امانه ساعدوني شو اعمل مع جوزي

امانه ساعدوني شو اعمل مع جوزي
انا زوجي مدرس تعرف على مدرّسه معوبنفس المدرسه
وبلشوها مزح وضحك وانهوها حب وغرام واخدوا ايميلات بعض وبلشو يحكوا مع بعض عالماسنجر
وما ببلشوا حكي قبل الساعه تنتين تلاته باليل هاد الحكي الو سنه
تاني يوم عيد رمضان لما بلشو حكي وبس حاولت فوت لعندو قلي اطلعي وروحي نامي لحتى احكي معها عراحتي
قلتلو ما انت بتحكي انو ما في بيناتكن غير رفقه
خليني عندك وما رضي وطلعني وانا ابكي:icon33:
اصلا اي رفقه بتبلش الساعه تنتين باليل وقعدت ابكي وهو ولا على بالو
المهم انو مبسوط وبيحكي مع الحقيره
وبعدها بيومين رجع عمل نفس الفلم معي طلعني من الغرفه لحتى حكى معا
والله والله العظيم حاسه حالي رح موت
والله والله والله كل يوم عم نام ابكي
وقال شو ما في بيناتن شي لك لشو لكان بتحكي معا بهيك وقت
شو اعمل المشكله انوهو صريح كتير معي
واحيانا مو دايما بالفتره الاخيرة بخليني اقرارسائلومعها
يمكن الرسائل العاديه الي ما فيها شي بخليني اقراها والي فيها شي ما بخليني
والله مو عارفه شو اعمل احيانا بفكر اطلّق واتركلو البيت بس ولادي الاربعه بيحرقو قلبي واكبرهم 6سنين واصغرهم 7شهور:(
اشتكيت لاهلو بس والله ما حك جلدك مثل ظفرك والله ما استفدت شي وما كانو حازمين معو متل ما بدي
والمشكله انو هالبنت مو مخليه شب إلا مو حاكيه معو وطالعه وقاعده معو يعني بتعرف شباب كتيرغير انها بتدخن وتأركل معهم
وجوزي المحترم بقول انا بعرف انو سمعتا عاطله ومو منيحه بس هو ما شاف عليها شي بعينو
علما هي بتطلع معو وبتقلو لا تمرق من هالطريق ولا هاد الطريق لا يشوفنا حدا وبتقبل تروح من طرق مقطوعه ما فيها حدا
وبعد كل هالشي بقول ما شفت عليها شي وبتحب تطلع بالطرق المقطوعه قال شو خايفه على سمعتا ازا شافها حدا وجوزي مصدق
على فكرة صار خاطبها مرتين وهي ترفض وتقولو عندك بيتك ومرتك وولادك أولى فيك
بيحكيلها جوزي لكان لشو بتوافقي تقابليني وتطلعي معي وتحكي معي على الموبايل
بتقلو لأنو ما بقدر أستغني عنك إنت محفور بقلبي ومابقدر أطلعك منو وبس هيك وجوزي مبسوط:arb:
يا ناس يا عالم هاد كلام هاي بدها بيتو ومرتو أولى
هاي خرابة بيوت بدها إذا صارت عانس تلاقيه وإذا اتطلقت أو فاحت سمعتها تلاقي حدى يستناها متل جوزي المُحترم
والمشكلة جوزي مصدقها وبفكرها خايفة على بيتو
على فكرة أنا هلأ زعلانة ببيت أهلي وولادي عندو ولا فكر يتصل أو يجي لا هوا ولا حدا من أهلو
أنا شو أعمل ؟ يلي عندها حل تقلي ويلي ما عندها بس تدعيلي الله يفرج همي