السلام عليكم ورحمة الله وبركاته
بنات انا طفشت من تصرفات اخت زوجي
بس تزوجت من ثلاث سنين صارت وحده ثانيه مدري وش جاها ماصارت تستحي انا احس قلبي بينفجر منها خلاص والله ماعاد اتحمل حركاتها ابي اعرف تصرفاتها عاديه وانا مزودتها ولا هو خطأ زي ماتعلمت من اهلي ...
اول القصه هي تدخل بحياتي بشكل مو طبيعي يعني لاتغيرين كذا ابوي جابه لاتسوين كذا ابوي حطه لاني ساكنه بشقه ابوها مسويها وفي بيته بس والله يابنات انها تضيق الصدر ان شاء الله بنزلها بس قبل ما اغيرها .. انا اتحملتها وبعض الاحيان اطنشها مالها دخل اوكي ابوها سواها بس علشاني وخلاص صارت شقتي على ما اعتقد ...
اذا تبي تروح السوق تلزق الموضوع فيني انو انا ابي اروح علشان زوجها مايخليها تروح لوحدها واذا رديتها تزعل ومره رديتها على زواج والله كم من مرات نتواعد نروح سوا وانا جاهزه خلاص تعتذر او وانا بالقاعه مافيه مشكله ظروفها يمكن ماتسمح بس مو لدرجة اخر مره كان عندنا مناسبه والا اروح معها وانا مالي خلق واصلا ما احب الزواجات ابدا وكنت اروح اجامل زوجي وخلق الله بس هالمره كنت واصله حدي قامت كلمت اهلها وكلمت اخوها اللي هو :arb: وتقول ماعندي حريم اخوان يروحون معي مابروح اذا زوجي قال لي طنشيها (اوكي لجل عين تكرم مداين ) بس لما هي تعتذر لنا ماعمرنا قلنا ماعندنا اخت زوج او من هالقبيل علشان تقول مثل هالكلام ونتحمل كل اساليبها البايخه وكل وحده علشان زوجها وعيالها كرهتنا فيها تخيلو لمى نناديها على غدا او عشا او حتى قهوه ماتاكل ومكشره ولا تتكلم حتى ومره عزمتها وعزمت سلفتي ساكنه جنبي تخيلو تقول لي ليه ناديتيها وليه سويتي سفره قلت لها مو علشانك علشان سلفتي دائما ماعمري رحت لها الا وهي مسويه شي وحلفت انها ماتاكل وبس راحت سلفتي وهاوشتني والله طاحت كرامتي بس ماعرفت ارد عليها لاني تربيت اني ما اقل ادبي على احد ..
وبعدين قامت تاكل بس بعد ماراحت سلفتي والله دائما اروح لها ماعمرها سوت لي شي ولا ابي منها شي لانها لو سوت ماراح اكل زي ماتسوي ببيتي ..
والمشكله قبل ماتروح تاخذ من العدا او العشا الباقي دائما تاخذه تقول بتغداه بكره او من هالقبيل طيب كرميني انا عازمتك كلي في بيتي وشيلي اللي تبين والله ما اردها ومطبخي مفتوح للكل وبالعكس الا صحه وعافيه ..
فاليوم اسألها عن يوم زواجها قالت لي انها جابت كوافيره وهي عند اخوانها ماعندي فلوس اعطوني فلوس ميزانيتي ماتسمح وزوجها يستلم راتب كويس من جهتين الا ثلاث جهات ماشاء الله واخوانها عندهم بيوت واهل هالبيوت حتى هم يبون يجمعون يسوون لهم شي مو بس هي اللي تطمح ببيت ملك ..
فاتقول كشخت وطلبت من حماي كيكه وعشا ووالله ياحالة مرته وبيته تشكى الا الله ...
وزوجها خكري والله لو زوجي واسوي هالحركه ليكفخني وبيقول مو ناقصني شي علشان اخوك يصرف علي لان بعض الاحيان تكلمه جيب لي اغراض وجيب لي ادويه والصيدليه تحت شقتها بس علشان ماتدفع والله اذا اعطاني اخوي شي اقول له يخليه له يجمعها باقي يتزوج ويحتاج هالفلوس وانا عندي زوج مسؤؤل مني ..
احس اني طولتها وهي قصيره بس تعبت منها وكل شي يغث يطلع منها ..
بس حسبي الله ونعم الوكيل
يلزم عليك تسجيل الدخول أولًا لكتابة تعليق.
معطينها وجه بـ زياااااااااااااادة
حاولي تخلين العلاقة رسمية وإثقلي عليها
إذا قالت كلمات فيها قل إحترام لك ردي رد مؤدب
حتى تردعينها لأنك مو أصغر عيالها !!
كلمة ( ما أسمح لك ) تنفع لها تصدينها بطريقة لبقة
سكوتك خلاها تتمادى والله يعينك
موفقة ربي يسعدك
لكـ ودي
حاولي تخلين العلاقة رسمية وإثقلي عليها
إذا قالت كلمات فيها قل إحترام لك ردي رد مؤدب
حتى تردعينها لأنك مو أصغر عيالها !!
كلمة ( ما أسمح لك ) تنفع لها تصدينها بطريقة لبقة
سكوتك خلاها تتمادى والله يعينك
موفقة ربي يسعدك
لكـ ودي
بردتو قلبي بردودكم
الله لايذوقكم الم القلب وعساكم ماتعرفونه
كتب الله اجوركم وجزيتم الجنه
الله لايذوقكم الم القلب وعساكم ماتعرفونه
كتب الله اجوركم وجزيتم الجنه
lmooo%
•
هههههه ضحكت على هالاخت الزووج عندنا ازززفت من كذاااا بس اهم شي ان ابو الشباااب راااضي عني يعني لو توطيت ببطنها اذا غلطت يقولي تستاااهل لانها لسااانها طووويل الله ببعد عنك الشر اختي
الصفحة الأخيرة
هذي باين تغار منك بس طنشيها و مومجبورة تروحي معاها مكان تزعل بطقاق