السلام عليكم ورحمة الله وبركاته
كيفكن يا بنات عندي مشكلة محيرتني ومخوفتني كتير
انا متزوجة من 7 سنين وعندي طفلين اله يخلين ولا يحرمني منن
طبعا انا سورية مقيمة بالسعودية وعارفين الاوضاع كيف بسوريا الله المستان
المحم حبيباتي
بدت مشاكلنا بعد فترة ستنين زواج
كنت اجي زيارة اجلس كم شهر عندو وكم شهر بسوريا عند اهلي وهو من نوع الشباب القاسيين كتير ما بحن قلبو على شي
كنا كتير تصير بينا مشاكل عادية بس تنفضح وتطول بسبب بعد المسافات بيننا وانا كل شي يصير قدام اهلي
وما بحياتو كلمني كلمة حلوة ولا عندو رومنسيات
اعرف انو مشتائلي لما بيتصل كل يوم ببهدلني وبصيح علي وبسكر التلفون بوجهي
المكالمة اليومية كانت كالتالي
الو كيفك وبيبدا الصياح لدرجة انو ماما بتسمع المكالمة بدون ما افتح سبيكر وكل يلي بالفرفة
انتي جالسة ومبسوطة وانا هون لحالي بالشغل وانتي مرتاحة وعند اهلك واهلي
وعلى هاد السياق طبعا بدو سب
لدرجة انو تعودنا على مكالماتو انا واهلي خلاص بس يصك منكمل هرجنا وكلامنا ولا كانو اتصل اصلا
وكان كمان حريص كتير على مالو
يعني انا مابصير اشتري بنطلون اذا مالي محتاجة بحكم انو عم ياسس نفسو بس ان ماسكها حبتين زيادة
جبت ابني بعد سنتين ونص من زواجي خاصمني تالت يوم من ولادتي وضل ناشف معي شهرين ونص من بعدا لمشكلة بسيطة هي لاني غيرت المشفى يلي كنت مقررة اولد فيها ولاني ما طلعت مع اهلو للمشفى طلعت مع اهلي
ولما نزل شاف ابنو بالمطار باسو وقال ما شاء الله ورجعو لي ولا كانو ابنو
وانا كنت اول سنتين زوجة مثالية على قول جاراتي الله يذكرهن بالخير كلامو اوامر اسمو على لساني حبيبي ودلع ولبس ومكياج طول النهار
بس ما حس تجاوب منو نهائيا حياتو العمل والنوم وبس
حتى لدرجة اني بطلت اهتم في ابدا وحتى بطلت سمعو كلام حلو متل عوايدي وحياتي فراااااااااااغ مافي شي
وعلى ابسط مشكلة بياخدلي جوالي بيفصلي التلفون وبحط كلمة سر للكمبيوتر
هاد الشي صرت متعودة علي وبياخد مفتاح البيت وبيحبسني
مع العلم انا لحالي بالغربة ما عندي احد غير الله حتى اني تاخرت بحملي مدة
بس كنت
وجبت بنتي بعدسنة ونص من ولادتي لابني وكانت ولادتي بالسعودية كان بينا مشاكل وكنت مقررة الطلاق لانو طرد امي وخالتي اللي تعبو نفسن واجو لعندي عمرة عشان ولادتي قبل الولادة ب3 ايام طرد امي لانو صارت مشكلة بسوريا وانا احتميت باهلي وشردت عنو لبيت اهلي وامي لما جا طلب منها بسبوراتنا انا وابني وماما خافت يهرب ابني ويحرمني منو لانو كان يهددني بذا الشي وحقد عليها من يوما وقلي انا بوريها لامك
مع انها بعدين اعطتو ياهن
بس ما توقعت انو يطردا ابدا وبالليل وما بتعرف احد تلجالو ولا حتى الجيران
المهم
كل هالمشاكل والنفور بينا وجات الثورة
الله ينصرنا يارب
اول شهر انا ما اخدت بالموضوع فكرت انو فعلا عصابات مسلحة ومندسين
بس بعدين ماحسنت الا صدق لانو اهلي اكدولي وكل الناس حتى اهل زوجي
انا قلت لزوجي بدي اتبرع بدهبي للثورة
وانتو عارفين الدهب غالي بس قلي اوك
مارفض بس بعتين لاهلي وامي بتتصرف
انا ما رضيت لانو حماتي حتوزعن عولادها والعيلة لاني بشوفا كيف بتوزع وانا كنت حابة وزعن لجرحى الثورة مو لاي محتاج
ما العلم اهل زوجي مو بحاجة
وصرت ناشطة عالنت من ورا زوجي عالفيس بوك وانخرطت بالثورة وعرفت وحدة وعرفتها على اهلي اخوها ناشط بالثورة وكانت الدنيا رمضان اعطيتن دهبي اللي من اهلي هدايا اهلي يعني الله يتقبلن مني يارب وكل شي تمام وصار لي صقحات ومراسلين بالداخل لنقل الاخبار ومرة احتاجو مبلغ كمان وكانت صاحبتي ما بتقدر تطلع مكة عشان تاخد مني الدهب فارسلتلي اخوها وانا طلعت من ورا جوزي لاعطي المبلغ لكن شافني جارنا وقلي وش بتسوي هنا حكيتلو كل شي وقلي اتصلي عجوزك يجي ياخدك وهون اجا جوزي وعرف كل السالفة من جارنا وكانت حتكبر لاني نت بدي قابل رجال غريب عني بس انا قلتلهن كل شي لانو اهلي بالصورة وهم اصلا كارهين جوزي من تصرفاتو معهن
وجن جوزي عليي واخد رقم الشب وصار بينهم مشاكل كبيرة بس البنت ما عاد كلمتني لانو هي قالتلي انا ما دخلني اذا صار شي ودري جوزي بطلقني انتي لحالك قررتي شو تعملي وانا تفهمت موقفا ونسيت الموضوع
فجوزي اتصل على اهلي وخالتي والدنيا كلها وتكلم كلام مو صحيح والف قصص من راسو وانا قلت الحمدله يلي اهلي بالصورة ولا كان كل الناس صدقو وما حدا وقف معي حتى جارتي يلي متل امي كانت تعرف بكل تحركاتي وكانت معي لما اكلمهم
وخدي على ذل واهانات وبهادل والله ما حس الا اني بمعتقل صار ضربي عندو تسلاية يتفنن فيها انا كنت مقدرة انو مجروح لاني خبيت علي بس كمان هو ياما جارحني ومو حاسس
ومرة الايام وبعد 3 شهور افرج عن التلفزيون وشوي شوي بلش يتحسن معي وحياتنا تصير افضل من اول طبعا هالكلام خلال سنة كاملة اقسم بالله كاني معتقل بسجون بشار
كل يوم ضرب واهانات
لكن انا كنت داسة منو جوال وبابا يشحنلي يا كل يوم كلم امي وطمنها عني وادخل نت اشوف الاحداث
وكا ن معي مفتاح داسستو عن جوزي كلم جارتي وتجيني تهتم فيي الله يسعدها يارب وقفت معي وقفة حلوة
بس يا بنات هلئ انا سيبت كل شي بيزعج جوزي مني لما شفتو عم يتحسن معي وانا قلت اذا هو بيقرب خطوة بقرب منو كيلو متر
والحمدلله الحياة ماشية وحتى فك يدو عن المصروف صرنا معتدلين الحمدلله
بس اليوم قضينا ليلة حلوة سوا وبعد ما رتاح عالسرير جلس يسالني عن الجماعة بعد اكتر من سنة مع انو ما جت سيرتن
وجلس يسمعني كلام مالو داعي عنهم وانو حيجيبن لو اخر يوم بحياتو ومن هالكلام
الجماعة على صلة باهلي وما بيقطعو اهلي للحين بكلمون وبيطمنو عليهن
انا خفت من كلام جوزي ليش تزكرن هلئ وليش رجع الوجع القديم ؟؟؟
انا سبت كل حياتي وتفرغتلو صار هو وولادي كل حياتي بعد ما كنت اطلب منو الطلاق كل يوم والله خايفة اخسرو حسيتو عم يسمعني لام مبطن قلي لعبتي عليي وانا ما رح مشيها لو بدي موت
برايكن شو اعمل مافي بينا مشاكل ليش عمل هيك وخوفني منو؟؟؟؟؟؟؟
امانة يا بنات احكو رايكن شو اعمل لنسي يلي صار ؟؟؟
نحن كنا كل يوم نحكي بتفاصيل الطلاق وهلئ الحمدلله ماشي حالنا عايشين ومرتاحين وعم نربي ولادنا بدي اطوي الماضي انا ما بعايرو بماضي ليش عم يفتح الوجع القديم ؟؟؟؟؟؟؟؟؟
:44:
عبق الياسمين.... @aabk_alyasmyn_6
عضوة فعالة
يلزم عليك تسجيل الدخول أولًا لكتابة تعليق.
*رمرومة*
•
ااااااااااااه ياسوريا الجرح كبييييييييييييييييييير
يابعد قلبي ياسوريا الله يحميكي ويحمي اهلك وترجعي جنة متل ما كنتي
الله يسهل امورك اختي مابعرف شو بدي قلك الله يعينك
يابعد قلبي ياسوريا الله يحميكي ويحمي اهلك وترجعي جنة متل ما كنتي
الله يسهل امورك اختي مابعرف شو بدي قلك الله يعينك
الله يخليكن اللي تمر عالاقل ترفع انا بحاجة مشورتكن علي
تسلمي رمرومة جزاكي الله خير
تسلمي رمرومة جزاكي الله خير
الصفحة الأخيرة
للاسف ماقريتها الخط صغير وطويله
الله يسهل لك امرك