أخت مجروحة فعلا و الله سالفج أثرت فيني وايد

بس تدرين أنا جدتي دايما كانت تقول لي اذابغيتي ريلج يكون اوكي معاج اقري عليهم هذي الآية من سورة يس و هي " وذللناها لكم فمنهما ركوبهم و منها يأكلون، و لهم فيها منافع و مشارب أفلا يشكرون" ثلاث مرات اقريها في قلبج و هو يالسج يمج و انفخي في ويها بس بطريقة خفيفة و حلوة

و بعد سورة السماء و الطارق الآية " فماله من قوة و لا ناصر" نفس الشي ثلاث مرات قريها و نفخي في ويه وايد زينه و استمري تقرين عليه هذي السوروالآيات حتى في ماي و خليه يشربه

طبعا هذا كلام الله و ما أظني فيه أي خلاف

هللا المجروحه
انا مثل ما قالوا الاخوات وخاصه ام روضه
استفيدي من الكلام اللي قالوا لك
انا الصراحه انقهرت وحزنت واعرف انه هذي نزوات الرجاجيل ما هي إلا فتره وبتعدي
صدقيني
فزوجج لو يدور بنت في الدنيا كلها ما بيحصل مثلج
حبج واخلاصج واهتمامج بنفسج وبعيالج
هذا كله في وقتنا الحاضر ما توجد امرأه موفقه بين هذي الصفات
فزوجج هو لج انت وبس وانت له
اعرف بعض الاشخاص يمرون مثل هذي المواقف لكن في الاخير يرجع الزوج الى زوجته مبرر اسفه واخطائه
المهم مثل ما قالت اختنا ام روضه لا تفرطين في اهلج هم كانوا يريدون مصلحتج ومصلحه عيالج واخطاتي خطأكبير يوم بينتي لعيالج انج ما تكلمين اهلج شوفي شو ردة الفعل عليهم مهما صارلج هم مالهم اي ذنب صح
حاولي اتصححين بعض الاخطاء الجانبيه وخلي عيالج يحبون ابوهم اكثر
وانتي طبعا الاهم وانا حاسه فيج والله ومعاج قلبا وقالبا
والخطوة الاخيرة هي انج تجلسين مع زوجج بكل صراحه اتكلمينه ومن دوووون ما يعلى صوتج عليه خليه يحس بحنانج وعطفج وحبج له وانج اتغارين عليه الى درجه الموت وانج اتعرفين انه غير اسمها الى اسم رجل على الجوال وصارحيه وقوليله شو نهايتها خوفيه من مراقبه الله تعالى له خوفيه انه ممكن الله يبتليه في عياله
وقوليله انج تتمنين انه الله يصلحه وتدعيله في كل صلاه وقوليله انك بتخسر الكثير من هذه الحركات العقيمه وبينيله انج تريدين اترجعين الثقه بينج وبينه وخذي منه العهد
هذا اللي اقدر افيدج فيه حبيبتي
والله يآجرج في مصيبتج
اختج الحبوبة77

الاخت مجروحه

نصيحه من اخت اصلحي ما بينك وبين الله يصلح ربي مابينك وبين زوجك


وعليك بالدعاء بان يهديه الله ويقربه منك ويبعده عن الحرام ثم عليك بالوقوف موقف حازم امام الحرام وقولي له ادا كنت ولابد فالزواج من اخرى ولو كان صعب عليك ولكن الا الحرام فالمعصيه شؤمها يعم الجميع وادا كان قادر يفتح بيتين فالله يعين

الاخت سبائك العسجد اعتقد المرأه لو اوهمت الرجل بوجود اخر في حياتها فربما يرتكب حماقات لاتحمد عقباها لان الرجل بطبيعته غيور وفطرته لاتسمح له بمجرد التفكير بأن زوجته تكلم اخر المفروض الا تثيري غيرته والا لما وثق بك طول العمر هدا ان ابقاك علىدمته هدا رائي والله المستعان

اختي ام مسلم.. انا اقصد تخليه يعيش بنار..ما يقدر يمسك عليها شي.. واذا حاول يكلمها تقول له انها خويتها واذا مو مصدق يدق عليها..بس ولانه غلطان..وغلط هو بهالطريقه بيعيش في حيره..بس اذا كان زوجها من النوع اللي ما يتفاهم..ومتسرع ما بتنفع هالطريقه..وعموما انا حطيت نفسي بمكانها ولو كنت بمكانها بسوي نفس الشي..
عموما هو مو حل صائب 100% ولكن اشوف انه ممكن يكون حل سليم في بعض الحالات..لاني قاريه مشاكل على هالشاكله..وكانت الردود عليها مشابهه..والله اعلم
عموما اعتذر اذا كان ردي خاطئ..بس من حر ما فيني..
ومشكورة اختي على تعقيبك