امانه سعادوني في مشكلتي تعبت

والله ماألومك

الزمن هذا يالطيف يخلي الصخرة تغار

بس تبين نصيحتي

ترى الغيرة الزايده تخلي الرجال يبدأ يركز على عيوبك ويشوف النقص اللي فيك

ويفكر انها ماتغار اللي وهي عارفه نفسها انها شينه(حتى لو كنتي حلوة) وانها تدري ان فيه احلى منها

واذا شاف ثقتك بنفسك معدومه ((طبعا واضح هالشئ من غيرتك الزايده)) بتزوغ عينه ويبدأ يدور على

احلى منك((والبركه فيك انتي اللي خليتيه يحس بكذا))

اعذريني على قوة كلامي بس هذي الحقيقه!!

عزيزتي اميرة العتبان
لقبك مايدل على كلامك كيف تفقدين الثقة وانتي اميرة؟؟
المرأة الأميرة هي من ترى نفسها جميلة الخلق والأخلاق
ورزينة المقام
وواثقة من نفسها وش ماكانت
عزيزتي
أنصحك بكتاب العادات السبع للناس الأكثر فعالية
كتاب جميل ينمي الثقة بالنفس ...ويحصد أفكار رائعة الوجود بحياتنا
على فكرة الكتاب دلني عليه دكتور نفسي ملتزم الدين كان يتكلم عنه
ويمدح بمحتواه وكيف انه يغير الشخصية للأفضل
أنا للحين ماختمته بعدي أقرأ فيه بس من جد كتاب رائع
وبكتب عنه وعن أستفادتي منه اذا انهيته بأذن الله
وعلى فكرة تصرفك مع زوجك اكبر غلط الرجال عزيزتي
اذا لاحظ زوجتة تغار يبدأ يعاندها
ويمكن يمل لاسمح الله ويتركها
انتبهي الغيرة بزيادها تودي فيك لمصير صعب
حاولي تظهرين قدامة بكل ثقتك وجملي روحك مثل اللي بالتلفزيون كلهم
لبس وشعر وميك اب ,,لا وعمليات مو بطبيعتهم!
تجملي عنده وثقة المرأة قدام زوجها ترفع من قدرها قدامة
انتبهي اسلوبك غلط عزيزتي

الله يجزاكم خير ويرزقكم وبسوي الي تقولونه حرف حرف ابي المزيد

واللهقلبي معك ياميرة العتبان
بس انتي لازم تعالجين المشكله الي فيك اولا لازم تحبين شكلك وتثقين في نفسك قبل اي شي وبعدين كل الي يطلعون بالتلفزيون مسوين عملية تجميل مدري ليش تغارين منهم المهم ياغاليتي اذا انتي حبيتي نفسك وقبلتي نفسك على الشكل الي الله عطاك اياه مهما كنتي وكيفما كنتي (حلوه كيفما والله مادري وشلون طلعت)راح يسهل عليك الباقي وبعدين لما تقولين اوتناقشين مع زوجك مسألة الرسايل السخيفه على قولك لاتبينن له انها من ناحية الغيره عليه بالعكس قولي له انا احبك واخاف عليك من عقاب الله صدقيني اذا دخلتي عليه من هالباب راح يالخذ بكلامك بس مو من اول مره
ثانيا لاعمرك تبينين له غيرتك الشديده اوعدم ثقتك بنفسك صدقيني راح يستعملها ضدك وراح يعايرك باالنازله والطالعه بنفسك

وتحياتي لكي وللجميع مع تمنياتي لكي بالسعاده الدائمه

بس بعلق على شغله تخلين الشور والامر عندك على زوجك غلط تقوليله خل تليفونك
هالشي مع الوقت بيبعده وبعدين كثري من الاستغفار واذكري حور العين اجمل من هذيلا بالف مره وبعدين ربك عادل متعهم في الدنيا لان لنا الاخره مايظلم عباده قولي الحمدلله انك حلوه بعد :)