدم الرد على الجوال انا اقول على الاقل ردي. على الجوال وقولي ما اقدر اجي انا صراحه صرت ما عاد اثق في اي احد يواعد حتى لو واعد وعد رجال وحلف احس انه اذا جاء اليوم الموعود بيسفهني الصراحه اعصاب الناس مش لعبه الله لا يحطكم في زي ها المواقف لانه فعلا موقف يخلي الواحد يبكي من القهر