اللهم إنا نسألك بكل اسم هو لك سميت به نفسك أو أنزلته في كتابك أو علمته لأحد من خلقك أو استأثرت به في علم الغيب عندك ان تجعل القرءان العظيم ربيع قلوبنا ونور صدورنا وجلاء أحزاننا وذهاب همومنا وغمومنا

اختي ..

توكلي على الله واقريها ووقتها بتعرفين فايدتها من غير تجارب أحد ..

لأن الله كريم مايرد عباده ....

حاولي مثل ماقالو البنات تقرينها بالليل أفضل وخصوصا الثلث الاخير من الليل اذا تقدرين قومي فيها ركعتين .. واذا صعبه اقريها بعد صلاة العشاء يكون أول الليل .

وانتي تصلين ادعي بالسجود أفضل ...

يعني شوفي الأوقات المفضله للدعاء واستغليها ..

ومثل ماقالو البنات النيه مهمه خليها ببالك .

بقول لك عن تجربتي انا مصابه بالعين من زمان بس غافله ومع كثر ما اشوف اللي يصير لي وماني مصدقه توقعت ان فيه شي مو طبيعي بوضعي .. هالكلام السنه الماضيه وسألت كم شيخ وأكدو هالشي وقالو لي اقرأي سورة البقره يوميا وعطوني تعليمات ثانيه .. ماتصدقين كان يضيق صدري وانكتم ولا اقدر اقراها كل يوم واذا غصبت نفسي اطول في القراءه يعني بدال ساعه ممكن ساعتين ونص أحسها ثقيله علي وتهدني.... تركتها وصرت كل فتره اقرأها واتركها وبدأ الوقت يقل لساعتين ثم صارت ساعتين الا ربع ثم صارت ساعه ونص ... وكنت مسجله من زمان في عالم حواء بس مادخل كثير وصرت ادخل واقرأ وشفت مواضيع كثيره عن سورة البقره وفضلها وحمله لقراءتها وتذكرت اني لازم أشد على نفسي ... ودي أتمنى اني اقدر اقراها على الاقل اسبوع كامل يوميا .. الى الآن ماقدرت بس بحاول ... وبدأتها أمس واليوم وحاسه انها صارت أخف عن أول يعني بساعه وربع تقريبا مو مثل اول ساعتين ونص بس مازلت احاول اتهرب منها غصب عني أقول بنفسي بقرأها الساعه 10 مثلا تلقيني أجلس احوس مثل الاطفال مدري شسوي ساعتين ثلاث اربع بس أدور واضيع وقتي وبالمووت أجبر نفسي ابدأ بس لما أخلص أحس نفسي مرتاحه الحمدلله .

ودعواتكم أقدر استمر عليها على طوووووووول وربي يشفيني ويعافيني .