حبيبت قلبي اولا سوي تحليل الدم الرقمي قبل كل شي لايكون حمل وماهو باين في تحليل الدم العادي وتحليل البول اكرمك الله لو كان حمل في طريقه للنزول حبيبت قلبي لاتجلسين كذا روحي مستشفى الملك عبدالعزيز بجده ادخلي على الطؤارى وقولي ان معاك نزيف شديد لوتنومتي عندهم راح يسولك كشف واشعة من وإلى عشان ترتاحي وتشوفي ايش فيك يسويلك اشعة للرحم واشعةالصبغة وكل شي تحتاجه حالتك حبيبت قلبي وحتى تحليل التبويض ويتابعونه لك ماراح يطلوعك الاوانت بإذن الله سليمة مافيك شي حرام تجلسين وانت فيك نزيف كذا فين زوجك عنك مفروض يوديك المستشفى على طول الزيف ماهو زين كله من صحتك ودمك لورحتي المستشفى اطلب الدكتورة الاستشارية نسمة منصور تتابع حالتك ومتشوفين شر
فروالة جده حبيبت قلبي من كلامك عن الممرخة كانها اللي رحتلها في جده فين عنوانها هي عجوزه ويمنية

الله ريح بالك انا حصلت معايا قبل سنه تأخرت اكثر من 10 ايام ومثل ماقلتي شويه وتوقف حت الصلاة صرت ملخبطه فيها
وكانت اول مره تحصل لي(وصادف نفس الشهر اللي حملت فيه قبل سنه يعني توهمت انه حمل)
بس ربي يعطيني ويعطيك وكل محرومه

بس بسألك انت رحتي عند ام حسن اللي في السبيل كانت النيه اروح لها الخميس بس مره خايفه...كيف شغلها تمام وجلسه والا على جلسات؟

يااقلبي الله يريح بالك يااااااااارب العالمين

والله ماعندي علم يااقلبي ...

اللهم يارب الناس اذهب الباس واشف انت الشافي لاشفاء الا شفاؤك شفاء لايغادر سقما ...يارب اشفي اختي فراوله جده
وفرج همها وكربها وارزقني واياها الذرية الصالحة ... في القريب العاجل .. اللهم آآآآآآآآآآآآآآآآآمين

حبيبت قلبي ام حسن اللي في السبيل مبروكة مرة والله الحمد رحت لها بعد ماتأخرت في الحمل 6 شهور وعلى طول اول مارحت لها مرختني وحطتلي تحميله اول يوم تمريخت فيه مهمة التحميله هذي اطلبيها منها وماراح تفهمي منها شي لانها كلامها كله يمني اصيل ماتفهمة منه شي ومرختني لمدة 3 ايام واليوم الثالث طلبت منها تخرج التحميله قالت لي انت خرجيها قلت لها لا ماأعرف وانت إذا رحت لها سوي زي ماسويت بالضبط لاتسوى نفسك تعرفي تنزليها ترى هي تولد كانت يعني تعرف زين وسوتلي كاسات الهواء ولمن تروحي لها شيلى معاكي شماغ عشان تربط بطنك وقالت لي ان الرحم نازل بس الشهر اللي رحت فيه الشهر اللي بعده على طول حملت ماشاء الله لاقوة إلا بالله بس لمن حملت سقطت وجلست شهر وجاتني الدورة والشهر اللي بعده حملت وسقطت لان الحمل كان عنقودي ورحت لها وقلت لها ان سقطت مرتين والله صارت تمرخني وتدعيلي بان ربي يرزقني تؤم ان الصراحه احب الحرمة العجوز احسها شبه جدتي والله وانا كنت اعطيها في كل جلسة 60 ريال وهي تأخد اللي يجيها بس أول جلسه لازم 60 ريال
وترى في وحده البنات يمدحونه مرة في المنتدى وهي ام خالد في حي المنتزهات وهي عجوز كمان وتعطي علاجات واعشاب وغذا تبغى رقم ام خالد او ام حسن ترى الاثنين عندي ارقامهم بس ام خالد ماجربتها
الله يرزقك الذرية الطيبة السليمة المعافاة من غير زيادة فيها ولا نقصان وادعيلي ان ربي يعوضني
وانصحك نصيحة اخت لاأختها عليك بقرأة سورة البقرة كل يوم من قبل الحمل وحتى بعد الحمل مع وضع اليد على البطن والدعاء بالذرية وراح تشوفي كيف نفسيتك راح ترتاح وتوكلي على الله هو حسبنا ونعم الوكيل

الله يشفيك ويرزقك الذرية الصالحة عاجلا غير آجل

الله يشفيك ويرزقك الذرية الصالحة عاجلا غير آجل

الله يشفيك ويرزقك الذرية الصالحة عاجلا غير آجل