ال مر عليها شخص جاته جلطه الله يكفيكم الشر فيدوني

السلام عليكم ورحمة الله وبركاته
يعطيكم العافيه مشرفات ياريت الموضوع يضل يوم واحد هنا عشان القسم متفاعل
بسألكم من تعرف شخص جاته جلطه بعيد الشر وتشافى
ابوي قبل يومين ضحك وسوالف مع خواتي وفجأه وهو نايم اخر الليل جاته جلطه محتمل من البرد او الدخان مدري بس اتوقع البرد لان الله يشافيه يطلع والاجواء بارده مايرضى يدفي نفسه وهو معه سكر كله يحس ان مايحتاج يدفى يحس بالحر
وديناه المشفى مباشره طلعت جلطه ثانيه وحنا ماندري كان قبل سنه ونص كذا طاح طيحه عاديه عرقله وقام ويده مب حيل يحركها ووديناه المشفى وسوو تصوير قالوا اعصاب ماقالوا انها جلطه خفيفه والحين جاته الثانيه لسانه ثقل وجنبه اليمين يحركه جدا خفيف اليسار عادي
نروح نزوره يشوفنه بس ساكت مدري عارفنا والله قلوبنا متقطعه عليه سمعت عن رجال اسمه سلامه الجهني في المدينه يعالج يسوي للمريض كوي من تعرفه او تدلنا وين يكون بالضبط موقعه لان حنا بالشرقيه
رجيتكم خواتي تطلبوا من الله يشافي ابوي حبيبي ويشافي كل مريض الحين ثلاث ايام بالمشفى