اختي رغد الحياه
اشكرك على ردك بس حبيت اعرف هل فعلا الصحه سيئه عندهم ؟؟؟؟؟
ابليز ردي عليه ...
والاسواق نفسها الي في امريكا ؟؟؟والطبيعه حلوه ؟؟؟؟
ياريت اتردين عليه

الصحه مشكلتها الاساسيه في كندا انه تاخذ وقت طوييييييييييييييييييييييل
يعني الشغلات العاديه والزيارت ماشي الحال على طول بتروحي عالدكتور وبتمشي حالك
وكمان في مسائل الحمل والولاده كمان كل شي ممتاز وسريع والعنايه واعلاج ممتاز
لكن لا سمح الله لو بدك تعملي عمليه دايما بياخد وقت طويل على بال مايجي دورك.. بس طبعا لما يجي دورك العنايه نفسها مابين البلدين ..

الاسواق نفسها تماما لأنه اصلا اسواقنا كلها امريكيه ماعندنا شي كندي
والطبيعه جذااااااااااابه

:)

مرحبا مرة تانية ،
انا بختلف مع رغد الحياة بعدة نقاط ، وطبعا إختلاف الرأي لا يفسط للود قضية يا ست البنات يا رغودة يعني ما تزعلي بس انا رح قول رأيي بصراحة...
بالنسبة للتعليم اكيد اميركا احسن ، اميركا احسن من كندا من ناحية الجامعات ، هي اولا ، ثانيا انا هدا تاني حمل لإلي اول حمل حملت كنت بالسعودية والفرق شاااااااااااااااااااااااااااااسع ، بجوز اللي مو مجرب غير هون ونظام هون يعجبو الوضع بس بصراحه اللي مجرب الأحسن مو ممكن ينبسط ، يعني معقول وحده ما تشوف طبيبة نسائية إلا بالأشهر الأخيرة!!!!!!! اي كنا من اول ما تتأخر الدورة ناخد موعد عند دكتورة نسائية بدون المرمطة اول شي عند طبيب العائلة، يعني كل ما بدك تحويل سواء عند طبيب جلدية او طبيب اطفال ازا الولد مرض او شي بدك تمري على طبيب العائلة وهي شغلة بصراحه بحسها متخلفة يعني ، نحن متعودين بتحجزي موعد وبتروحي على الدكتور اللي بيعجبك وعلى كيف كيفك كمان، يعني انا اخر مرة رحت عند الطبيب تخيلي اول مرة بشوفها بحياتي قال بيقيس البطن بالمازورة نفسها مازورة الخياطة هههههههه والله اني فطست من الضحك ، يعني بأي عصر!!!!! شو مافي شي اسمو الترا ساوند ليعرفوا يعني ، بعدين ما بيعملولك غير الترا ساوند واحد يمكن بكل الحمل ، بعدين ما بيعملولك الترا ساوند الا ازا رحت مثلا على الإسعاف وقلتيلهن مالك حاسه بحركة او اي شي من هالقبيل يعني ، ، انا سمعت عن وحده كان الحبل السري ملفوف حولين الجنين وهنن مو مكتشفين وكان الولد فعلا رح يموت وقت الولادة لانو ما عملوا الترا ساوند بالشهر التاسع او قبل الولادة فما عرفو ، يعني النظام الصحي سيء سيء سيء وخاصة للي متعود على الأحسن، وبرضو لا تزعلي يا رغودة يا ست الكل انا عم بحكي وجهة نظري ، انت شكلك الك زمان عايشة بالبلد ومتأقلمة بينما انا بصراحه لأ ، الشيء الوحيد اللي منيح بالبلد هو انو مافي مضايقات غير هيك انا ما طقت البلد ومالي مصدقة ايمتى ارجع بصراحه ،
والأخت السائلة موفقة يا رب والله يختار الخير الك ولجميع الخوات...

اهلين سيريان قيرل
عادي ياقلبي كل واحد واله رأيه
بالنسبة للدراسه انا درست الثانوية هون وبصراحه قرانت دراستي مع كتيييييييييير صاحباتي درسو االثانوي بأمريكا واله مافي مقارنه يمكن انا مدرستي كانت صعبه بزياده مابعرف بس بجد يعني هون ثانويتي كانت صعبة لدرجة فظيعه وبالذات اخر سنه في مادة الانجليزي وحدها قرأنا حوالي 12 رواية ادبيه عالميه كل واحده طولها فوق ال300 صفحه طبعا مع التحليل وكتابة الاسايز ومابعرف شو ورفقاتي بأمريكا درسوا ثلات روايات بس مدارسهم!!
مابعرف شو هو الغلط اما في مدرستي او في مادرسهم الله اعلم
بالنسبة للجاامعات انا هلأ عم بدرس في جامعة تورنتو وبصراحه ممتاااااااااازة ومعروفه عالميا والتدريس جدددددا صعب وقوي والوضع الاسلامي فيها ماكنت حتى احلم فيه وانا هيدا اللي بيهمني .. يمكن بأمريكا متله او احسن مابيهمني


اما للعناية الصحيه لاياعيوني ماراح ازعل لأني انا بنفسي كنت ضحيه لغلطة طبيه كلفتني كتيييير بس ربك ستر..بس هلأ بلوم حالي لأنه نحنا ماكنا نعرف نتصرف شو مايقولنا الفاملي دكتور بنقول اوكي متل مابدك بس هلأ لا والله احنا اللي بنتحكم بدكتورتنا ومنخليها تحولنا امتى مابدنا وغصبن عنها كمان ..
شوفي انا متل ماقلتي الي زمان هون فصرنا نعرف كيف نتحكم في الطب على كيفنا..
يعني مثلا شغلة التحويل لأي دكتور صرنا علىطول بنروح عن دكتور العائله وبنقلها هلأ هلأ هلأ هلأ بدك تعطي الموعد وبتعطيني ياه على طول والحمد الله صرنا نتبع هالمبدأ ومن وقتها كل شي تمام ..

بعدين بالنسبة للحمل والله استغربت كتيييييييييييييييييييير
لأنه انا اختي من قريب ولدت هون وتابعتها دكتورة ممتازة من اول حملها
وعملولها الترا ساوند اكتر من مرة وراحت على الحمل كلاسيس وكانو كل اسبوع يعطوها نصائح ودروس وهدايا وكانو يعطوها كل اسبوع عشرين دولار لأي سوبر ماركت مشان تاكل اكل صحي مشان البيبي!
ومابعرف في وقت الولاده امي حضرت الولاده وقالت انه اساليبهم احسن بكتير من اللي جربته بالسعوديه
بس شو قصدها بالضبط مابعرف والله ( :D ماسألتها على هالامور)

حبيبتي انتي بأي مستشفى ولدتي هون؟؟
اختي ولدت في كريديت فالي وكان جدا ممتاز

سيريان قيرل حبيبتي احنا كنا هيك بس مع الوقت تأقلمنا وصرنا نعرف كيف نتعامل مع السلبياتوالحمد الله الامور كلها ماشيه .. واذا على الطب اسألي الاخت ام محمد برضو الها زمان هون وكانت على صلة مع الرعايه الصحيه بشكل جدددددا قريب بسبب مرضها الله يشفيها يارب وبتحكي لك تماما رأيها في العناية ..

واخيرا
الله يكفينا شر الامراض جميعا ولا يحيجنا لمستشفى ولا لأشي
ويخلينا واولادنا واخواتنا سامين معافيين
امين
:27:

والله يا رغد انشاء الله يكون هيك متل ما قلتي بس نحن حتى معارفنا اللي الهن هون من زمان قبلنا يعني ماشيين معنا على نفس النظام بالنسبة للدكاترة والصحه يعني، كللو مستاء جدا وهنن الهن فترة منيحه يعني بالبلد مو متلنا جداد، بالنسبة الي انا لسا ما ولدت هللأ صرت تقريبا بنص السابع واول مرة بروح عند طبيب نسائية كان هالأسبوع، وأصلا كل ما رحت عند عيادة برجع عم ببكي متل الأولاد الصغار وبيصير معي اكتئاب ، حتى بعد ما رحت آخر مرة حردت وقلتللو لزوجي ما عاد روح مو مستاهلة الشغلة يعني انتظار وروحة وجية، انا تبقى بقيس وزني بالبيت وباخد مقاس بطني بالميزورة وخلاص لشو الروحه مالها داعي ، انشاء الله يكون كلامك صح وتمضى ولادتي على خير انا ناوية اولد بالكريدت فالي يعني بس انا رحت مرة زرت وحده صاحبتي ولدانه فيها وكانت الغرفة مو نظيفة ابدا ابدا ، وين ولادتي الأولانية كانت مرفهه شي كتير ونظافات وشي بيشهي ، ما كنت اصلا بدي اطلع من المستشفى هههههههه..... قول اريحلي بالمستشفى مما ارجع على البيت .... يالله انشاء الله يهك بتهون يا رب...