ღ قـلبهـآ غآمـدي ღ :

ولي مع الإبداع موعد هنا في مواضيعك الرائعه ياآهات رحلة :smheart: أنا بالنسبة لي مافيني ولا صفة من هذه الصفات ولله الحمد لكن فيني صفات من نوع ثاني :laughing:

ولي مع الإبداع موعد هنا في مواضيعك الرائعه ياآهات رحلة :smheart: أنا بالنسبة لي مافيني ولا صفة...

فآتن. :

بالنسبة لرأس الموضوع (امرأة يكرهها الرجال ) فهو استفزازي بعض الشيء للزوجات انا كان تفكيري زمان محصور كل ماجاتنا نصيحة اقول ليش ماتوجهو للرجال مع الأيام فهمت حاجة اني طالما أنا اخاطبك فأنا اناقش عيوبك انتي ماقدر اناقش عيوب الشخص الأخر على اساس بنغيره؟ لا طبعا مارح نغيره فلما نخاطب نفسنا حنشوف عيوبنا ونصلحها وبالتالي هو ينجذب مش عشانه هو يعيش مبسوط لأ علشان نكسب نفسنا الصفات اللي ذكرتيها لابد تستخدمها بعض الزوجات مع أزواجهم بنسب بسيطة في بعض المواقف مع نوع معين من الأزواج لأن مو كل الرجال يرضخو بسرعة فتضطر تكون لحوحة احيانا ونكدية احيانا أخرى بس مو معناتها تعتمدها الزوجة لكل مطالبها ولا تجمع كل الصفات مرة وحدة وبالنسبة للي تزعل من توجيه النصائح للزوجات دون الأزواج طبيعة الرجل يبحث عن راحته متعته سعادته وطبيعة المرأة تبحث عن راحته متعته سعادته يعني هو يبحث عن رغباته وهي تبحث معاه كيف تلفت نضره لها كيف تأمن له رغباته؟ وهي لغت نفسها من قائمة الأفضل والأحسن وفضلت يكون هو متصدر هذه القائمة وصار النظر عليه هو وحده ادا انشغلت ولو شوي باصلاح ذاتها حتكون راضية عن نفسها وهدا المهم ماعفيه من اخطاءه بالرغم من ان اخطاءه ممكن تكون اعظم منها ولأنه طرف في دي العلاقة وممكن يكون سبب في جعلها لحوحة لأنه كثير الرفض وتكون منانة لأنه ينكر فضلها بس هنا مو مجال أدم لأن بعض الغلط عليها و دي عيوب ممكن تكون من الصغر ممكن تكون الأم او الأب هو السبب فيها مش شرط الزوج افضل نركز على اخطاءنا ونتدارك عيوبنا مش غلط اننا نصلحها الغلط هو التمادي فيها ومحيطنا حيتأقلم معانا وبالتالي نكسبه وأولهم الشريك لأنه في الأول والأخير مش أعمى وله نظر وان صبر كم سنة مصيره ينتفض ويطالب وقتها ايش تستفيد الزوجة راح تنكسر وتعجز عن التغيير السريع لأن دي التغييرات يبغالها وقت ماتجي بين يوم وليلة زي بعض الزوجات تجي تطلب منك حل مشكلة زوجها خلاص بيتزوج عليها أو انه في علاقة مع امرأة اخرى لما تعطيها الطريقة وان حل مشكلتها في تغييرها هي المسكينة تلقى صعوبة شديدة ومعاناة لأنها من الأساس كانت تبغى منه يتغير وهي زيما هي على طبعها القديم وتبغاه يتقبله ( طبعها القديم اقصد مثل العيوب اللي ذكرتيها ) طبعا كلنا فينا عيوب واكيد كلنا نبغى ازواجنا يتقبلوها زيما احنا نتقبل عيوبهم بس اللي انتي ذكرتيها من العيوب اللي هدا اسلوب حياتها اللي تعتمده معليش ماحد حيتحملها حتى الأهل مايتحملوها فكيف الزوج لأنها صفات سلبية مؤذية صعب التعامل معاها والمشكلة صاحبة دي الصفات لايمكن تتقبلها من غيرها وتشوفها انها اسوأ الصفات وتقول كيف فلانة زوجها متحملها فإذا هي ماقبلت دي الصفات من غيرها فكيف تبغى الكل يتقبلها منها؟ هدا بالنسبة للمتزوجة من رجل طبيعي اما غير كدا فحلها مو محتاج للنكادة والحن والمن انما محتاج وقفة صارمة ممكن توصل للانفصال عن هدا الزوج. والله أعلم

بالنسبة لرأس الموضوع (امرأة يكرهها الرجال ) فهو استفزازي بعض الشيء للزوجات انا كان تفكيري زمان...