كل عام وانتم بخير اولا حبيباتي النحيفات البرياكتين تجيب نخرفي الاسنان انا قبل ماخليت شي ماجربته لاكن الشي الوحيد اللي نفع والحين اعدل من نتيجته الحبوب الصينيه اخذتها قبل 4 سنوات وفرط جسمي معاهارغم اني ماخذت الحبه المثبته تجي معاها ولاماخلصت الحبوب بس اسبوع وتعالي شوفي الاكل على طول احب اكل تفتح شهيتك تاكلين وتحسين انك بعد جوعانه والحين اسوي رجيم بس على فكره سمعت انها ماهي كويسه الله يبعد عنا الشر وطولت عليكم لاكن حبيت انقول تجربتي وشكرا

هلا والله بالبنات الحلوات صاحبات الخبره في الجنسنج الصيني الحين انتم استخدمتوه كم علبه وكم الزياده اللي صارت والله يمد عليكم العافيه انشاءالله من كلامكم انه ماضركم من العلبه الاولى وهل يحتاج اكثر من علبه واذاتركته بنحف والا اقعد على الزيادهalalmssh ياليت تردين علينا وسعي صدرك واعتبري نفسك مدرسه واحنا طلبه بس هاااااااااااااه مافي تنقيص درجات نونه النور كم الزياده على هالحبوب وانتي اللي مدحته لك مجربته سلافه2120 وش قصت المنشط انا سالت عنها في صيدليه اطلس ومالقيته ومشكورات على الردود والله يوفقكم

هلا بنوتات
الحبوب اللي زادت وزني اهي سايبروفيتا فاتح شهيه
صارلي شهرين تقريبا وزدت كان وزني 42 الحين 47

لما اخلص العبله راح استخدم الجنسنغ الصيني :)

الشمحوطه ياعيوني عندكم بالكويت كوريان جنسنج الامريكي اتذكر وحده من البنات تمدحه وتقول ان وزنه زاد 10 كيلو بشهر الواحد يعني شهرين ياسلام بس ياخساره هنا بالسعوديه مو موجوده جربيه الخير عندكم

انا مثل ريماس الغلا و واااو استخدمت الحبوب الصينيه قبل سنه ونص تقريبا وسمنت صار شكلي يجنن وربي البس يفتح النفس علي خدودي اكثر شي و( ) كبرت

طبعا اخذتها بعد عذاب ودموع لان امي وابوي حالفين لو طبت البيت لاتنرمي بالزباله وانتوا بكرامه

المهم بعد جهد جهيد اخذت علبه من اول شهر سمنت مادري كم كيلو بس وحده من البنات تقول فيه بنت جت تسأل عني بالجامعه تقولها هذيك البنت اللي كانت نحيفه وبيوم وليله سمنت ههههه فشله :D

المهم تركتها ورجعت مثل اول ورجعت اشتريت علبه ثانيه و ثالثه

واللي صار اني ماني قادره اثبت وزني والحبه المثبته اللي اعرفه انها حق الغثيان او اذا حسيتي بشي مو زين

المهم ان زواجي قرب وملكتي وخطيبي بيشوف خشتي وماعندي استعداد يشوف العصاقيل

وباقي عندي علبه فيها خمس حبات بديت من ثلاث ايام فيها ووصيت خالي بيجي من الرياض بعد يومين يجبلي علبه لان العطار اللي يبيعها هنا يقول معد يجيبها

المهم الله يستر انا فعلا حاسه انها مضره خصوصا اني مقدر اتركها فجأه يعني اتركها يوم ايه ويوم لا وبعدها يومين لا ويوم ايه لاني يوم اتركها فجأه احس بصداع فضيع وانا والله بحياتي ما اصدع كذا حتى البندول ماعمري اخذته الا نادرا مو عشان صداع

وفيه شي ثاني انا مره عند المحاسبه بكفتريا الجامعه اقولها لاشفتي وجهي بالكافتريا حطيلي ادسم اكل واشهى اكل عل وعسى اسمن وكان فيه وحده واقفه تحاسبها هذا قبل سنتين يعني قبل اخذ الحبوب المهم هذي البنت ما اعرفها بس قالت تبغين شي يسمن انا كنت انحف منك واستخدمت الحبوب الصينيه وشوفيني عليها مانزل وزني وانا تاركتها (يمكن الاجسام تختلف)

المهم قبل فتره قابلت البنت وكانت جالسه جنبي على الدرج شكلها مثلي سيارتها تأخرت اوشي عاد انا ولقافتي امون تذكرتها وانا عارفه البنت مي متذكرتني بعد سنتين قلتلها ماتذكريني قبل سنتين كنا( بالمطعم الصحي)كذا اسمه بالجامعه
وقلتيلي عاحبوب الصينيه قالت لاااااا بالله اخذتيها شوفي انا ذيك الفتره كنت توي عروس شوفي الحين لي سنتين ماحملت وامي تقول اكيد من الحبوب الصينيه

تخيلي كل هالرعب وبرضي باخذها حاسه اني انتحر استغفر الله بس نتيجتها فتاكه

وبعدين خوالي ثنين استخدموها واحد مرته حامل والثاني عنده ولدين بعد السالفه يعني اعزي نفسي
بس تخليك مصروعه بس تاكلين انا اجيب المارس والسنكرس بالكراتين وحليب الجالاكسي وكودو وبيتزا هت صاروا خويانا

بس الله يستر انا ما انصحك فيها ابدا بس انا حالتي مستعصيه

وبالتوفيق :27: والعمر المديد

والله يبعد عنا الامراض والشر