امتداد لموضوعي ومعاناتي ... ادري تعبتكم معي بس مالي غيركم بعد الله

ومن يومها هذا العداء

ولما صار هذا الموقف هم كلهم كانوا هناك وهي كانت فرحااااااانه لدرجه انها ماقدرت تخفي ابتسامتها وتشمتت لين قالت اااااااامين

ولما امي سكتت شوي جات هي عند امها وامها كانت جالسه جنبي تتميلح عليها وتتدلع وامها تدلعها حييييييييل

بنات هذا مو حرام مو ظلم !!! واالله اللي يصيرلي مايجوز

رحت انا دخلت غرفتي وجلست اصييييييييييييييح واصييييييييييييييييييييح من قلبي حتى احس حلقي عورني وقمت اكح واكح بدلت ملابسي وجلست ادعي ربي انه يبدل حزني فرح

في دعاء عن هذا الشي كان مكتوب جلست اقراه توقعت اني بفرح بعدين او على الاقل ليلت العيد

للاسف صار شي اكبر

رحنا المول بطلبها هي تريد تمشيهم وعطتهم عيديه كبيره وانا اللي ماعندي شي حتى محد عيدني واشترتلهم هدايا واكل بالهبل بفلوسها وانا اشوف عليهم بعيون زايغه كلها الم

ترى ماشاليني عشان سواد عيوني السود شاليني عشان ادلهم على الطريق

لما دخلنا كااااان زحمه حيل هم يمشوا بروحهم مايريدوني معهم حتى انا ضيعت الطريق وجلست ادورهم رصيد تلفون ماعندي عشان اتصل عليهم بس عندي لرنه بحكم ان ماعندي شي ابداااا فمحفضتي

ولما جلست فالطاوله كيف عصبت وقامت تكشر وتتهرطم قدام الناس وتتلوى وتتافف بطريقه استفزازيه ( الناس تلاحظ) وانا شو بيدي اسوي جلست على طرف الكرسي بكل انكسار

قامت طلعت مبلغ كبير تريد تشتريلهم عشا وجبات على حسابها قامت تقول فلان تعرف تروح تشتري وهو يقول لا فلانه تعرفي تشتري كل ساع حد تسال وجالسه تفرفر الفلوس فايدينها

جات خالتي وقالت عطيها العيون هي تعرف وهي ماتريد عشان لا اشتري انا اكل بس تريد تشتريلهم هم ماتريدني اكل بس خالتي فالبدايه مافهمت

وقامت قالتلي خذي الفلوس ورحي اشتري فيهم .... كيف اخذ الفلوس من يدها وهي ماتريد تعطيني ,,,

انا سكت وكنت جالسه العب بالتلفون والناس زحمه وربشه حيييييييييل

راحت خالتي ورمت ليش مارديت عليها مع ان قبل رديت عليها مرتين وراحت تقول لامي هذي انا اكلهما وماترد علي كم مره اكلهما وماترد علي ( تقولها بعصبيه وزعل)

عااااااااااااااااااااااااااد شو صار ... اعتقد تدرون شو اللي صااااااااااار مايحتاج شبت فيني والناس قامت تطالع وكان في شباب قاموا يضحكوا ويشوفوا علي ويتمصخروا علي بصوت عالي ويقلدوا بعض من كلاماتها

وانا ماعرفت بعمري شو اسوي

قمت وطلعت والعبره تزاحمني لكن ماصحت ... لقيت خالتي شاله بنتها الاصغر الحمام وقلت لبنتها انا فالسياره

ولا ردت علي وتشوف علي باستحقار (لا حضوا محد قالها شي ولا كلمها وقالها عيب عليك ... بس انا اللي يسوا فيني كذا )

... تصدقون ماالومها

وجيت قلت لامها انا بروح السياره ولا ردت علي واكرر عليها بروح السياره

استحقرني بنظراتها وراحت

وانا هني عاد دقتني البوهه .......... هذا شو اللي جالس يصيرلي !!!!!!!!!!!!

قمت امشي وانا ماحاسه بعمري والله اني ماحاسه بالدنيا ولا انا وين مااعرف كيف طلعت اشوف على الناس وانا مااشوفهم

واشوف على ملابسهم (مش حسد بس اقول في نفسي شوف كيف اهلهم يحبوهم ويشترولهم)

واشوف كيف هم مع بعض يمشوا ويسولفوا ويضحكوا

اخر شي طلعت ورحت وجلست فالسياره فالحر اشوف ع الاوادم وهم جايين وطالعين فرحانين ويسولفوا

اللي مع زوجته واولاده واللي مع صديقاتها ....الخ

هنا انا جاتني حمى ونفضه وتعبت شوي ماادري من شو حسيت بحراره وجسمي كله تعبان بس حاولت اطنش لان اذا تعبت محد بيوديني المستشفى....

جلست بجوعي بحكم انها من زفتني صباح العيد وانا فغرفتي مااكلت شي وغير اني محرومه من العشاء ومن كل شي

حتى من حقي في اني اعيش.....

طلع واحد هو وزوجته توهم متزوجين يحليلهم الله يهنيهم ايدهم فبعض ومروا جنبي وهي تقوله ياعمري وكان بينهم

الفه ماشالله تبارك الرحمن الله يخليهم لبعض

حسيت بحبهم لبعض.. وجلست افكر ياترى بيجي يوم حد بيحبني فيه ؟ واذا حبيني هل بيحبني يوم يومين ويتركني؟

جلست انتظر كثييييييييير تعبت من الانتظار وهم على الراحات ياكلوا ويلعبوا ويتسوقوا جا ولد خالتي صغير السياره وقالي امك عطتني مبغ كذا وطلع من جيبه يوريني ......... بصراحه مااخبي عليكم حزنت كثير

ويقولي بشتري فيه موبايل

جا في بالي كلامها الصبح لما تقولي ( زولي الله يزول حياتك )

بعد طول انتظار رحنا البيت والكل مخاصمني مايكلمني وهي جالسه تتهرطم وجلسوا يسولفوا مع بعض وانا حاقريني

والخاله وااارمه علي وزعلانه مع ان هي غلطت علي مو انا وخلت اختها تفشلني قدام العالم

ياترى هي اذا صار فيها اللي يصير فيني شو بتسوي بعمرها!! (هني انا صرت مااحبها وعرفت قيمتي وقدري عندنها والظاهر من زمان كذا بس انا على نياتي ماكنت حاسه او اطنش واقول هذي خالتي وماادري شو )

والصباح قامت هي طلعت من الحمام وانا اشوف عليها ولا عبرتني وارمه وراحت فالصاله وتقول لامي صباح الخييييييييير

كيف اصبحتوا .... ومن هذا الكلام وبكل حب وود ,, تريد تقهرني

اااااااه عرفت قدرك ياخالتي وعرفت انك نفس اخت مافي بينكم فرق

انا هني قلت لين متى انا اراضيهم وادوس على كرامتي .. اصلا ماصار عندي لا كرامه ولا احترام ولا كيياااااااااان ولا شييييي

ف طز فيهم واعلى مافي راسهم يركبوه واللي يسوه يسوه انا خلاص ماعاد لي شي فالدنيا واللي فقد كرامته فقد كل شي

الدنيا دار عبور وبكره بموت وينتهي كل شي ويصير هذا وغيره من الماضي وعسى رب العباد يلطفبي فالاخره

..........................................................................................................
(مقتطفات)

بنات صباح العيد انا لما دخلت غرفتي كان في سكين حاده جلست اشوف عليها وقمت اقلبها فايدي ... وجلست امسح فيها على ايدي من الصوب الحاد

صوب الشراين 
ادري اني اذا قطعتهم بموت وجلست فتره كذا ومررتها صوب رقبتي وجلست اطالع فالمروحه اني ممكن اخنق نفسي واموت




استغفرت ربي مستحيل اموت عاصيه على الاقل ارتاح فالاخره وتكون غير عن الدنيا

يابنات انا اخاف ربي ومستحيل اسويها بس مرات نصيرلي حالات غصبا عني بعد فتره انتبه على نفسي اني كنت بسوي غلطت والله اني فترات اكون فاقده الادراك والاحساس..

بس استغفرت ربي وجلس كلامها يتردد على بالي (ياقليلت الادب ) دايما تقولي ياها قدام كل الناس وقدام صديقاتي وجيرانا والاهل وحتى مدرساتي زمان لما كنت فالمدرسه

قلت دام اني قليلت ادب خليني اكون قليلت ادب حق وحقيقي جلست افكر شو اسوي جا في بالي البنات الصايعات واللي يكلمن 100 واحد ويسون علاقات غراميه وخرابيط

قلت خلاص خليني اكون مثلهم خليني اتعرف على شباب واكون قليلت ادب بحق وحقيقي على الاقل بيسمعوني كلام حلوا ماعمري سمعته .. دايما تقولي قليلت ادب وانا اتاذى من هالكلمه لازم اصير كلمه وفعل
لازم ابحث عن شخص تقول كلماته أنا من سيروي لك هذا الضمأ ....
تقول كلماته أنا من سيحترمك ويقدرك ويناديك بأحب الأسماء والألقاب إليك
أنا من سيوفر لك الحنان والسعادة اللتين ضاق بهما منزلك
جلست ادور فتلفوني عن ارقام ماحصلت غير 3 ارقام شباب واحد ولد عمي و2 اولاد خالتي .. ولد عمي ماينفع متزوج وولد خالتي الكبير ايضا ماينفع والثالث قريب من سني وراعي سوالف قمت رسلت له رساله العيد يكتبلي لم يتم رسلت على رقمه الثاني كتبلي لم يتم (شوفوا رحمت ربي بيني )

قمت رنيت علرقم الاول( ترى ماعندي رصيد غير رنه خخخ ) يقولي مقطوع

قمت دقيت عالثاني يقولي تعذر ............. يعني هذي الحركه ماضبتت معي وهذ كان لطف من ربي

وعسى ان تكرهوا شيئا وهو خير لكم

قمت استغفر ربي واستغفر .. والله اني مااريد اسوي كذا بس هي اللي خلتني اوصل لها المرحله

قمت اتصلت عالبداله سالتها قلتلها في عندنا دار للمسنين ... راعيه البداله استغربت على بالها يمكن اني بودي حد ههه قلتلها لا بس ابي استفسر .. قالتلي مافي

وسكرت من عندها .... تدرون ليش بغيت دار للعجزه قلت بشوفلي طريقه اروح لهم واشوفلي وحده عجيز اعتبرها امي واخذ حنان منها واجلس اتكلم معها

بس ما صار 

للاسف للاسف للاسف
وبعدني افكر ادور عن حرمه كبيره ماعندها اولاد عشان اعتبرها امي اذ هي ترضى

قلت بشوفلي طريقه ثالثه قمت اتصلت براعيه البداله وردت علي وكانت تضحك الظاهر جالسين ينكتوا ياحضهم مالومهم الدنيا اول يوم عيد

قلتلها اريد رقم دار ايتام او الاطفال اللي ماعندهم اهل

استغربت من سؤالي قسم بالله مالومها

عطتني رقم الهيئه للاعماال الخيريه (انا مااريد الاعمال الخيريه انا اريد طفل اضمه واحبه ويحبني) .... انا ماعرفت شو اسوي ......... ضاقت بي السبل وضاقت بي الدنيا بما رحبت

كل مااقول بتفرج تضيق اكثر واكثر وكل يوم اكثر عن الثاني وكل مالها والضيق يضيق علي لين اموت

دعيت ربي فالعشر الاواخر كلهن .. بس مااعرف اذا ربي بيستجيب لي او لا

ااااااااااااااااااااااااااااااااااااااااااه يابنات انا دايما والله العظيم غضبا عني ومو بارادتي احس اني بكفر

دايما اقول اللي حوليني مسلمين ويعامولوني كذا وين الرحمه ووين ووين ووين..................الخ

والكفار شوف كيف يتعاملوا مع بعض باحترام

اسغفر الله العظيم استغفر الله العظيم يارب سامحني والله اني وصلت لحاله صعبه اخاف اني اكفر او اسوي شي يغضب ربي

حتى مرات افكر اقول ليش مااطلع اروح ادور فالحواير والمناطق عن اهلي يمكن بحصلهم...

... والا يمكن تكون امي الحقيقيه فمكان بس هم يعذبوني وموراضين يخبروني عنها او يمكن انا بنت حرام وهم

يربوني لانها هي دايما تقولي,,,, يابنت الحرام ,,,,,

افكر ازور طبيبه نفسيه لاني قمت اخاف اني اغلط بشي سواء بعمري ولا بديني خفت لما وصلت لها المستوى


بس

من وين وكيف وهل هي بفلوس او لا وكيف اقدر اوصل لها وهل بيكون عندي ملف للعلاج وهل اذا حصلت طبيبه نفسيه

تعالجني بدون مقابل او حكومي في حد بيكتشف اني اتعالج .. والمجتمع اذا عرف بيقول عني مجنونه

!!!!!!!!!!!!!!!!!!!!! ولا كيف!!

وين اودي بعمري

قريت موضوعك بالرابط
الله يعنيك ويصبرك
والله اني حزنت على الحالة اللى انتي فيها وبكيت ودعيت لك وانت ماتدرين
الله يهدي امك ويهدي سرها يارب ياسميع الدعاء ويرزقك الزوج الصالح الي يسعدك ويهنيك ويعوضك عن السنين اللي ضاعت من عمرك مادامك تخافين الله في أعمالك انشالله ماراح تضيعين واكثري من الدعاء وقراءه القران واكثري من الاستغفار وانتبهي لا تقعين في الحرام لان ماحد راح يضيع الا انت
اما الدكتور النفسي والله ماعندي خبره انشالله البنات يفيدونك

اختى الحبيبة العيون المتفائلة
بيان من خلال حديثك ان امك مريضة لاتتحكم باعصابها ولسانها ويمكن تعتبرك انت سبب تعستها وحاقده عليك اريدك انتنظرى اليها بانها مريضه ويجب عليك تغيرى معاملتك لها بان تنظرى اليها بعيون الشفقة من كثر الصياح والسب
اختى الحبيبة اريدك تفاجيهم بتغير كلامك وافعالك نحواها افعلى الاشياء التى تحبها مثل الاكل واخذها على قد عقلها ودايم بينلها انها صغيرة وان شكلك اكبر منها واديم امدحيها مثل سوى القهوة وحلى وسولفى معها وقليها ماحلى بشرتك يامى اليقول اختى ماامى واذا شفتى وحدة جميلة فى تلفزيون قول هذة تشبهلك يمة دايم قولي امى شباب الله يسعدك امي
واذا صارخت عليك قول لها جزاك الله خير وغير مكانك لاتقعدى فى نفس المكان
واكتبى رساله الى امى الغالية منبع الحب والحنان بكلام عذب وضعيها تحت مخدتها
اذا طلبت ماء اذهبى احضرة لها
الدعاء ثم الدعاء اللهم حنن قلب امى على
اختى لماذ الا تعيشى مع ابوكى اتصلى علية ارسالى رسالة اريدك والدى انقضنى
اختى ردى على ولاتنسى الذى اقولة لكى غيرى معاملتك قال تعالى ( ادفع با لتى هى احسن فالذى بينك وبينه عداوءة كانة ولى حميم)

الحمد لله مانترك فرض وتقرا قران وحتى انا