امتحان TOEFL ....

مرحبا اختي
انا عايشة بعد باوهايو واختبرت التوفل
في كتب بالمكتبات للتوفل ويجي معها سي دي فيه اختبارت تجريبيه تقدرين تجربينها

هلا leen'smother
مشكورة اختي على المساعده...بس بغيت اعرف اسم المكتبه او الشركه او السيت اللي يصدر السيدي عشان اطلبه بالنت.... وشو اسم المكان او المركز اللي امتحنت فيه... وتسلمين...

انا بالنسبة لي امتحنت في نفس المركز الي موجود بالجامعة لان مافي غيره في توليدو
بالنسبة للمكتبة ممكن تلقينها في مكتبة الجامعه وممكن بعد في بارزن نوبل

مرحبا shadows
انا بعد مدرسة لغة انجليزيه واختبرت التوفل .. بس اختبرت التوفل القديم اللي كان السنه اللي فاتت (computer based ) اختبرت في كندا وكان عندي كتب وسيديات مره كويسه اسمها Barron's
بس الحين تغير اختبار التوفل وطلع نوع جديد New Generation واظن اسمه الجديد صار
Internet Based ومختلف تماما عن التوفل القديم فيه speaking .. يعني لما تطلبي اي كتب توفل تأكدي انها للتوفل الجديد .. بس نصيحه لاااااااااازم تقرين وتسوين براكتس قبل الاختبار لان وقت الاختبار كل دقيقه محسوبه عليك فماراح يكون فيه وقت تقرين السؤال وتستوعبينه .. المفروض تدخلين الاختبار وانتي حافظه ترتيب الاسئله ونوعها .. والله يوفقك يارب

مشكوره اختي Out of Reach
تسلمين على المعلومه ..ما كان عندي فكره انه تغير... بالنسبه للتدريب انا ناويه والله اتدرب لكن ريلي كله يقول اني ما احتاج... انا شفت موقع يخص التوفل وناويه اطلب منه السيديات...
والله يجزيك كل خير...