امراءه في الرياض على ذمة رجلين؟؟؟؟

لسلام عليكم ورحمة الله وبركاته
هذه قصة واقعية في الرياض يرويها لي الزوج الاول يقول كنت معزم على اني اتزوج فبحثوا اهلي عن فتاة مناسبة فذهبنا الى احد البيوت يذكر ان فيه بنت للزواج فرحنا اليه انا وامي واختي ودخلتا امي واختي فشافوا البنت واعجبت اختي بها واتصلت علي وقالت البنت تجنن تعال شفها فانا كنت ادور الين يخلصون ثم يوافوني بالنتيجة فتوجهت الى البيت مباشرة لاشاهد البنت فدخلت على فجاة وقدمت العصير ثم ذهبت بسرعة فلمحتها لمحة بسيطة ففقلت فيما بعد مع اقناع اهلي بانها زينة وجميلة توكلت على الله وقدمت الشبكة بسته الاف ريال وبعدها بايام دفعت المهر اربعين الف ريال وتملكت وبعد يوم من الملكة جلست معها تمقلت فيها وناظرتها زين خلال ثلاث ساعات او اربع ساعات ابي اقنع نفسي فيها عجزت فذهبت الي اهلي وبعد اربعة ايام من التفكير فقلت لامي البنت هذي ماتصلح لي ابدا بعد يومين كلمت امي على اهل البنت وقالت لهم السالفة وانا الحين نبي نطلع بالمعروف قبل مايتورطون بعيال وليس هناك توافق فرد ابوهم علينا قال جزاكم الله خير . فاستفتيت احد المشايخ لكي يخبرني ماذا لي من المهر فقال لك النصف منه وهو عشرين الف ريال فقلت لاهل البنت هذه الفتوى فعارضوا ان يدفعوا ريالا واحد وخلال مشاورات ومداولات تمت سنة وشهرين لكي استرجع نصف المهر واطلقها فلم يدفعوا الا خمسة عشر الف ريال والباقي لم يدفعوه فقلت بكيفهم بنتهم معلقة وراجعين لي غصب فمرت الايام وجاني خبر من امي ان خطابة شهيرة تقول ان البنت قد تزوجت من رجل غني غرهم فيه ماله وتجارته فاتصلت امي مباشرة على ام البنت فقالت كيف تزوجون بنت على ذمة رجل اما تخافون الله فكان كل عذرهم انه كان في نيتي الطلاق ولكني لم اطلقها الى الان 00 لاحول ولاقوة الا بالله



منقـــــــــــــــــــــــــــــــــــــــــــــــــول؟؟؟؟؟؟؟


وش رايكم تتوقعون يابنات الموضوع حقيقي واذا كان حقيقي لهذي الدرجه التهاون بالدين؟؟؟