ال...... وما أدراك ما ال........

السلام عليكم ... شحالكم؟
حبيت أضيف هذا الموضوع لأني شفت أنه بعض الخوات عندهم لبس في المسك .. واتمنى اني اقدر افيدكم

بالنسبه للمسك فيه منه أنواع وااااايد منها الطبيعي ومنها المصنع و الغالي ومنها الرخيص أما عن أنواع المسك:
1- عندج اللي يكون في جلد وهذا يحتاج له شغله طويله لين يصير صالح للأستعمال.
2- بعده ايي المسك السائل الأسود وهو غالي يتراوح سعر الأصلي بين 2000 و2500 درهم وهذا استعمالاته قليله ينضاف قطره منه على دهن العود يخلي ريحته تصير أقوى بس اذا زاد عن حده ينجلب ضده مثل ما يقولون ههههههههه اتزيد ريحته على دهن العود((( قالي مره البائع انه هذا المسك اللي وصى فيه الرسول صلى الله عليه وسلم ))) والله أعلم .
3- في المسك الاسود اللي على شكل بودره أو كور صغيره وهذا بعد غالي واستعماله نفس استعمال المسك السائل الاسود .
4- المسك السائل الأبيض شفاف ( مسك العروسه ) تلاقينه عند محلات القريشي للعطور التوله ب 200 درهم ويعطيج عليه نص توله أو توله مرات(ممتاز عن تجربه) هذا اللي يستخدم للجسم وشائع استعماله عند الحريم.
5- وفي مسك الحجر وانا سمعت انه له عدة استعمالات في ناس تستعمله للجسم وفي ناس تحطه بين الملابس علشان يعطيها ريحه حلوه (ما ادري الصراحه ما جربته).
6- في المسك اللي مضاف له روائح ثانيه وتلاحظين انه ريحته مختلفه عن المسك الطبيعي مثل : المسك المتسلق , ومسك الورد , ومسك الصندل , وجوهر المسك........... وغيرها .
هذا خواتي اللي اعرفه عن المسك واتمنى اني قدرت افيدكم ,,,,,,,,,,, السموحه
((((( أي استفسار أنا حاضره في حدود معلوماتي المتواضعه )))))